《香港革命戰》(上): [22-內部事務] PART 2
「喂~你而家既情況，係要休息多D架!」阿風挨左埋門道望住我。
『我無野喎...我真係可以...』而家咁樣，仲邊有可能好好休息...
而家既情況，可以話係從未估計過...唔喺預計範圍之內!
「嗰邊有阿賢同天欣處理，你大可以放心架!聽我講，好好地抖下啦!」阿風雖然講得岩，但...
『凡事都要親力親為...』親力親為...
我喺黑黑綠綠既房間裏面，除左身上既病人衣服，換返平時著開既黑色衫褲...
而家我地既屯門領域同元朗領域打通左咁大件事，點可以唔親自去睇下呢?
無錯...我地從來都無諗過，可以再同其他領域連接...
無人會諗得到...無人會估得到...
「尋晚天欣已經搵左一隊行者，去分裂之牆既缺口通宵搭橋...而家已經可以由缺口行過去元朗領域嗰邊。」阿風行過黎扶一扶我。
『嗯...真係辛苦晒佢地...』分裂之牆俾EVE打穿...
「係喇，我又真係好唔明點解EVE會無啦啦打穿分裂之牆既?你有無問到丫?」阿風提一提醒我...
『我唔係好記得...大致上好似話...乜野超載...乜野...唔記得喇...』老實講，記得都唔知佢講乜啦...
「係超載丫?唔怪之得啦!我琴晚都有Check過EVE既數據!你知唔知俾我發現左D乜丫?」阿風碌大對眼望住我。
『發現左D乜呢?』有野你就快講啦!
「我發現EVE喺衝擊分裂之牆之前，量能上升到一個歷史上從未出現過既新高!」阿風對眼仲係碌到鬼咁大對...
『哦...』咁則係點呢?
「呢種高係非一般咁高!係好高好高好高!」阿風突然Chok一Chok我...
『喂喂喂…你睇住我丫...』我周身都無力，仲要郁一郁都鬼咁痛...
「Sorry~Sorry~因為我實在太興奮喇~你知道嘛~EVE喺嗰一刻既能量水平，真係大到可以供整個SPIRIT用好幾百年...甚至幾千年架!」阿風繼續扶住我行...
『嗯...』好比無限能源...
「不過可惜丫...當EVE打穿左分裂之牆，落完去LILITH層再返返上黎之候，D能量又下降返去平常被我地吸收完既水平...」阿風擰一擰頭…
『嗯...』超載，唔喺我地既領悟範圍之內...
「喂~你估我地可唔可以喺EVE下次超載之時，吸盡晒佢既能源丫喇?如果可以既話，我地就唔需要再擔心能源短缺...甚至被ADAM吞噬既危機啦~」阿風胸有成竹咁既樣...
『唔駛諗喇...』呢個時候，我無辦法唔撥一撥阿風冷水。
「下?點解咁講丫?EVE超載時既能量，真係大到你唔信架!」阿風又Chok左我一Chok...
『喂…唉...你咁講一講，我又記返起D野...EVE好似有講過叫我地唔駛諗等下一次...』我記得EVE好似係有咁講過...
「下?」阿風一個困惑。
『EVE好似話...要等下一次超載既話...要好耐好耐時間...』我記得EVE好似係有咁講過...
「咁我地由而家開始，唔再吸佢...」我無等阿風講落去...
『就算唔再吸佢既能源都無用...因為超載既運算，唔喺你地既領悟範圍之內...假如你要等下一次再超載既話，我諗你到時唔死都老到行唔郁...』我記得EVE係有咁講過...
「原來...係咁...唔駛等到嗰陣時，我地都已經俾ADAM吞噬...」阿風面色一沈...
『ADAM會吞噬你地。EVE係有咁講過...』我點一點頭...
「連EVE都咁講?!」阿風又再Chok左我一Chok...
『喂…睇住我!係丫...就連EVE都咁講，則係話好不幸地，你一直以黎既分析同推測都係百分百正確。我地正面臨被ADAM吞噬既危機...』最壞情況...
最壞既情況已經可以肯定...
假如我地唔可以再演算出無限能源...ADAM就會將我地吞噬...
如果唔可以再演算出無限能源，又要避免被ADAM吞噬既話...我地就要審判地獄...再逃離SPIRIT...喺地獄重建天堂!
日子已經唔多...要爭取時間...
『嘩嘩!好痛好痛!點解我成身無力又周身骨痛，好似俾人俾人打左鑊甘咁架?』我向住阿風吼叫!
「呢D咪又係精神液既副作用囉!我都叫左你唔好再注射架啦~你又唔聽~好啦~而家知死未丫?」阿風又再一次Chok左我幾下!
『喂!唔好呀!喂!好鬼死痛呀!』
精神液既副作用...
我相信點痛，都比唔上阿月俾MINDER入侵既時候咁痛。
莫講話要俾MINDER入侵，之前就係同INTRUDER連接，我都覺得個腦好似俾針插咁、俾野壓住咁...仲要痛到好似就黎爆開喇咁!
就係連接到痛苦成咁，可想而知俾MINDER入侵既話...真係痛不欲生...
究竟阿月係點樣忍受到架呢?
就係因為單單對李飛揚既愛?
愛可以令一個人忍受痛苦?
愛可以令一個人忘記痛苦?
愛…可以有幾偉大?
愛…又可以有幾萬能呢?
我唔會理解到阿月對李飛揚既愛有幾深…
我理解唔到阿月可以為李飛揚去到幾盡…
我真係理解唔到...無辦法理解得到...
「喂!你真係無問題架嘛?唔係...我唔應該問你...我知道你好大問題!」阿風扶左我上車之後，仲要喺道講廢話...
『得啦~有你陪住我~無問題既~』我向阿風打左個眼色。
「嘩…搞咩你變到好似個女人...阿月咁架?!不得了...不得了...」阿風兜過車頭後，坐到我隔離。
係咯…做咩我好似有D阿月既...影子?!
痴線架咩?
話就話孿生姐~但我地從來都無話有民間流傳嗰D心靈感應丫...相似呀之類既野...
搞乜鬼呢?
唔通...
「睇黎有機會係同EVE同步後既副作用~」阿風坐好之後，車就開始行。
汽車喺高速高公路上行駛...
『我岩岩都係咁諗…』係囉~我岩岩都係諗起同EVE同步...
始終同EVE同步過之後，硬係覺得好似有D怪怪地咁...
「係都唔出奇既~話晒要同AI同步，就要直接用腦部最深層黎溝通...你仲要係同世上最早出現、最成熟、思維最強既EVE同步...講真...你仲有自我意識，已經好叻架喇~」阿風打量一下我...
『車~阿月夠成日同EVE同步啦~佢咪又係生勾勾~跳跳札札咁~』係囉~阿月都無事啦~可以有D乜咁大件事喎~
「阿月又點同呢~佢本身就已經奇奇怪怪，係一個怪人黎架啦~」阿風笑笑口，擰擰頭。
咁又係...阿月根本就係一個怪人~
同EVE一樣，都係咁奇怪~
或者就係因為咁樣，所以阿月可以咁容易就同EVE同步啦~物以類聚嘛~
「講開又講喇~你點解會同EVE同步到既?唉~算啦~我諗你自己都唔知點解架喇~」阿風又笑笑口，擰擰頭...
『好似話咩意志到達咩咩...唔知呀!』係呀係呀，就好似阿風咁講，我真係乜鬼都唔知....
「唔...咁講法...則係...要去到一個界限...」阿風諗下諗...
『喂~你係唔係諗到D乜丫?你係唔係諗到同EVE同步既關鍵丫?』我拍一拍阿風...
「唔...我諗就同我地平時同防禦者RU同步既原理差唔多啦~不過...」阿風又諗左一諗...
『不過咩呀?你唔好講D唔講D咁好唔好姐~』我再拍多幾下阿風膊頭...
「中間既協調先係關鍵...」阿風點點頭...
『協調?』協調D乜?
「講得複雜你唔明架喇~大致上就係要協調返AI同人腦既速度咁囉~」阿風恥笑我一下，再擰擰頭...
『我同你既交流係好快好快~快到你係適應唔到...所以!如果處理得唔好...你腦部就會受損~』呢句說話...
「哦?」阿風驚奇咁望一望我...
『你要知道，你地既一分鐘，就等於我地AI既一百年。我地AI既運算係好快好快~快過你地好多好多~所以對你地黎講就係岩岩~但對我黎講就已經過左好耐好耐好耐~EVE係有咁講過...』無錯喇...EVE係有咁講過...
「嗯~就係咁囉...我地要用LILITH做協調、做緩衝、做中和~因為LILITH係有令粒子運動停頓既特性~咁就可以同AI系統達致同步既水平...仲有瓦解能量呢~咁就可以免受AI所發出既強大力量傷及腦部神經~」阿風點下點下頭...
『嗯...』呢方面都大概明白...『但點解就唔可以應用喺EVE身上呢?』
「理論上係可以~只要用上大量高純度LILITH...因為純度越高就越有效呢點唔駛再解釋啦~但係咁樣...先唔好講我地有無咁大量高純度LILITH俾我地用~LILITH本身係有毒性!你睇阿月都知啦...你自己都係啦!仲好講喎!精神液咪又喺用嗰D 高純度LILITH提煉出黎!你睇下你咪又係中毒中到就黎痴線囉!」講下講下同步AI...變左俾阿風指住黎話囉...
『係係係…係我唔岩~係我錯喇~OK?』我向阿風打左個眼色...
「咁所以用一般既方法去同EVE同步既話，係行唔通...至於點解你同阿月都可以同到EVE同步...我諗係因為EVE嗰邊容許你地咁做...所以意志達到一定水平，先可以同EVE產生出一條有協調作用既橋樑...大至上就係咁啦~」阿風合埋雙眼點點頭...
『咁則係點丫?』講到咁複雜，我唔明囉!
「咁則係諗黎都晒氣囉~算啦~同EVE同步，只可遇~不可求~諗下我地黎梗點做仲好啦~」阿風擰擰頭，望出車箱外...
可遇不可求...
只可以咁?
唉...都話架啦~唔想同步既時候就同步到...想同步既時候呢就同步唔到...
不過...同步到咁又點?
印象中...好似...乜都問唔到...
定係我問左，但又唔記得左呢?
哎呀!好煩呀!
本身個頭已經痛痛地...而家諗一諗，就痛到核爆!
我係唔係應該聽阿風講，唔好再注射精神液呢?
我再係咁注射落去，真係好有可能會俾精神液毒死...
不過唔用精神液，遇上李軍仲有國安局佢地既話...
再注射多一段時間啦...只要再過多一段時間...
只要打後既計劃都順利既話...順利既話...一定要順順利利!
我地架車一直喺架空高速公路上飛馳，好快就黎到我地要去既目的地。
我離遠望一望，黑黑既分裂之牆，而家就真係分裂左...
分裂出一個好闊既缺口...
就係尋日，被EVE超載所擊出既一大個缺口...
而家再睇返，真係好誇張...
呢種能量究竟有幾大?
幾大都好，我諗就算俾一堆數字我睇，我都唔會明白...
但我會諗，假如當EVE超載既時候，直轟向地獄出面既話...我諗真係幾震撼~
不過呢件事又絕對唔會發生...
因為...EVE無辦法離開結界範圍...無辦法離開ADAM...
真係好奇妙呢~
一切好似被巧妙安排~
EVE、ADAM、LILITH、誡律之牆…仲有我地...
所有所有都好似被巧妙安排一樣...
所有野都有關聯...所有野都有抵觸...
我地就喺個框框入面，互相平衡...
係邊個安排架呢?
邊個可以將咁多樣唔同既野，安排得咁天衣無縫架呢?
我地架車越黎越近目的地，已經見到一大片發住綠光既大草原。
我再望遠少少，已經見到幾個閃住銀光既身影...
嗰幾個身影係...
我地架車再駛得近D，再近D分裂之牆既缺口...
『係阿賢佢地?』我已經見到其中一個身影，頭上顯示出“何永賢”三個字。
「哦~係丫~我諗佢地係接天欣更...所以咁岩喺道囉~」阿風若無其事咁點一點頭。
『但佢地身上仲著住...Sacred-Armor?!』我再望清楚D...
的確~佢地幾個身上閃住銀色光茫...係Sacred-Armor。
「嗯。」阿風繼續若無其事咁點一點頭。
喂...家下係我唔明丫...你解釋下得唔得架姐...
“依”好快，我地架車就停左喺路邊，停左喺阿賢佢地附近。
『阿...賢...』我一落車，就立即向阿賢揮揮手，但就唔記得左我仲係周身骨痛咁...
嘩…真係痛死人...
究竟幾時先可以無咁痛架?
「阿日，阿風，黎左丫?」阿賢行埋黎我地呢邊。
『嗯。黎睇下咩情況...喂喂睇住我...睇住我丫阿風!』阿風過黎扶一扶我，但好唔客氣...
「鬼叫你咁唔聽話丫?叫左你唔好亂郁亂走!要多多休息!你就硬要走過黎睇睇!」阿風仲要Chok左我幾下...
呢個阿風...可唔可以對病人有多D愛心架?!
阿賢打量左我幾眼:「做咩丫?對我地無信心?」
『唔係唔係…』我又點敢對你無信心...『只係...想親力親為...』
阿賢笑笑口，點點頭:「越黎越有預行者既風範丫~」
ER…乜我之前好無預行者既風範咩?
『係呢，點解大家仲著住Sacred-Armor既?』阿風扶左我行梗埋去缺口嗰邊。
「阿風無講俾你聽咩?」阿賢望一望阿風。
阿風又望一望我:「係喎~都唔記得左話你聽添~我地已經量產左五百套Sacred-Armor喇~所以喺尋晚，天欣就話停止使用防禦者RU，轉晒用Sacred-Armor囉~」
『哦...你又唔早D講?』成日都係唔問到出口都唔講出黎!
「咁你都無問~仲有丫~天欣尋晚已經停止左呢邊使用防禦者EU防衛既請求~」阿風繼續扶住我行...
阿賢點點頭咁講:「係丫，所以而家就由我地做巡邏既工作。天欣都係岩岩先返左去休息，我都係岩岩先接佢更咋嘛。」
『辛苦你喇...』我向阿賢點點頭...
「唔辛苦。天欣佢就真係辛苦喇。佢尋晚處理呢邊既野，處理到今朝。嗰邊既情況...真係比想像中複雜得多…」阿賢擰一擰頭…
複雜?
係咯…我好似從來都無諗過，元朗領域嗰邊可以有幾複雜...
正確黎講，我都無諗過內政既野可以有幾咁複雜...
基本上，踢左老豆出去之後，屯門領域都係行梗之前既一套...
分別只係在於話俾全部屯門領域既人民聽，我地正面對能源消耗既問題...仲有送逆行者出去境外...係喇!
『同元朗領域既人民講左可以去境外既事未?』呢樣都好重要!
「嗯...」阿賢點一點頭，「天欣尋晚其中一樣要處理既，就係呢樣。」
『嗯...』天欣真係好勤力...
我向住缺口前幾位著住Sacred-Armor既行者點點頭之後...
『呢條通道...』我望一望缺口之間...
「嗯...係天欣喺尋晚調派左一隊行者搭出黎既。」阿賢望一望缺口之間，以世界之木搭成既路...
『天欣...』真係好了不起...
喺咁短時間內，可以做到咁多野...
真係…辛苦妳喇...
我地三個人一路行入缺口，行上由天欣佢地搭成既路...
兩個領域終於可以再次打通...
其實我無諗過...我無諗過會咁樣...
一切都係偶然?
「天欣話過，喺呢道動工有一定難道。」阿賢都扶一扶住我。
『下?』我唔係好明阿賢既意思...
「係因為LILITH。」阿風點一點頭。
『下?』又關LILITH事?
「你唔記得左喇咩?缺口飄出LILITH架~」阿風Chok一Chok我...
『哦!我記得喇!缺口飄出地底裏面既LILITH!由於地底裏面既LILITH都係高純度LILITH，所以繼而會影響到機械運作!』無錯喇!我記得我地飛過對面之時，Sacred-Armor上既能量都會急速消耗架!
「呵呵~發現新大陸~」阿風冷睇望一望我...
咩姐...咁我對科技既野係比較遲鈍架嘛…
阿賢點一點頭:「所以天欣佢都花再唔少工夫，先造到呢條路出黎。」
『嗯...我真係要親自多謝佢一聲...』多謝天欣為我地做左咁多…
「你唔好阻住人就真~人地好忙架~無你咁得閒架~有時間都去休息下啦~」阿風又Chok左我一Chok...
『喂喂…你溫柔D得唔得架?』呢個阿風，係唔係想痛死我先安樂...
阿風又講得岩既…
我地D行者，個個都好忙。忙到根本就連想休息下都無時間...
我地無時無刻都要爭分奪秒...
一切都係為左整個SPIRIT...
為左SPIRIT裏面既所有人民，都可以繼續生存...
要逃離被ADAM既吞噬...
要審判地獄…重建天堂…