一教瞓醒變妹妹<<少少甜，卜卜脆>>: 第十五章 元氣
捉妖人依一句柒破天際既說話似乎連水中怪物也為都嚇呆左！瞪大隻眼在盯着在船上的捉妖人，大家都傻眼。
“你個仆街！枉本少仲諗好極正既開場白！比你條蛋散破壞哂！”捉妖人同怪物尷尬無言對視左一陣，對住隻怪物大聲說。
“但係你地都唔洗驚！我冇法器我都KO到佢，放心啦！”捉妖人大叫一聲，之後就一腳從水上躍起，輕功水上飄？捉妖人向水中的怪物直衝過去！
睇黎捉妖人都唔係冇料到！我心中不禁期待佢可以打敗依隻水里怪物。
“超！細路，唔知死字點寫！等我送你去見閻王！”怪物一邊說著一邊飛速的游向捉妖人，依個時候我才真正望清楚個怪物，他的上半身是個牛頭人樣，下半身是一條魚！成隻係牛頭魚身既怪物，個怪物黎既目的係咩？我認為佢唔會係黎認識一些人類朋友！
“嘭”一聲！捉妖人同牛頭魚交手一陣，捉妖人地一拳打到好似流星殞落般，然後跌落到水裡！捉妖人馬上又一跳回到水面，其實大家都明顯可以睇得出，捉妖人根本唔係牛頭魚既對手！牛頭魚好似打烏蠅咁打佢，佢未埋到牛頭魚身已經被打飛！
果然，經過2-3回合，捉妖人就敗陣！只能由我地係水中撈佢回來！
“哎呀，你真係傻既！你要扮道士伏妖降魔既，搵食工具都唔帶，你睇下人地林正英，點都有個鈴同桃木劍嘛，真係一d敬業精神都冇啊！”靈風係咁危險時刻還不忘串下捉妖人，果然大仇口！
“你，，，你食蕉啦！我正職係學生！！仲，，仲有呀，我同警察一樣！你有冇見過警察去迪迪尼樂園出會全天候24小時帶住支槍係身上？！”捉妖人顯得好痛苦，但仍然斷斷續續的回罵靈風。
頂，一般係依個情況，同伴之間說應該係下面依d段對話？！
“啊，啊，，我唔得喇，你地快d走！！”
“ 唔可以！要走我地一齊走！要死一齊死！！”
又或者係下面怕死版本:
“嗚。。唔好掉低我呀！我唔想死啊！”
但係依兩條粉腸係度搞乜，仲有心情係度鬧交啊！ ！現在情況依然不樂觀，我地攻擊失敗，牛頭魚見靈風同捉妖人係度鬧交無視它，更加發癲！
牛頭魚猛跳躍鑽進了水里，然後露出上半身我地游衝過黎！佢既方向係直向我同香香條船，頓時一股寒意從我背上冒起，而香香更嚇得躲在我身後！
死喇，死喇！條牛頭魚離我地越黎越近！越黎越近！ ！
條牛頭魚終於在距離我地不到一米的時候突然跳出水面！依個時候令我驚訝既件事發生 ，我原本以為依隻怪物應該係凶神惡煞好樣衰，結果佢既臉長得相當靚仔！上半身身材肌肉也是極好！
牛頭魚不停伸手捉住我地條船！香香和我見到依一幕，立刻就向後拼命划船，但無奈牛頭魚一撥水，就令我同香香的船更靠近，相反靈風佢地既船向反方向離去！
“啪”，我拎起一個船漿向牛頭魚臉打出“致命一擊”！心諗做妖怪生得咁靚仔，仆街啦你！！
牛頭魚人應聲飛到老遠！可是“致命一擊”致命既唔係牛頭魚，係我既船槳，船槳已經為我“粉身碎骨”。牛頭魚寧死不屈，又再次向我地遊過黎，今一次似乎更加的氣勢洶洶！速度更快！在我地船附近時又再次跳出水面捉住我地既船身，舉手向我地打下來！
突然牛頭魚有眼中閃出一絲疑惑，依條牛頭魚係個雄性動物，而且上半身生得同我地人類一模一樣！！牛頭魚近距離睇到我塊面後，明顯變了一個表情，手上打下來的動作也遲緩了一下，我向牛頭魚使出捉妖人的“水汪汪小狗式”望住佢，牛頭魚舉起手係半空停
牛頭魚雖然生得靚仔，但係對於我依個“男仔”黎講，你可是毫無吸引力！於是我趁佢遲緩既空檔，拎起香香既船漿好似打全疊打方式一野橫掃落去！
今次聲音係“嘭”一聲！我手中既船漿剩返1/3既長度，屌！支野有冇咁易爛呀？唔洗問又係某強國生產的！牛頭魚好似棒球般跌進老遠水中。
另一個漿亦報廢，但係牛頭魚只係被打飛，可能魚皮太厚，打極都打唔入，一d損傷都冇，又向我地依邊遊過黎！大獲，今次除左手腳就乜武器都冇！真係打條“毛”!
現在我才算係真正陷入大危機！
“星月！接漿！”遠處的靈香突然大叫，隨即將手裡的漿向我拋過黎！
睇黎依個死仔包係關鍵時刻都幾有用！
而牛頭魚，一聽到“漿”字，下意識地停住！即刻伸出上半身出水緊張地東張西望，應該係比我打到有d怕！
果把漿優雅打着圈地飛著，我望住個船漿有如睇到救世主般，個船漿好似加左特效咁有着閃閃發光既光圈（主要係因為水既折射效果)！船漿以一個優美的拋物線弧度完美無缺的,,,“撲通”一聲掉進我同靈風距離的中間點！
“..........”
屌！你係度搞笑定玩X我呀？你係咪要去驗眼呀？盲到可以把個船漿拋到距離我還有二十五米既水裡!
“Sorry ,太緊張，手殘！”靈風尷尬說，班長，香香同捉妖人同時怒視佢
牛頭魚見到我冇接到船漿，立刻高興了“小妹妹，你今次死硬喇，嘿嘿”, 牛頭魚再次向我地方向全速前進直衝過黎！
突然之間我背包傳來一下微弱的衝擊波，一個超大半圓透明的罩緩緩落下！瞬間罩內既人都全部都暈倒了！只剩下我同牛頭魚！
發生咩事呢？我越來越不安...
“孫仔，依個係我既元氣圈，現在你可以用我既力量去殺死條牛頭魚！但係你咁做既話，你就失去願望，你就變唔返男仔架喇！你要快d決定，條牛頭魚向住我地衝緊埋黎！”背包中既祖先幽幽的聲音對我說
真係人生一個抉擇啊！我現在有d猶豫我，因為憑我個人的能力或許可以自己游泳甩身，但是香香，班長，靈風同捉妖人點算？佢地暈倒係度實死定，自己一個走左去，咁仆街又自私，我做唔到！做女仔姐，又唔洗死，最多....最多一世冇j用！
好！我咬咬牙，“我決定喇！要用果口元氣一野“隊冧”條牛頭魚!”