一教瞓醒變妹妹<<少少甜，卜卜脆>>: 第三十六章 第二層

聽到捉妖人咁講，我當然係有咁遠走咁遠，那北山老妖見我走佬，自然好唔願意，因為狐珠仲係我包裡！

“你同我企係度，邊個話比你走！”北山老妖大叫一聲，向住我飛撲埋黎！簡直好似一條黑色閃電！佢既速度之快絕對唔係之前既死臭狐能比較！

突然間“黑色閃電”係半路上就被另一道白色閃電攔截左。

白色閃電當然係捉妖人發出，捉妖人都係一個飛身撲去北方老妖度，一個橫向飛撲，兩人直接就係半空中對決。

北方老妖被捉妖人擋住，暫時脫唔到身，我趁機走佬！只不過冇跑好遠，就好像撞到d乜野一樣，但又乜都睇唔到係乜野。





“係結界！你而家功力仲係唔夠力打開佢！”祖先係包裡細聲講

依度離捉妖人大概有四五十米既距離，都算尚算安全，但我覺得都係應該盡快帶著狐珠遠離北山老妖比較安全！

既然出唔到去，咁小依亦冇必要去等我，我立即朝向佢大喊聲喊：“小依！帶人走！將佢地帶到安全地方！我有至信保護，冇事架！”

北山老妖而家同捉妖人打到不相伯仲，根本無時間再去理操場上d人質，而家正係救人既大好時機

“咁...咁好喇，，，主人，你千萬一定小心！”小依有d為難向我大聲回左一句，我對著佢點頭。





緊接著小依就將人質全都浮到半空，然後跟住小依一起向學校外飛去。

按照我地預先既計劃，小依將全部人質帶到醫院大廳，果度d人比較多，北山老妖咁聰明，一定忌諱人多既地方，所以果度估計係比較安全。

其實而家人質被送去邊度都無所謂，只要離開北山老妖視線就可以，因為佢而家已經把全部精力都放係同捉妖人戰鬥上！

遠處火光一閃，有一舊野突然飛出來！我嚇左一跳！果舊飛過黎既野，飛近我望一望發現，原來係捉妖人？ ！佢被北山老妖打到飛起！

我回頭望一望遠處既北山老妖，佢果樣亦唔好得去邊，估計佢亦佔唔到任何優勢。捉妖人果邊發出一陣翻動瓦礫既聲，轉頭一睇，捉妖人已經重新企起身





佢喘著氣撣一撣身上既？塵，“幾勁丫！幾好打呀！”捉妖人托一托眼鏡。

“唔好咁多廢話！”北山大妖同時身後立即多出七隻黑色火狐！屌！依招我見過，上次芙蕾雅湖果隻臭狐妖，佢突然爆skill！上次隻臭狐變成一隻超大狐狸，北山老妖卻依然保持美麗端莊女人樣，只係身後多左七條尾。

而家唔係討論依個問題！說時遲那時快，七條黑色火狐從七個方向我地衝過黎！

上一次臭狐妖已經打到我半死，今次七條黑色火狐，我睇我地都係大難臨頭？ ！我心裡暗暗地擔心捉妖人打唔打得過隻野。

“嗙”一聲，已經有兩條火狐同時打中捉妖人！即時爆炸，黑色火焰將捉妖人重重包住。

我緊接著就想動用藍火，我想凝結藍火既時候，包裡祖先突然動左一下，小聲講：“唔好郁手住，你睇定d先！”

聽完祖先咁講，我心諗：我係咪要準備去地府報到喇？！捉妖人頭先已經被兩條火狐狸同時打中啊！而且我個人認為依隻黑色火狐狸比之前綠色火狐狸既威力係只增唔會減！一

但係祖先示意讓我再看看，我無奈，只好將目光集中係捉妖人被打中既地方，，，等黑色火焰散去後，我竟然發現捉妖人正手持一柄細長唐刀企係度！身上也並冇任何被擊中既痕跡！





“點，點會咁？！”北山老妖顯然冇諗過依兩發同時命中狐火竟然冇做成任何傷害！

我估係黑色火狐狸係比捉妖人既唐刀擋左！

唐刀係邊度變出黎架？ ！岩岩見捉妖人係帶住兩梳蕉咁黎架喎？ ！

再仔細睇把唐刀，整體大概長一米五左右，刀身閃爍著一種黑色寶石光芒，尤其係刀刃部分，千萬唔好比佢切中，唔係切中j就真係一刀兩斷喇！刀柄係用木頭做，係一種顏色極其暗淡甚至黑暗既木質！刀身底中有d紅色符咒，整體睇黎係一把好既精緻刀。

“冇諗到你條仆街竟然逼到我開道術第二層。”捉妖人頭轉向北山老妖

聽捉妖人咁講，我先注意到，佢本書唔見左，唔通係凝結成刀？ ！頂，凝結力量咁好用既，變乜都得，太屈機喇！

“小心！”捉妖人大叫，只見三隻黑色火狐狸向我沖過黎！





應該係見捉妖人唔好對付，轉移想用攻擊我既方法來分散捉妖人既注意力！咁又係，條仆街咁醒點會放過我依個弱點？ ！

但對付火狐狸我都係有經驗之人...