一教瞓醒變妹妹<<少少甜，卜卜脆>>: 第十四章 妖怪？
第十四章 妖怪？
“遊...船...站”
睇到依個牌之後，靈風同捉妖人好似大家立刻意識到了d乜嘢！互望一下，然後兩人以9秒9風一樣速度直衝去遊船站。
我同班長及香香都呆在原地，唔明白佢地突然來加速跑係咩意思。
過左一陣，佢地倆個就係招牌後向我地揮手，示意我地過去。
睇到依度，我明白了。只要係男仔都應該明白遊船和纜車等等依類東西既用處吧！當然係想同心愛女孩子獨處時用既藉口！邊會純粹想划船呢？
到左租船站後，依佢地兩個果然係要邀請我一齊划船！而且班長一聽說要划船，立刻高興地得大叫“好野！”睇黎班長對於好鐘意划船。其實我都好開心，畢竟平日少划船所以覺得很新鮮，話唔定可以同香香女神一條船呢！心中暗爽！
此時背包放祖先位置有震動，我故意抱背包向前，祖先悄悄地對我說：“孫仔，你要小心一d，依度水中有我元氣，元氣係好有用既寶物，人類得到既，可以有實現願望，身體容光煥發;妖怪鬼怪得到既話能力暴增，所以會引來不少想要奪取元氣既妖物，雖然好少機會撞到，但一定要謹慎。”
祖先依句話好似一盆凍水淋落我個頭度，本來興致高昂既我一下就冷卻！頂，水里面有妖怪，邊個夠膽仲去划船呢？！
“邊個係度講野？”捉妖人突然轉過頭黎，帶著一臉疑惑。
“下?...有聲咩？依度冇人講野喎，可能係附近d人既聲音吧。”我趕快搵個理由混過去
“咁我地快d行啦！”說完班長拉著我就向小船方向跑過去。
我望一望湖上，只見湖上有幾個划船遊人，也冇乜特別，再加上岩岩祖先都講左，遇上妖怪係小機率事件。所以我也放了點心，應該會冇事吧！
“等一等！”捉妖人突然一臉嚴肅地說到！
我一驚一驚，shxt! 唔通係身為捉妖人既龍至信感覺到有妖氣！ ？還是佢發現岩岩說話係祖先？ 依兩個無論係佢估中邊一個都大獲，所以我心跳加速跳動。
“我想同星月一起划船，你地可唔可以讓一讓我呢？”捉妖人眼神突然就啟用了“水汪汪小狗mode”向班長請求
屌！仆街仔！比你嚇死喇，差d心臟病病發，你係咪真捉妖人黎架？！不符合捉妖人設定既說話你就真係講唔少！仲有，搞到個氣氛咁詭異做乜鬼！
“你都痴線架！你憑咩要星月同你一起划船啊！你個超級大龍躉，星月同我一齊划至岩呢！你跳水度游水咪得囉，洗乜划船！”靈風當然不會允許捉妖人同我划船啦。
你兩條粉腸唔好阻住我，你們兩個我都唔想一齊划船啊！我要既係我女神香香！
最後經過我地所有人既討論，我地決定用抽籤形式決定邊個同邊個一齊划船。
我最先抽，我心唱着“忐忑”，一路打開手中既紙條，上面寫了一個“一”字，意思就是我上第一條船，下一個抽到“一”既就係同我組隊。
我而家心中默默祈禱是希望香香抽到“一”啊！心裡一直在默念“岑麗香抽到一，岑麗香抽到一....”
終於到了激動人心時刻！岑麗香真係抽到了“一”！Oh Yeah！真係祖先保佑啊！能夠同我既女神一齊划船了！
我地分組如下，我同香香划一條船，班長同靈風一條船，至於我地既捉妖人小伙伴，只好自己一個孤獨地划一條船啦！靈風不忘向捉妖人做個鬼臉，捉妖人當然不甘示弱，用船漿不停向一靈風划水。
我FF划船情景:我同女神划同一條船，我同心愛既女仔一齊划到湖中央然後互訴心中情既情景。
屌！根本上冇可能發生！因為個兩個粉腸為左離我近一d，故意將船划到黎我的船很近很近！幾乎要貼埋一齊！
唉，依個就係現實和想像既差距啊。
就係我低下頭嘆氣既時候，岑麗香突然用手戳了戳我手，一臉驚奇的對我說：“你睇下！咩黎架？”同時用手指了指天上
我抬頭望去，只見頭頂的那一小片天空居然變成了深紫藍色！而且中間好似卷成一個小小的漩渦，好似Manvel電影中既黑洞一樣。
依舊係咩黎架？！我也感到非常驚訝。
就係我未黎得切做任何反應時候，小船突然飛速移動，離岸邊越來越遠，好似被一大塊大磁鐵吸過去一樣！
我立刻拎起船槳不停向岸邊方向划，但都係無補於事，對於整個水域流動，都被吸力所牽制住，一個船漿帶動小小水波根本不足以抗衡！
與此同時，我見到湖中出現一個小小既漩渦，愈卷愈大，形成一個巨大的漩渦，漩渦裡的水流速非常快，顯得很不尋常。
整個氣氛已經明顯好危險！隨即我諗起祖先所講既妖物！唔係咁黑仔掛？！
果然，係漩渦中心慢慢的露出了一對似牛角，慢慢升上，之後一個深紅既頭顱，還在慢慢上升！我地三條船已經被漩渦卷到離岸邊非常遠，估計岸邊既人睇唔到我地依邊既情況！
“小心呀！係妖物！”捉妖人緊張地大喊一聲！依個捉妖人，你總算說了一句對得住你身份既說話喇！
“妖物？咩妖?我地要點做？點走？”香香嚇得都臉色發白！我要救我既女神！但係而家係水度，我上去打人好唔方便啊，於是我就按兵不動，先睇睇我地既專業捉妖人同學如何“捉妖”吧！
“星月，你地唔洗擔心，有我係度，隻野唔洗諗埋度你地身！”捉妖人立刻從船上站起來說到。
“龍躉有本事制服依隻野？！”靈風到現在還不忘串下佢！
“收聲啦靈格風，你等住睇好戲啦！捉妖人瞪左一眼靈風然後轉向怪物對說到“妖氣法器！”
但係下面捉妖人同學既說話所富含極高能智慧，簡直係要柒破天際！ ！
“仆街！冇帶法器！”