一教瞓醒變妹妹<<少少甜，卜卜脆>>: 第五十三章 探路

第五十三章 探路

“咒語就係明日月初之時，日月明明之處。”祖先慢慢講

“即，，即係咩意思？係咪大聲念出黎就魔幻既事情發生？！”我急忙插左一句

“具體會發生咩我而家都未清楚，我今日係你未返黎時候試左一下，不過咩都冇發生。睇黎依個被解釋出黎既咒語字面意思似乎係指引你到一個地方，話唔定到之後就能發現d線索，好似解謎咁！”祖先既回答令我多少有d失望，但又安心唔少。

如果念完就被一陣龍捲風包圍然後直接唔知捲到咩地方，或者頭上一道金光然後個人就被傳送到某某稀奇古怪既地方，咁仲大獲！反而直接話比你知某個地方的話，起碼我仲可以先觀察觀察敵情





“祖先依d字所指既地方你知道係邊嗎？”我抬頭望一望祖先

祖先扭一扭個飛機杯好似伸懶腰，然後慢慢開口講：

“依句野翻譯過黎就係聽日月亮岩岩升起既時候，到陽光同月光都唔會斷既地方。”

“講白d，咪就係聽日出月亮既時間，去太陽同月亮都照到既地方？係咪咁解”我又補一句，怕自己解錯意思。

祖先點一點頭講：





“亦可以咁講，但孫仔你知道有邊度符合依個要求嗎？”

之前以為解到咒語就夠興奮，祖先咁一講我立即意識到，係喎，我根本唔知道係咩地方？ ！如果完全按照祖先比我翻譯既文字黎估，應該係指樓頂同天台最大機會！！

“依個呢，，如果係單單依兩個要求既話，幾乎有d難，因為有高樓大廈遮住啊！”我R爆頭都諗唔到

“其實孫仔你講既問題我都諗過，但請柬上就冇透露更多，要深入d去諗，可能係“明”字既解釋所以話係冇陰影既意思，咁即係，，，”

“即係白天同夜晚都冇陰影既地方？！”我同祖先異口同聲講出口





雖然加上依個新發現將範圍縮細唔少，但要搜尋既地方仲係太多，無法具體決定係邊度。

我同祖先商量一下，決定下午請假，同小依祖先佢地一齊出去尋找尋符合要求既地方

正好我可以暫時避開班裡既八卦群體同教主班長。係呀，有新花名，以後唔洗叫班長，直接叫佢教主就好喇！

通常睇電視或睇戲，依d神秘地方應該係d荒山野嶺，所以我建議去郊區，畢竟加上依種神神鬼既事係市中心地帶唔太多機會發生，但依個提議立刻被祖先否決

“孫仔，以我對葉家既了解，佢地一定會留在各種技術都先進發達既地方，而唔係去荒山野嶺，我認為我地就應該去市中心搵。”

對於祖先既提議，我雖然感到有點超出我想像，但依個飛機杯講既說話同決定一向都係英明無比，所以我亦冇反對。

我帶住飛機杯同小依搭地鐵直接到商業區，其實我之前一直係個毒L，好少去遠d既地方，通常都係自己果區玩就多。 加上我仲係個學生，對經濟發展商業方面唔係了解，去到商業政治中心地帶可以講話係完全唔識路

睇到四處高樓既石屎森林，不禁笑喇，對著包裡細細聲同祖先講：“祖先大大，我睇依度到處都係陰影，好像冇你講既地方啊。”





而包裡傳來一陣小聲話：“專心d，繼續搵。”

我唯有向更深入既商務區探索

行緊時候我係度諗，所謂冇陰影具體界限或範圍到底係咩？同埋就算我地搵到符合既地方，要點入屋呢？呃佢地話我地黎檢查查煤氣？然後偶然發現葉恬就係其中一户？ ！屌，依個簡直係幽默！

當我笑完，突然諗到d野！係喎，剛剛我一直都只係小範圍地逐小逐小咁搵，咁如果我大範圍地搵呢！按最大呢！

我立刻抬頭望向依度最高一棟商務主樓，一瞬間我就明白密語裡既含義！

如果把範圍放到最大，就係一整個城市最高既建築物，就係GOD公司大樓！如果到依座大廈既頂部，一定就係一個最高層面，一定冇陰影層面！

我真係太醒喇！





隨後我立刻興奮同祖先、小依講我既諗法，祖先夜連連稱讚“真不愧係我藍家既後人！”

而家既問題就係要點混入GOD大樓。從小公園到GOD大樓前，我諗左無數個理由點混入去，甚至諗到如果實在唔得既話我就用魅惑混入去！

事實又再一次超出我既想像！等我懷著忐忑既心情走到GOD大廈門口時，我決定向靚仔保安放一下電，點知保安哥哥就鬼上身咁直接比左一張參觀證我，比我入去喇！哈哈！依個保安都好唔負責任喎，等我仲攪盡腦汁地諗好幾百個理由，鬼知一個都冇用到！直接問都唔洗問就拎到！

可是令我驚呆既係，當我望向大廳一樓不銹鋼版
板上照出既我的倒影，我居然見到靈風同捉妖人兩個人！但當再定神一望，佢地就唔見左。我心裡好疑惑，佢地依個時間應該係度返緊學，冇理由會係度出現。嗯，應該係我發雞盲睇錯左，畢竟依度咁多人，難免會人有相似姐，再加上我既注意力主要集中係請柬度，所以冇時間深究係咪佢地兩個。

大廳一側有一個透明𨋢，可以直上頂層。呢部透明𨋢既特點係極度高速，十幾秒就到頂層100層，令我有d腳軟既感覺....