從前有個校長，佢禁錮左全校學生【更新至第二十一章】: 第十五章

屏幕上顯示住一個excel嘅檔案，最頂同最左面分別有【各班班別】同【傷害百分比】兩項。班別依據傷害值黎排名，第一個係5E班，傷害值有3％，但佢個班名變左做紅色，應該係代表佢地已經全軍覆沒。而排第二名嘅竟然係2B班，係……係我地，傷害值有1.3％，之後其他班都係，千篇一律嘅0。

原本作為傷害值最高嘅一班，理應係一件十分值得慶祝嘅事，但係難保其他班唔會透過消滅我地而爭取一個逃離嘅機會，我地而家真係命懸一線。

「我地而家應該點呀？」沉默半响，有人問出最重要嘅問題。

「咸魚你帶幾個人去sci lab整多D生化武器之類，班會嘅其他人就落去D&T室揾武器，另外揾幾個人去家政室， 淨返嗰啲就留喺課室防守。」kitty馬上作出明確嘅指令，完完全全係一個領袖嘅樣子

大家收到明確嘅指示就馬上行動，我地六個人（沛、小年、蕭永、Joey、咸魚、moon）再次上去神秘嘅sci lab。而家手上只有簡單嘅武器，就係之前用淨嘅化學炸彈、界刀、火槍，準備迎接重重嘅危機同死亡嘅威脅。





8:50
「仲有無hydrogen(氫)？」蔡沛問

「無la，不過呢度有D acid(酸)，可以製造氫同腐蝕劑。」我小心翼翼咁拎起一瓶二級硫酸

我揾左一枝又一枝嘅裝住各種金屬片嘅樽倒入唔同嘅試管(除左銅)，慢慢等一陣，就有愈黎愈多嘅氫。

10:00
「應該差唔多㗎啦！」蕭永望住moon袋入面滿滿嘅化學炸彈同腐蝕劑話





「不過要小心D拎，盡量唔好貼近身體」我提醒moon，萬一突然有個玻璃打碎左就GG了。

「知啦，咁我地而家返去啦！」moon同咸魚分別拎住袋嘅一條帶，小心咁行

10:03
由於我地太驚D化學品會爆炸，所以行兩層樓都行左3分鐘，平時根本一分鐘多少少就到班房。

三樓樓梯口
「等等先……」咸魚往班房方向探頭，臉上有一絲絲嘅不安。





我不發一聲咁行去咸魚身後，慢慢順住咸魚目光向前望。有三個身材高大嘅高中生企咗喺家政室門口吵鬧。

「喂！」

我地頓時嚇左一跳，原來係歪兒(副主席)

「fxxk，做乜野呀，佢地係咩人呀？」咸魚小聲咁質問

「頭先佢地無端端過咗嚟班房門口唔知做咩，不過留喺班房嘅人都逃走曬入家政室，暫時無咩事。」歪兒解釋

「佢地係咪所謂想殺我地以換取機會嘅人」蕭永問

歪兒點頭「落左去D&T房嘅人而家暫時喺三樓留堂室度等機會落返去」

「咁快D上去啦！」moon低聲抱怨「好重呀！」





「佢哋喺嗰度呀！」其中一個高中生指住我地大叫

我哋全部嚇一嚇

Oh shit！