是咁的，我嘅職業係動物傳心師: 4.十三年

人同動物，因為語言不通，就算我話我愛你，佢地都聽唔明。

但唔知點解，嗰一刻我竟然好似對住個就死嘅親人咁，講咗最後嘅說話：「餐肉⋯⋯唔好死⋯⋯」其實餐肉已經陪咗我十三年，佢年事已高，係好普通嘅老死，算係壽終正寢。

餐肉聽到我嘅聲音，微微轉頭。佢對眼，已經無咗以往嘅神彩，係凝視死亡嘅瞳孔。

見到佢咁，我真係好心痛、好心痛。

餐肉嘅腹部微微起伏，每呼吸一次，腹部嘅起伏幅度就更小。