從前有個校長，佢禁錮左全校學生【更新至第二十一章】: 第十一章

【羅雨韋視角】
14:36
一聽到腳步聲，我就即刻對同伴打手勢叫佢地匿埋入小食部入面。好彩靠住以前鍛鍊，即使度門鎖左都可以順利透過小食售賣處入到去。
「青哥，我地要攞幾多食物？」一把低沉嘅聲音克意壓低音量，令人聽唔清楚。
「有幾多攞幾多囉！死蠢！」一把宏亮嘅聲音響起，睇黎佢就係嗰個稱為青哥的人

五對二，勝率都頗高……可以博一博

我隨手汁起一個無乜殺傷力嘅鐵湯勺，再靜靜行去門前然後打手勢叫其他人企位。





腳步聲越黎越大聲

我地嘅呼吸亦隨之而變重

毫無預兆之下，木門被拉開，兩名高大嘅高中男生映入眼簾。

「早晨！」我仲未講完，就即刻撲向一個看似較矮小嘅男生身上（其實佢地兩個都起碼175cm），趁佢地仲未由偷襲嘅驚喜回復起黎，我馬上用手上嘅鐵勺向對方嘅頭狂打，但用力打左唔知有無三下，佢就用力一手推開我，基於身高及年齡嘅差距，我一下就被推走一米。憑住自身嘅本能及反應，稍一錯身，就立即避開對方從上方撞落黎嘅危險攻擊。我迅速穩定企喺身，只見對方用挑釁嘅眼神望住我，一邊用手擦走鼻下同嘴角嘅血液，睇黎對方係一個戰鬥狂。

我用輕率嘅眼神回應佢，再對佢招手，企圖引誘佢行過黎。如我所料對方因為我不可一世嘅笑容同眼神，即刻成隻牛咁衝過黎，同時將手臂拉弓，舉起巨大嘅拳頭。就喺懸喺空中嘅拳頭揮向我個嘅一刻，我舉起鐵勺擋住，同時快速跪下，完美避開呢下非死即傷嘅攻擊。





不幸嘅係，啱啱閃過一招，下一波攻擊立即迎接我，佢將左腳橫掃一下，我就失重心跌到，鐵勺亦隨之而跌出手。

對方立馬汁起鐵勺，帶住一個不懷好意嘅笑容行黎我面前，仲舉起鐵勺，全身散發著危險嘅氣息。

不過你有張良計，我又何妨無過牆梯呀？

15:00
雖然好似有D殘忍，但我地好似最後都殺左佢地，好似係以一個無血嘅方法殺左人，聽講係啦！至於我點解無事就費事講（聰明嘅你無忘記佢有幾個隊友呱？），總之危機已經解除。

15:05




搞左差唔多成半個鐘，身上亦都有唔少血同汗，不過都值得。我地每個人手上都有一個大紙皮箱用黎裝杯麵同野飲，可惜經過小息同晏晝嘅洗禮，熟食都所剩無幾。

15:07
拎住咁多嘢，返班房都難免有D麻煩，本來有諗過搭，但係樂基話通常呢種情況搭都無乜著數，咁只好冒險行樓梯啦。返到班房就有幾個女仔幫我地包紮（乘機抽水），原來呢班都有family feel㗎❤