一教瞓醒變妹妹<<少少甜，卜卜脆>>: 第八十七
第八十七章 天龍家邀請
我一驚，支箭就像憑空出現在葉恬手裡，與其話係佢接住，不如話更像係佢變出來！
我下意識立刻企起身，向箭尾方向望過去，但除左一望無際既草原，其他我乜都見唔到。
“唔洗望喇，支箭係用靈力射出，比狙擊槍射得更遠，你唔會望到。”葉恬淡淡的說，但並冇望過我。
“嗯，，”葉恬的臉色突然沉落去，望著小依問：
“你搵到依隻貓之前，佢已經暈左嗎？”
“恩，係丫，所以我才想逗逗佢啊，仲以為佢瞓左唔理我添。”
依時候葉恬突然企起身說：“大獲。”
隨即立刻摘下纏在箭上封信，一睇佢既眉頭更加緊鎖，也顯得更加焦急。
我心裡一驚，葉恬咁冷靜既人唔會咁輕易做個依表情，信里肯定寫住一d牽動到佢神經既事！
我同祖先接過信一睇，果然！
信上寫：“我知道你地今天可能要結盟，但無妨，你妹妹已經中左我既法，三日之內，將藍如天交到我地手上換取解藥，不然你替你妹妹做定身後事，我地係龍結山地等你。”署名係天目。
我暗中驚訝，龍結山！！
“龍結山地勢險要，好似日本有名既自殺森林一樣，有入冇出！！”我的語調都有d激動。
“但而家唔好講咁多，時間最重要，三天太短，我地要即刻啟程！”祖先向葉恬說
其實我對於祖先依個態度有一d驚訝，乜佢為人咁善良架咩，居然絲毫猶豫就要救個幾乎害家族‘冚包散’人既妹妹。確實係電視上大俠風範，我暗自意識到點解祖先當年會被封一個天下第一既稱號。
葉恬顯然係焦急，儘管佢幾乎冇表露出來，但我能感覺到和以前見佢時候氣場好唔同。
葉恬“嗯”一聲，算係同意，接著佢就抱起666，同我地一起向車方向快步走去。
一上車，葉恬立刻就要司機直奔機場，有佢家族既專機，可以直飛回國！
我望到666既神情，覺得就像一個人在發低燒一樣，就問祖先：“依個法術有冇得解，醫院冇辦法？”
祖先搖一搖頭說：“依個法術好似之前瘴氣一樣，解鈴還須繫鈴人！”
我一聽“瘴氣”二字，立即就意識到事情棘手程度，等於對方無形中有一個人質！而且我地幾乎係解藥或解決既方法！非得令施法者自己解除法術才可以！
之後我地立刻搭飛機，至於我地點過關，我只可以講有錢人係真係堅離地，海關見都冇見我地就可以直接上機，總之我地到左龍結山已經是第晚上九點幾。
一路上祖先同葉恬共同向666輸入一d真氣，令佢能夠好受一d，起碼能夠睡著。
我地求其食完晚飯，雖然幾乎一整日都冇食飯，但心煩既事填飽左個肚。
我最擔心唔係666，而係祖先，佢地要祖先過去究竟係咩目的？之前天童目的根本就係祖先。點解佢地對於祖先咁執著？還有，就算我祖先真的如約去了，但去到佢地真係會解除666既法術嗎？
諗起一連串既事我就感到一陣心煩，往床上一躺，突然我就又坐返起身！我屌！ ！ ！我忘記一件大事！ ！ ！
捉妖人！捉妖人仲係日本！ ！ ！
“擔心你天龍朋友？”祖先斜靠著枕頭說，我屌，一個飛機杯係枕頭上，好似女朋友瞓起隔離喇望住你講野
“頂！祖先你知道我地「遺失」左佢都唔提醒一下我！”我大聲對祖先說，
“唔好咁嬲，當時既情況我地唔可以去搵佢，你唔好忘記，佢係天龍家既人！”祖先慢慢的說
祖先一提醒我立刻諗返起，假如而家話比捉妖人知，“你地苦苦期待既天龍家掌門未死，並且回歸”，好難講捉妖人會企家族定友情，儘管我對捉妖人非常信任，但一個巨大的人生考驗，都係遲d先算！
“恩，我知道喇！”我慢條細理的回答祖先，語氣裡不免帶著一d唔高興，但更多的我係佩服祖先的深謀遠慮，，，
“知道就好，快瞓啦，聽日唔知會發生乜事，係喇，夜晚你都小心一d，天龍家掌門唔一盞省油燈，佢個人險險手段多，唔知會唔會有埋伏。”祖先表情好嚴肅
天龍家既地盤，儘管現在天龍家唔知道仲有幾多傳人，但係人地地盤上，我地都係小心謹慎為妙！
返到城市，立即諗起靈風同班長佢地，已經一個多星期冇見，依一個多星期簡直感覺，好似冇見幾個月一樣長！其實我計過喇，加同惠係亡靈幻境裡度過既時間，我實質性係多左十幾日左右。比其他人還要仲多幾日。
諗起亡靈幻境，我不禁拎起裝離姬長筒，依把咁正既劍。無論睇幾多次，都可以令人心情愉悅，簡直係一件藝術巔峰之作。
摸一摸離姬，覺得凡事會有希望，就轉過身，眼皮一閉上，就發現原來我是如此的渴望同周公相聚。
但我就瞓著之際，電話突然震動，隨即鈴聲也大振，屌！邊條撚樣擾人清夢？！
我拎起電話一瞎，不得了！居然係捉妖人打黎！並且所在地顯示係我地城市！但佢依個電話，我諗緊接定唔接。猶豫左一陣，都係決定接！報下平安都好啊！
一劃開接聽鍵，立刻傳黎捉妖人咆哮：“你早上去左邊？做乜吭聲唔出返左去？！”
我都唔知點回應佢好，就勉勉強強的敷衍了一下，但我通過電話，好似聽到一個女孩子的聲音，好似係，，，惠！ ！ ！
我立刻問：“惠係咪係你旁邊？”
“係呀，佢一定要我帶佢黎搵你。”捉妖人回答，
“你地係邊度？”我繼續問，語調顯得比捉妖人更著急，因為依邊太危險，同捉妖人關係莫深，所以定要問清楚！
“哦，我地岩岩落飛機，係機場。。。