一教瞓醒變妹妹<<少少甜，卜卜脆>>: 第五十四章 頂樓派對
第五十四章 頂樓派對
頭先一路搭𨋢我一路覺得好奇怪，咁大間公司，而家係返工時間，點解冇人入𨋢既？我從一樓直接坐到天台依100層高樓居然冇一個人都冇入過𨋢！
不過都可能係巧合姐，我就冇乜在意。
“叮噹！”到左天台喇，我同小依受難免有d緊張走出部𨋢，眼前既景象完全令我估唔到！
GOD大頂層天台上，居然係截滿哂人，保守估計應該有200幾人！睇佢地個樣一個個都非常high，好似慶祝緊d唔知咩事！
“點，，，點解會咁？！我地係咪去錯地方！？”我原本以為會係一個埋伏或者非常嚴肅非常危險的東西既畫面，畢竟之前飛機杯講到好認真同埋又涉及一個嚴肅既家族歷史問題！但係眼前依一片慶典般祥和畫面同我想像相差太大！
我回頭望一望小依，發現佢表情和我幾乎一樣，應該冇諗過係party 形式出現。
“唔，唔通依張真係一張請帖？！”我又細細聲問祖先
“孫仔，而家仲未到月初之時，我地靜觀其變。”
祖先點醒左我，係喎，雖然地點我地搵到，但時間仲未到，月初之時會有咩怪事呢！
“恩，好啦。”我向人群中望去，
令我驚訝既事情又發生！屌！我又見到靈風同捉妖人！今次我冇可能又睇錯！
隨即我就衝向果堆人群，小依都被我嚇一跳，可是衝到人群里之後我又搵唔到佢地2個既蹤跡！無奈我仲叫左兩聲，但都冇回應，冇可能啊，我好少睇錯人，更唔會一日連續睇錯兩次！
“主人，主人！快黎食野，好好食！”身後既小依向住我叫朝
我一回頭，居然發現小依正食緊人家派對上免費既麵包！仲拎左杯汽水！然後佢身邊圍左幾個狗公，不過依幾個狗公唔似係d MK仔，都顯得好有風度！可是更令我起疑心，依個派對上既人一個個都儀表不凡，肯定都唔係普通人，睇落去個個似係權威既人或二世祖！
大家聽到小依叫我之後，都下意識將目光轉向我，頓時我就感覺到人眼神熾熱！同時，就圍左一圈人，走黎同我搭訕。
我本來一d都唔想理果d人，一來搭訕全都男人啊，二來我黎既目標係葉恬！！
但換個角度諗，可以趁依個機會問問依個party 既主辦人同目的，咁樣亦唔會顯得好奇怪。
於是潮水般搭訕聲音裡我扮哂柔弱開腔：
“呢個，呃，，請問依個派對係邊個主辦？”
身邊人聽到我問出依個問題，都顯出一副奇怪表情，一個顯得好強勢既高大男仔立即回答道：“你唔知到？係葉式集團既公子搞既party 。”
而另一男仔又接過話:“你唔知道依度係葉氏集團聚會，咁你點黎架？”
“我係收到請柬有人邀請我黎架！”我立刻回答，生怕被人睇出破綻
聽到“葉”依個字既時候，我就精神，睇黎我地冇去錯地方
“因為我同你地葉氏公子唔太熟，所以問問，咁又點解要舉辦依個party？你地知啦，一陣我見到葉家公子祝賀錯左就尷尬喇！係咪？”我故作天真笑著
“啊！你連依個都唔知道就來參加依個party！”岩岩個男仔聲音都高八度，不只佢，周圍既人亦顯現出非常驚訝既表情，佢地或許之前只係奇怪，但岩岩我問出依句話之後表情就變得十分驚訝！
佢依一下，反而嚇左我一跳，睇黎今日係葉氏一個比較重要既派對，所以佢地對於我唔知party目的所以感到十分驚訝，咁更加印證左我既猜想，請柬上講既地方應該就係依度！
我岩岩想再問詳細一d，突然聽到一陣騷動，緊接著有d爭吵同廝打既聲音，但好快就平息喇，睇黎係有某個不知好歹既人黎鬧事
“係喇，小姐唔知您係邊一個家族既千金呢？”岩岩果個男生問，隨即周圍人既目光又集中到我身上。
屌，乜鬼野千金！嘿嘿，依班狗公真勢利，好想除哂佢地條褲幫佢地做公公！
講唔講真姓呢？ ！似乎馬上會穿煲啊！再諗一諗，痴線既，反正我係堂堂正正拎住請柬黎，索性連故仔都唔作，講事實就算！
“啊，其實我係藍家，並唔係姓葉。”我盡量平和這講
鬼知依一句話簡直好似拉過環既手榴彈一樣，周圍既人聽完之後一臉震驚下意識都向我反方向退後一步，而且表現出一種恐懼，就好似下屬見到頂頭上司咁。
見到佢地個我忍唔住笑左，心諗“估唔到我藍家有咁強大既威嚇性！實力堪比手榴彈！嘿嘿！”
“咁可以斗膽問一句，您就係星月小姐？”身邊岩岩個顯得好強勢既男生現在已經嚇到成隻狗咁，簡直想轉身走人
“係呀，我就係。”我淡定地講
我咁講，佢地更立刻嚇得更腳震，連連向我道歉，不斷講“頭先多多冒犯，實在唔知道係夜月小姐，實在對唔住！”，恭敬既程度就差跪下向我磕，我反而覺得好奇怪，我地藍家屈機都係幾百年前姐，而家只係普通市民，唔至於聽到我個名好似見美國總統一樣
岩喇，藉住唔知邊度黎既威名我順便可以問幾個問題嘛，諒佢應該唔敢呃我。
“係喇，仲有一件事我想請教下你地”我抬眼望佢地一下，佢地即時都低下頭去，唔想同我目光接觸。
“您有咩問題即管問，我地一定照實答你。”佢地其中一個仲算鎮定向我講
“咁好，辦依個party果位葉家公子叫咩名？”我照直問
聽到我既問題，幾乎所有人都表現出一副驚奇到極點既樣，搞得我一頭霧水，實在唔知道佢地點解佢有咁既表情
果個人雖然驚訝，回答我：“星月小姐，唔好玩我啦，葉公子就係葉恬啊！”
葉恬！一聽依個名字我嚇左一下，佢唔係六百幾年既老野黎咩？點解佢地講到佢好後生咁？仲叫佢公子？
係我仲疑惑緊既時候，在場所有人突然都向兩邊散開，中間空出一條路，正好我就係路中間，我被突入陣勢嚇一跳，回頭望過去，
只見身後一個面貌俊朗既年輕男子徑直向我走過黎，眼中透射出無比犀利既寒光