一教瞓醒變妹妹<<少少甜，卜卜脆>>: 第八十六章

第八十六章聯合

“交易？你都升上神枱喇，仲要同我地做乜
交易？！”我不解道，

“唔洗問，原因係三個天龍家人吧？”祖先接著說，

“冇錯，就係佢地三個人，我需要你地幫我搵到依三個人。”東山老妖慢慢地說，

但祖先表情卻好奇怪，佢斜著眼睛望住東山老妖，望左一陣，先慢慢回答：





“你要我地幫你？你認為我咁大量不計前嫌？！”

“藍掌門，我知道你肯定仲係度怨我，但我地有你唔可以拒絕既理由。”東山老妖毫不在意祖先對佢既無禮，

“哦？咁我要挖乾淨d耳屎聽一聽依個唔可以拒絕既‘理由’。”祖先坐正身體，似乎覺得有意思。

東山老妖只講左輕輕兩個字，

“若水”





可是這兩個字一入我祖先的耳朵，立馬不得了啊！祖先先一震，隨即說：“冇可能！”

奇怪？若水個名咁熟？好像係，，，恩，天下三大寶刃之一！但依把野極充其量係一把絕佳靚刃姐，冇可能令祖先的表情變化咁大！裡面一定有故事！

東山老妖似乎估到我既心思，對我說：“小美人，你可能唔知道吧？若水，，，”

“收聲！唔好再講！”祖先現在居然嬲到成個飛機杯身震抖，雙目放射出我從未見過既凶光。

“好好好，我唔講，不過依個理由點？而家仲有冇興趣？”東山老妖陰陰咀笑。





兩人的對話聽到我完全搭唔上咀，就像是一大群人正在交流MHW，但你卻是裡面唯一一個玩MHXX感覺一樣！


“好，交易成立，但有一件事你要話我知！”祖先語氣比剛剛緩和，但依然有一股不容讓步的感覺。

“你係點解會有若水的消息？”祖先問道

“依個恐怕你已經估到吧？藍如天。”東山老妖冇講明，就咁回應一下，

祖先聽後，一轉身，對我說道：“我地走喇。”

同時背對著東山老妖講左句“我地會幫你搵到天龍家既人，畢竟對我地自己也有幫助，佢地而家都開始搵上門，做盟友都好！”

兩人一唱一和，明里暗裡講既係咩意思？我完全唔明白





隨後我就帶著祖先離開祭壇，出左扇朱紅大門，見到葉恬恭恭敬敬企係門口，樣子神聖而又恭敬，估計佢係我地進去後一直keep 住係度等。

“行吧”葉恬冷漠拋左一句

我“嗯”一聲，心諗佢唔會想八卦一下我地同佢既神講左乜？

一路上我一直係度諗“若水”既事，到底係d乜嘢寶貝，令祖先有咁大變化？！祖先係一d見過大世面既英雄，唔似會為咗d寶貝而動容既人，我只能等到獨處既時候再問祖先，但唔知佢會唔會同我講

台階好長，每一級台階修的高度差不大，並且台階面都有一米多寬，非常省力！好快，我地就到洞口，洞口又係自己打開

一到外面，再一次見到陽光，感到眼睛稍有不適，但好快恢復，手機上立即傳來好多短信提示音，一打開，裡面全都係小依信息，都係問緊我係邊？收唔收到信息之類既事

我趕緊回一條“冇事，我地好安全，馬上返黎，你係邊？”





“哦，我逗一隻貓玩，就係你地附近，，隻貓好大隻，哈哈哈。”小傭回應

哦，逗貓，等等呢！貓？ ！荒郊野外邊度會有貓？！

仆街

一諗到依度！我即馬就加快腳步，跑到葉恬的前面，極目眺望，不斷搜尋小依身影，好快，我就搵到，果然，小依正蹲著逗貓，，，就係666！

我一個9秒9狂奔，風一般的衝到小依面前，一把從佢手里奪過貓，唔係，係奪過666，發現666已經暈左！

乖乖！這可是在人家親哥的地盤上！你這樣人家妹妹，不要命啦！

與此同時，我突然感到有一陣冰冷的目光正從我的背後盯著我！

我頸部一僵，扭頭望過去，只見葉恬怒氣沖衝睥住我，佢既感情少流露係臉上，而今次佢真係充滿怒氣睥行我！





唔係丫，冤有頭 債有主！佢睥住我有咩用！

但而家貓係我手上！ ！ ！ ！從葉恬既角度睇，我就成為左罪人

我一愣，趕忙放下手裡貓，葉恬冇講野，快步走過黎，講左類似咒語的話，地上既大貓咪一下子就變回666，躺在地上。

“喝！”小依被嚇左一大跳，顯然係冇諗過到自己逗著玩既大貓居然係一個大活人！

我趕緊叫小依同人家道歉，但只見葉恬做左一個不要說話的禁聲手勢，接著神情嚴肅，好像在仔細聽緊d乜野，，，

我媽好奇，佢係度聽乜鬼呢？神情咁專注。

緊接著，葉恬突然冷不丁的猛抬起右手，閃電般的用食指和中指凌空一夾，居然夾住一隻箭！ ！





箭上，好像夾住一卷書信！