從前有個校長，佢禁錮左全校學生【更新至第二十一章】: 第十三章

如果我地真係被困喺學校，咁所有嘅女仔都有一定嘅危險，無論喺郭嘉嘅《奴隸遊戲》定紙上的兵嘅《這學期，我殺害全班》等等，女性都處於一個被控制嘅地位，甚至……

原本我都以為係咁，直至事情有咗轉機……

1/11/2017
8:23
晨光穿過窗簾，照射住一眾熟睡嘅2B班同學，直至所有人都慢慢醒來，先有人去拉埋窗簾。好啦，其實有大部分人都係俾kitty叫醒。初頭有幾個男仔都輕聲抗議（輕聲爆粗），但係好快又回歸沉默。

「D字係點黎㗎？」咸魚努力打起精神咁問





「唔知呀，今朝起身就見到咁」may姐回答，佢係第一個俾太陽曬醒嘅人，可能因為佢瞓得太近窗口。

黑板上面有一堆密密麻麻嘅紅色字，而前一日嘅討論成果則被抹得一乾二淨，不留痕跡。

「遊戲規則：
1.每位學生口袋有一張卡紙折開可用
2.每一張卡牌代表唔同技能，詳情參閱卡牌
3.折開卡牌後，消失乃正常反應，死後會掉落，由兇手執起
4.每人只可以使用五張卡牌，使用過多者後果自負
5.任何人可以被任何理由致死




6.學生以班別為伍

目的：消滅怪物及生存

取勝方法：功勞最大嘅十個班別可以離開」

不知不覺，我睇下睇下竟然將所有嘢讀曬出黎，下一秒我發現全班望住我，唉……好柒

我將隻手放入裙袋，果然有一張卡牌，正當我想折開佢嘅時候，Margaret 大聲問：「嗰D係咪血字？」





「應該係色素黎啫，嚇我唔到既！」麥包答

一段小插曲完咗，我將注意力放返去卡牌度，上面寫住幾個字：
造夢者（精神控制）
能夠隨時使目標昏迷，進入其意識，並控制其夢境。

呢個技能到底可以點樣玩？

我拎起將卡，雙手各握一邊準備折開佢

「唔好搣呀！」moon喺我隔離大叫

但已經太遲啦，卡牌又薄又脆一折就斷，下一秒，卡牌爆開一條藍色光柱，持續半秒後連同卡牌消失不見。我又再一次受到全班注目，明明係想做邊緣人㗎嘛！

「哇！」我呆左一秒，然後輕輕吐出一句。





但係同學嘅目光仲停喺我身上，好似喺度研究我有無死到咁，好彩羅雨韋嗰邊爆出一條黃色光柱，救左我一命。

8:30
不足十分鐘，我地班已經好似disco咁連續發出黃藍紅綠色嘅光芒，每一次都伴隨住驚呼同笑聲。

依據討論同觀察，黃色光柱代表身心控制，例如「動物」，「動物」技能嘅人喺卡牌上面標明佢所屬嘅動物，而其心境及動作長處都會同該動物一樣，例如某同學嘅技能係「兔子」，咁佢就會特別擅長跳躍同匿埋（狡兔三窟），但缺點係攻擊力低，同埋只可以靠草系食物為生，全班有大半人都係動物技能，聽講有五百人都會係動物。

藍色係屬於精神控制，全班得兩個，例如我嘅「造夢者」同kyla嘅「預言家」，卡牌寫話精神控制較其他兩種難用，但非常有用，至於詳細我就未試用，不過kyla好似有試過，但未知成功與否。

紅色就係肌肉控制，班上面有為數不多嘅人係紅色，其中一個就係moon，佢係「戰士」，總之就係點打都唔死，就算俾人切左個頭都可以復原（參照卡牌），原理係加速新陳代謝同肌肉嘅縫合速度，當然做一個戰士應該會好慘，想死都死唔去。較正常嘅就係筋肉人」同「亞馬遜族（共有15人）」，佢地就係基本嘅戰鬥狂，不過筋肉人就係無乜腦嘅肌肉男，亞馬遜族就係有勇有謀又有力嘅團體女性。

最後綠色就係一種助攻嘅技能，例蕭永嘅技能就係「守護者」，佢會隨機守護一位同性同年嘅人，被守護者就可以毫無損傷直至守護者死亡。

不過，要點樣先可以利用夢境去殺人，令到佢有夢……咳咳，然後再精盡人亡？！





（我好似諗歪咗）