是咁的，我嘅職業係動物傳心師: 37.我左眼見到鬼

我最鍾意係我隻貓，咁係咪用好多錢就可以買得返？

上電視表演，有名有利，有咩用？

人生在世，最難學習嘅係離別。

即使我明知餐肉係自然老死，都無辦法豁達咁欣然接受，但就算我學唔識接受同放下，時間都會慢慢將身邊嘅嘢帶走，而我亦要繼續向前行。

你問我，對餐肉有無咩遺憾，其實已經無，只係因為我覺得，既然我認為佢咁重要，無理由話放低就放低得到。





即使抱住依份殘影令我每日滲血，我都無辦法放手。

我開始明白，《我左眼見到鬼》入面嘅鄭秀文係咩心情。
 
「再見喇老婆。」
「吓？你講咩話？」