一教瞓醒變妹妹<<少少甜，卜卜脆>>: 第三十五章 捉妖人

北山老妖當然唔會咁on9比捉妖人召喚法寶啦，身邊燃起七團黑色既狐火！雖然而家係夜晚，四周圍都係黑色，佢果種黑色好似黑色磨紗咁，係黑夜中閃耀！

“屌！仆街喇，睇黎係七尾狐，睇黎唔好對付！”捉妖人雖然有d驚訝，但佢個樣好似一d冇變，完全冇露出驚既表情！

“小心呀！”我叫捉妖人，我試過被狐火既厲害，我身體異於常人，當然仲頂得順！但捉妖人只係常人，估計被狐火燒到就好快頂唔順！

“孫仔，你一定要小心，依隻北方墓主比之前果隻臭狐妖更厲害，佢道行係有二千年以上！”袓先細聲講

“上”北方老妖大叫一聲，七團狐火迅速飛過黎，黑色狐火化成黑箭七箭齊發，目標向住捉妖人！





我回頭望一望捉妖人，只見佢氣定神閒，絕冇諗住退出既感覺，只係默默凝結住佢本法器書

“龍至信，你快d走啦！我知你最靚仔又型仔喇！快走!”我緊張得大叫，但捉妖人完全唔理我，繼續企係度，原封不動，不停咀裡唸唸有詞！

眼見果七團狐火殺到埋黎，我立即拉捉妖人就走，但佢好似一座鐵塔一樣，拉極都拉唔郁！
狐火衝到黎喇！今次玩撚完喇，我合埋眼，迎接死神黎接我上路！一，二，三.....

咦？！點解既？冇事？我只係聽到四周圍都係爆炸聲，我慢慢睜眼，見到有一個好似半透明既玻璃罩罩住我地,一個防彈玻璃既作用！無論北方老妖點用狐火攻擊都冇用！

“月華之光！”捉妖人突然大叫一聲，手拎住書本向一住天空既北方老妖，一道白光從捉妖人手中射出！





可惜，北方老妖亦唔係省油既燈，佢一個轉身，避過依招，慢慢降落地下

“你係邊度學依d法術架？”北山老妖驚訝地問，顯然佢係之前有接觸過依種招式

“我師承祖先，世代降妖”捉妖人 “你今次仆街喇！”

“ 袓先？你係天龍家既人？”北山老妖更震驚“冤家路窄!去死啦！”北山老妖光速地衝過黎，快到我完全睇唔到發生咩事！好似有雷劈咁，一野劈爛左保護罩一部分

我呆企係原地，捉妖人一手抱起我踏腳起跳，佢身體似乎非常有力和靈活，抱著我一跳居然向後飛四五米遠！真係似飛既感覺！





“睇黎你唔係二打六，有d料到！雖然唔知道你同我祖先有乜過節，但係我而家要認真應戰了”捉妖人突然露出半邊微笑，依個微笑，，，，好有自信？ ！

唔係掛，原來頭先捉妖人未出盡全力！睇黎平時真係低估左佢！原來佢係一個高人！

當然北方老妖都唔會咁on9，等我地攻擊，早就一支箭咁衝過黎我地度。

捉妖人亦淡定有錢剩咁既款，只係飛速係閃電凝成既書上直接撕左一頁，飛手一甩，撕左書頁好似同光刀一樣，四周帶著閃電就飛向北山老妖！

睇住果頁閃電匯成既紙就快打中北方老妖時候，突然比比擋住左，然後係距離北方老妖很近地方好似爆炸咁四散出好多閃電狀白色火花！

“嗯，，，”睇捉妖人既表情，好似有d感到意外，發出一種團戰大招放空既聲，周圍好似放煙花咁，花火滿天

等火花散開既時候，我先睇清楚，北山老妖岩岩用黎擋招既竟然係佢一條狐狸尾！





再望清d依位北山老妖，身後竟然長出七條尾，全部都係黑色既，佢夜空中舞搖動，唔知道佢下一步動作係想做乜野！

“星月，你先離得遠一d，北山墓主唔好對付，跟住落黎我要真正開波！！”捉妖人直視著對面七尾說