《香港革命戰》(上): [22-內部事務] PART 4
我企喺崖邊，眼定定咁打量一下懸崖下既LILITH...
『的確比我地既多好多…』起碼多出十幾倍...
「唔單只係咁丫~你知道嘛~EVE打穿既分裂之牆…仲要係一打就打到落底!我地既LILITH同呢邊既已經溝返埋一齊啦~所以我地而家最少都有多一年既能源供應~嘻嘻~所以我頭先就話，我地可以再拖多一年~」阿風企到喺我身邊，跟我一齊望住懸崖下既LILITH。
『一年?』我疑惑咁望一望阿風。
「係丫~係唔係估唔到可以再捱到耐D呢~」阿風笑到四萬咁口。
『唔係十年咩?』我打量左阿風一下。
「十年?」阿風一頭問號。
『嗯...十年...我記得上次開會既時候，鄭穎心講話過佢地既LILITH儲量，大約仲可以維持到十年既正常運作...』我無記錯...佢係有咁講過架喎...
「嗯...咁可能真係喇...」阿風認真咁諗左一諗...
『真係咩丫?』我望住一面認真既阿風...
「我諗...係同EVE超載有關...」阿風點一點頭...
『同EVE超載有關?』我唔係好明...科技既野，我真係好唔明...
「尋晚當我睇到D數據既時候，我就有D懷疑...到你頭先講起EVE超載既事，我就差唔多可以肯定，EVE衝到落黎既時候，利用左呢道既LILITH為自己冷卻...」阿風再諗一諗...
『冷卻?』過熱嗰種冷卻?
「嗯...喺我見到EVE超載時候既數據之時，佢既熱量同佢既能量係成正比。所以先有足夠既毀滅性破壞分裂之牆…」阿風又再諗再一諗...
嗯...能量越大，熱量越高。呢個係好基本常識...
「而當EVE由地底飛返上黎之後，能量同熱量水平都回落返去俾我地抽走能量之後既水平...」阿風又諗再一諗...
『咁則係?』我一面期待既眼神，望住認真既阿風。
「咁則係話，EVE超載既時候會產生高熱高溫~需要衝落黎借用LILITH冷卻~所以就消耗左大量喺呢道既LILITH囉~咁簡單都仲要問~」阿風冷眼咁望一望我...
咁我真係一個科技白痴呀嘛…
「問題黎喇...究竟EVE既超載，係偶然?定係必然呢?」阿風又打量一下懸崖下既LILITH。
『只係咁岩有足夠既能量俾我超載~唔好諗住有下一次...超載係需要好長既時間...我記得EVE係有咁講過...』咁算唔算得上係必然呢?
「唔...」阿風擰一擰頭，「咁樣唔足以可以證明EVE既超載係必然既事...」
點解阿風會咁諗呢?
「好有可能係因為EVE已經將我地分裂左佢既數據加埋落去，先會得出呢個直接既答案...咁既話...就係偶然...」阿風又點一點頭...
『下?』好複雜...已經超出左我既理解範圍...
「我所指既必然係...EVE本身就算唔係被我地分裂左，都會有超載既情況發生...」阿風對眼碌下碌下咁...
我用盡我既腦汁，嘗試推斷一下:『即係話唔係因為我地既影響之下，EVE先會產生出超載既情況?』
「嗯~你變聰明左呢~我想知道，喺我地未分裂EVE之前，EVE本身係唔係就會有超載既情況發生~呢個就係我所指既必然~」阿風點一點頭。
我變聰明左?我本來就係咁聰明架啦好唔好...
「喺呢個研究開始之前，有幾點係值得我地留意...第一…EVE會唔會係因為受我地分裂既影響下，所以會產生呢種超載行為呢?第二…EVE本身係會超載既話，佢會由邊道帶住咁強大既不穩定性能量，潛落地底呢?」阿風望住我問...
你唔係想我俾到個答案你丫嘛?
「關於第一個問題，如果真係因為受我地分裂既影響下，EVE先會產生呢種超載行為既話，咁就唔駛諗咁多~EVE既超載可以定為受干擾後既不穩定情況~照計...當三個領域既EVE合而為一之後，呢種情況就唔會再發生~但如果唔係既話...」阿風又諗左一諗...
唔係既話?
「唔係既話就大件事...如果超載情況係EVE本身就存在既話，咁佢會由邊道帶住咁強大既不穩定性能量，潛落地底呢?有無一定既軌道呢?有無固定既地方呢?會唔會又係分裂之牆呢?如果無一定既軌道同固定既地方既話...今次就話好彩咁岩得咁橋打中分裂之牆姐...萬一下次...」阿風望一望我...
『萬一下次係打落控制中心...又或者係人民區域...』咁就大鑊喇!
「就連無堅不摧既分裂之牆，都可以被EVE既超載輕易打開一個大缺口...如果直擊人民區域...恐怕...」阿風擰擰頭...
原來...我地一直唔只係同一種不穩定既能量共存...呢種不穩定既能量仲相當可怕...
「咁又唔駛咁擔心既~所有野都係假設~仲未做實質測試~況且...你話EVE同你講過，要到下次超載仲有好長既時間~我地未等到去嗰陣時，都已經俾ADAM吞噬左啦~哈哈哈~」阿風對住一整片LILITH傻笑...
都係既…
照阿風所講，我地而家最多仲有一年既時間...
但係一年之後，呢道既所有野都會俾ADAM吞噬...
到左嗰陣時，都唔駛再諗EVE會喺邊道打落黎LILITH既地洞裏面冷卻...
至於審判程序方面，雖然話救得返李飛揚，但係啟動佢手上既名冊就好似無乜進展...
而綽姿都好似仲未喚醒返記憶...
所有野都仲係唔明朗呢...
我四周望一望，再沿住懸崖邊既斜路，一直向下行落去...
「再行落去都無特別架喇~我尋日都行過落去睇過下，呢邊無木船架。」阿風跟住我身後。
『係丫?咁睇黎要帶D世界之木落黎整返隻船先得喇。』我繼續向下行。
「嘩…要帶埋工具落黎砌木船...真係麻煩...」阿風喺我背係埋怨...
『咁都無辦法架，過黎既路咁窄又難行。唔可以成隻木船搬落黎...再唔係你由屯門領域嗰邊撐隻木船過黎囉~』我無理阿風，繼續沿住崎嶇既石路向下行。
「嘩!想攰死人咩?」阿風繼續喺我背後埋怨...
『咁就唔好咁多意見啦~』做多少少野都咁多野講...
睇黎阿風都開始墮落~
我地一直行落去，沿路又滑又斜...
小心翼翼咁行多幾步，已經行到落LILITH既位置...
我跪一跪喺地上，望住自己既倒影:『呢邊既LILITH真係深色好多...』
阿風亦都行到埋我身邊:「唔係呢邊，喺屯門領域同元朗領域兩邊融合之後既LILITH~唔好唔記得兩邊已經融合左~」
嗯...阿風講得岩...
一時間真係仲未習慣...
「所以呢~而家我地既LILITH存量唔單止多左，仲濃左~如果用得其所，分分鐘可以用多半年~」阿風亦都望住佢自己既倒影。
『我諗我地照咁樣同元朗領域既人民講，應該都無問題...至少我地無呃到佢地。』無錯，我地無講大話...
「嗯~無問題~我地一直都守住規條生活~等我一陣再做多少少分析之後，就話俾天欣聽，等天欣去處理...呢D事都總算係內部防禦事務，交俾天欣處理會好D~」阿風點一點頭。
『嗯...』又要麻煩到天欣喇...
天欣既職務實在太多，我諗都要搵人分擔下佢既工作先得...
“吱”呢D聲...
“吱...吱...”又黎?
“吱...吱...吱...”不過今次無頭痛既跡象...
“吱...吱...吱...吱...”就只有聲音...
“吱...吱...吱...”D聲係喺...
“吱...吱...”前面傳過黎?
“吱”我抬頭望一望遠處...
我望一望水平線上...盡頭既...
“吱...吱...”黑黑...灰灰…有少少殘舊...誡律之牆?
“吱”我好似見到牆身有...一條...兩條...幾條綠光閃過...
『阿…阿風…你見唔見到丫?』我望住遠處既誡律之牆…
「咩丫?」阿風唔多為意...
『誡律之牆…牆身好似有...綠光閃過...』我指一指住遠處既誡律之牆…
「有咩?無丫...邊有丫...綠光?EVE能量?邊有可能丫?呢道係LILITH地洞~有EVE能量都一早瓦解左啦~」阿風擰擰頭...
『但...』無左...
唔見再有綠光喺誡律之牆上面閃過...
但頭先明明...
有好幾條EVE能量閃過架喎...
「喂~睇夠未丫?睇夠就返上去架喇~」阿風無等到我既回覆，已經回身向上行...
『嗯...喂...喂...等埋等埋...』
“吱...吱...”
當我同阿風沿路上返地面之後，第一時間都係同阿賢連接思緒先:『阿賢，我地返過屯門領域嗰邊喇，你同唔同我地一齊返去?』
「我仲未返得過去住...我仲想喺呢邊走幾轉先。順手喺呢道一邊收集，一邊整合...等天欣可以容易D接手。」阿賢都幾為天欣著想架喎~
『嗯~咁我同阿風返去先喇。』我今日喺呢邊要做既事都做完...
「嗯。再聯。」
『阿賢話要喺呢邊做多陣野先~咁我地返去喇喎~』我拍一拍身邊既阿風。
「嗯~阿賢係為左減輕下天欣既工作呢~」阿風笑到衰衰咁...
『因乜解究你要笑得咁衰呢下?』我冷眼望一望阿風。
「你知既~嘻嘻~」阿風越笑越衰格...
『唔知喎~』我先無你咁八婆...
「我硬係覺得佢地兩個古古惑惑咁既姐~」阿風笑到成個鹹濕佬咁...
『唔好亂諗咁多啦~大家都係做野姐~』我快快手手走上車。
「係咩?但阿賢就好似對天欣特別上心咁囉~」阿風亦坐到埋我身邊。
『你就唔好咁八掛啦~通常D愛情幼苗就係俾你地呢D八婆害死架喇~』我拍一拍打阿風。
「哎呀!做咩打人喎...你都覺得佢地有D野呢?嘻嘻~」阿風對住我淫笑...
『仲講?都話左唔好理人咁多咯!』其實我都覺得阿賢對天欣係有D野...
雖然我地行者就無話有無D乜行者與行者之間唔可以成婚既老土禁忌...
之但係...
我諗而家呢個時候，就好似唔係咁方便...
始終，阿賢都仲有任務在身...
而且呢個任務仲相當重要...
“颼”我地架車喺架空天橋上行駛，阿風就一路講阿賢同天欣既野...
呢個阿風，把口真係唔收...
直到我地去到分裂之牆，過返去屯門領域，上埋車，返埋去屯門控制中心，食埋飯，睇埋有關Sacred-Armor既實戰數據...「喂喂喂~咁你話係唔係姐~你話係先啦~」
阿風都仲喺道講梗…
『得喇得喇，講左咁多個鐘，你攰唔攰架姐?唉~你話係就係啦~我唔得閒理你咁多喇...』都係打發左阿風佢算...
「車~就係得你忙咩~我夠好忙咯~我仲忙住分析埋LILITH D數據俾天欣~分析完LILITH又要同EVE系統做測試~我咪仲忙到死~」阿風又喺道喋喋不休...
『嗯嗯~咁你去忙你自己架啦~』我話知你有幾忙丫~總之唔好阻住我就得架喇!
「咁你呢?你又忙D乜丫?」阿風打量一下我。
『我想再去睇睇阿月...』到而家，都仲係未同阿月連接到思緒...
「你都真係幾關心你呢個細妹架喎~」阿風望住我展露出陰險既笑容。
『我就得返阿月一個親人...我唔關心佢，仲可以關心邊個?』我冷眼望一望阿風...
「你真係唔再認陳星做你老豆喇?」阿風認真咁望住我。
『佢唔會再係我老豆。』自從佢選擇放棄佢自己親生女嗰日開始。
「唉...」阿風擰一擰頭，「口硬心軟既統治者丫~」
咩口硬心軟?
我個心無軟過囉!
「我唔理你喇~你自己好好地諗下啦~係咁~」阿風向住部升降機方向行，仲要好型咁背住我揮揮手...
扮乜鬼型呀...
不過...阿風咁樣講一講...我真係口硬心軟嘛?