《香港革命戰》(上): [16-計劃之外] PART 5
喺雨中，駕駛住Aston Martin離開殘破而快被遺忘既舊區。
望一望公路上...
仲係未有任何車輛...
睇黎仲未完成交換手續...
非常好~
呢個都係我計劃之內~
解放軍仲未完成交換手續，就唔會有閒情逸致周圍巡邏，我就可以安心離開。
唔係...
我最大既敵人係國安局...
想喺地獄分下心都唔得~
真係煩!
不過唔緊要，只要好似平時咁留意路面情況就可以。
由而家開始，一切都會喺我掌握之內!
*叮*「注意，系統將會offline。期間將不能再使用任何程式，請小姐小心。」
好順利...
好順利咁脫離地獄。
一路上，高速公路上都無任何車輛。
應該係因為阿月幫我地既輕型貨車修改左系統，為佢地開路。
照咁睇，好快就會返返黎...
呢一點我唔需要擔心，一切都會好順利!
只要有阿月既幫助...
“颼”...
已經見到大海...
好快又會去到小欖...
要出入地獄，總要經過呢一個尷尬既地方...
我開始覺得當年老豆選擇流放喺呢道，係為左折磨我!
等我每次出去地獄執行任務都要諗起佢!
諗起佢既衰野!
佢一定喺山上居高臨下咁恥笑梗我!
你就係識得話我失敗...
就係識得話我成唔到大事...
『你就喺山上放長你對狗眼，好好睇住我點完成你完成唔到既偉業啦!』
“依”...
Aston Martin轉落交匯處...
我無根住路線返去黃金海岸...
因為我仲有個地方想去...
我絕對唔係要上山!
無必要我都唔會上去見嗰個罪人...
我話過...
喺佢背住我離開SPIRIT既時候，我有咁講過...
而我而家係要轉落已經殘破不全既屯門公路。
因為我想搵一搵...幾個人...
“颼”...
喺誡律之牆以外，其實真係仲有好多我地SPIRIT既人...
惡魔一直都以為反對聲音只佔少數...
究竟係用黎呃住D奴隸，等佢地容易D控制...
定係呃住自己?
反對既聲音可能真係只佔小數，但反對既人絕對比當權者多!
而且已經去到一個忍無可忍既地步!
我地一直都計劃梗，實行梗...
將你地喺高位上面拉倒!
“咯...咯咯...”條路已經爛都唔係好行到...
再夾硬行落去，整花架Aston Martin就麻煩...
落左車之後，我拎住把黑色遮望住長長既公路...
當年誡律之牆既破壞力都唔少...
成條公路都裂開晒...
分出一條又一條又長大闊既大坑...
就算係我喺上面行，都要好小心...
一個唔小心，跌左落去或者卡住隻腳就麻煩...
呢邊既雨勢唔算好大，但係個天就好灰...
灰色既天空好過黑漆漆既天空...
起碼都仲見到D陽光...
不過頭先個小妹妹都幾有我心，竟然揀左把黑色遮俾我。
或者係因為我著到成身黑沉沉，所以送返把黑色既俾我，襯返我既造型啦。
望真D把遮...
手工同用料都好好...
係唔係每一把遮都係咁架呢?
我地SPIRIT入面唔存在呢一樣野...
而地獄裏亦只有奴隸先會用呢種工具...
如果每一把遮都係一件藝術品既話，佢地應該可以得到更多...
更多?
貪婪...
我唔可以心存貪婪...
這是一種罪...
再行入小小，上小小...
喺公路上面我見到一D簡陋既設備...
簡陋既設備中，我見到一個身影...
『阿霖~』我大大聲向住個身影大叫。
喺呢個區域，要先表明身份!
唔係既話真係俾自己人打死左都無得怨~
阿霖望一望過黎:「阿日~」
路仲有好長，我繼續向住阿霖既方向行過去。
阿霖亦都由約有五層樓高既設備，慢慢爬返落地面。
「做咩咁好黎探我丫?呢監工丫?」阿霖除左手上既手套。
『唔係~見行開呢邊，所以咪黎探下你地囉~其他人呢?』我行到阿霖身邊，用手上把遮遮一遮佢。
「喺四方八面囉~」阿霖指一指D山頭。
我望一望上D山頭，真係有好幾個行者喺道放哨...
『落住雨都仲喺道整野?』有佢地喺道放哨，我地一定好安全。
「無時間啦嘛~再唔快D就趕唔切~」阿霖又行到去另一邊，整一整D器材。
『有阻濟?』我跟到阿霖身後...
「少少啦...」阿霖繼續整理電子儀器...
『阿風俾你既物資有問題?』我望住塊實體顯示器...
綠色既畫面...有D光線跳下跳下...
「嗯...不過問題不大既，只要調教下就OK...不過...要花D時間囉...」阿霖扭左幾下按鈕...
仲要花D時間...
「不過喺呢個距離已經可以同到領域入面通訊，係遠少少既地方仲未清晰...」阿霖再行到去另一邊...
『你係指黃金海岸?』我又跟喺阿霖後面。
「黃金海岸都仲叫免強可以，但係到左小欖附近就唔得喇...」阿霖繼續整理電子儀器...
『小欖附近?』又係嗰個討厭既地方...
「嗯...越接近小欖信號就越弱...」阿霖望住實體顯示器裏面條直光線...
『咁通唔通信到?』我四周望一望...
「唔得...弱到同無無分別...」阿霖擰擰頭。
點解會咁架呢?
照理離開結界越遠，受到LILITH粒子干擾就越低先岩架...
「我都唔明點解...嗰邊既干擾俾呢邊仲要大好多好多倍...」阿霖又扭左幾下按鈕...
『有無同阿風研究過?』兩個科學家無理由研究唔到點解。
「有丫，不過阿風都話要再睇下先...等等食埋個飯就會過嗰邊搜集一下...係喇...你一場黎到，不如同我地一齊食埋個飯先啦~」阿霖放低手上既工作，行到我面前。
『都好丫~』好耐都無見過呢道既行者，都應該要聚一聚。
阿霖拎起對講機:「阿晴收唔收到?煮多D飯喇~我地有貴客到~」
貴客?
我唔算~
如果係李飛揚或者係李軍，就算得上係貴客...
跟住阿霖行上山...
行入個樹林...
再走入一個洞穴入面...
“吠吠~”洞穴入面傳黎一把狗吠聲...
『嘩!好得意丫~係一隻松鼠狗?』我跪喺地下望住隻松鼠狗。
「嗯~佢叫小西~個名阿晴幫佢改既~係阿晴有日喺山上巡邏既時候發現既~佢一直跟住阿晴，黎到呢道就當左係自己屋企~」阿霖摸一摸小西。
『咁識跟丫你~嘩嘩嘩唔好舐~』當我一抱起小西，佢就不停咁舐我塊面。
「佢丫乜都鍾意舐架~哈哈哈~」阿霖指住我黎笑...
『好喇唔好舐~唔好舐~』當我放返小西落地...
“吠吠~”小西就帶住我地走入洞穴...
呢個洞穴都好深，而且要行到好入先開始有火光...
「我地已經將呢個洞穴挖得好深，而且有多條出入口，方便逃走。」我地一路跟住小西行...
『其實而家呢個時勢，應該無乜人會特意走黎呢道...』我地轉過幾個彎...
「或者啦...但近期有好多情報都指出，解放軍好似有D動靜...佢地好似計劃梗D野...」再轉左幾個彎...
『解放軍?』唔通係李軍策劃?
「現時都唔係好清楚，我地需要再分析多D先可以將D資料傳返去俾你地...」我地行落幾步...
如果真係李軍既話...
會唔會可以引埋李飛揚過黎呢?
如果唔得...
就算捉到李軍既話，李飛揚都未必敢走過黎黃金海岸...
「不過佢地好似仲缺少左一D好重要既野...」阿霖諗左一諗...
『係乜野?』
「唔知~要再搜集多D先得~」我地繼續跟住小西行...
缺少左一D好重要既野?
短時間內都唔會實行到?
如果係咁...
究竟係我地既計劃實行得快D，定係解放軍快D呢?
而中間會唔會影響到我地既計劃呢?
“吠吠”小西向住背住左我地既身影吠兩聲...
「帶左佢地返黎喇小西~」身影放低左一碗肉碎俾小西食。
係阿晴...
『阿晴~好耐無見喇~』我向阿晴揮揮手。
「阿日~真係好耐無見喇~坐啦~」阿晴帶我到一張大木檯前坐低。
『要你地兩公婆屈喺呢個地方就係辛苦你地...』我有D唔係咁好意思...
始終係我指派佢地兩個...
仲要係喺佢地新婚之時...
「唔係丫~呢道都好好丫~出去巡邏既時候仲可以見到陽光~」阿晴笑得非常燦爛。
「係丫~夜晚仲可以曬下月光~阿晴最鍾意架喇~話浪漫喎~」阿霖坐喺阿晴身邊。
「浪漫D唔好咩~」兩公婆開始打情罵俏。
喺呢道可以見到陽光曬下月光，的確係幾浪漫...
結界裏面缺少既野...
假如我一直都喺結界裏面生活，從來都無見過陽光同月亮，我係唔會知道陽光有幾溫暖，有星星襯托既明月係可以幾咁靚...
就好似你從來無擁有過自由，係唔會知道自由有幾重要。
「係呢阿日，你有無探過陳星?」阿晴突然問起我問題...
『無丫...一直都無...』我唔想再見過呢個罪人。
「係丫...雖然我地都只係遠距離監視，但就發現陳星佢好似好享受自己既生活。」阿晴繼續向我匯報一D關於嗰個罪人既事。
『係咁就最好。我都唔想佢會影響到我地既計劃。』不過喺D荒山野嶺上面仲可以做D乜。
「我地會繼續監視住佢。」呢個係阿晴既主要工作。
阿晴既主要工作就係派人監視陳星，將收集返黎既資料作分析。
假如陳星真係有D乜野奇怪既舉動，就會策劃行動。
確保陳星唔會影響到我地。
當然除左監視陳星外，仲要同阿霖喺呢區巡邏。
始終呢道既人手有D不足...
而且器具又唔係好聽駛...
『你地人手夠唔夠?駛唔駛再派多D人黎幫你地?』如果要再派多D人黎都唔係問題...
「唔駛架喇~再派多D人黎反而唔方便。我地喺呢個區域行動都係機動性重要D。不過佢地就話唔想著件死人爛鬼戰鬥衣囉~」阿霖指一指個入口...
「係囉!件死人戰鬥衣鬼咁重又鬼咁焗!仲話係衣?甲都唔只喇!」一把粗獷既聲音...
『尚冬~好耐無見喇~』我望住一個著件解放軍戰鬥衣既健碩身影揮揮手。
「再要我著住呢件野就真係好快唔駛見!」尚冬坐到我身邊。
『哈哈~咁都無計架~有呢件野保護下都好丫~況且仲可以呃得下人嘛~』我拍一拍尚冬膊頭。
「呃鬼咩~呢道有鬼人黎咩~我地駐守左喺道都三年啦~初初真係以為會好刺激，過左幾個月之後都悶到發瘟!仲有呃鬼到人咩~呢道邊會有解放軍?」尚冬除左個頭盔，放低支槍。
睇黎尚冬真係好熱...
都秋天啦仲成頭大汗...
『總有D白痴會信既~哈哈~』如果走得黎呢道，有咩會唔相信?
「唉~我飲啖水先!」尚冬走左去倒杯水，「係呢...我個妹...佢幾好嘛?」
『嗯~佢好好~唔駛擔心佢~』你細妹既工作算唔上危險...
「邊個話我擔心佢?我...我睇下係會唔會係佢死得早過我咋~嘩~呢件野真係熱死我...」尚冬口不對心~
「呢件野其實都唔錯既，如果我地D通訊設備可以調整好晒既話，呢件野真係好有用。」阿霖望住尚冬既背影。
『喺脫離左結界範圍後，我地只可以用呢邊既科技...』九件解放軍既戰鬥衣...
「用大量LILITH去同元朗領域換呢九件戰鬥衣真係值得?」阿霖突然問起我呢個問題。
「阿霖...」阿晴捉住阿霖隻手擰擰頭...
『值得...雖然唔可以話好強大，但我都唔可以要你地十個人，赤裸裸喺結界出面駐守...』我唔可以俾我D行者冒咁大既險。
「但我無得著囉~」一把女聲由入口傳過黎...
『阿盈~好耐無見喇~』我望住一個嬌小既身影揮揮手。
「妳唔駛啦~叫阿燁保護妳咪得囉~」阿晴笑住講。
「咪笑人啦~」阿盈坐左喺阿晴身邊。
『係呢阿燁呢?』我問問阿盈。
「呢個時候佢應該巡到去Point 6，仲有5分鐘會返到黎。」阿盈好快咁向我匯報。
「放心啦~所有路線同值勤表都係阿盈計劃既~佢自己最清楚~特別喺阿燁既佢最上心啦~呵~」阿晴又笑一笑阿盈。
「邊有喎~我個個都咁上心!」阿盈面紅紅。
估唔到，喺呢種地方，呢種區域，大家都可以有講有笑...
唔好話喺地獄...
就算係我地SPIRIT都非常緊張...
三個領域勾心鬥角...
各懷鬼胎...
LILITH又就快用盡...
打後既計劃亦都非常嚴峻...
內憂外患之下就連呼吸都好急速...
而呢道...
或者就係喺呢種咁自然既環境下，先可以得到片刻既寧靜...
「做乜咁好黎探我地丫~阿日~唔信得過我地?」阿盈帶住疑惑地問。
『唔係~咁岩路過姐~』其實都唔可以話真係咁岩...
「呢道好難可以咁岩路過架喎~情況開始變壞?」阿盈帶出左重點。
『嗯...少少啦...』其實都唔係少少咁簡單...
「你黎得問通訊既野，又問得我地駛唔駛加派人手...睇呢已經到左如箭在弦既地步...」阿霖分析出現況。
『的確係一觸即發...』而且仲要一發不可收拾既境地...
「咁睇黎我地要加快進度...」阿晴望一望阿霖。
「咁啦~尚冬~等等食完飯，你巡到去Point 21既時候幫阿霖調整通訊設備O唔OK?」阿盈向尚冬發出指示。
「OK!不過可唔可以除左件死人爛鬼戰鬥衣先整?」尚冬拍一拍件戰鬥衣。
「你鍾意啦~你話你可以徒手將人個頭扭斷架嘛~」阿盈合埋雙眼揮揮手。
「妳漏左“輕鬆”呢兩隻字!」尚冬伸出兩隻手指。
『哈哈~我都想睇你表演~』我都唔敢用“輕鬆”呢兩個字~
「你敢睇少我?一陣食嗰D野味都係我親手打返黎架咋!」尚冬展示肌肉。
「我以為我聽錯~原來真係阿日黎左~」一把男聲由入口傳過黎...
「阿燁~」阿盈已經急不及待衝過去攬住阿燁。
「隔左幾個鐘無見都咁糖黐豆~」阿晴又笑一笑呢對戀人。
「早兩年你地兩公婆咪又係咁~」阿燁指一指阿霖同阿晴。
「好~人齊~開飯~」阿晴回避問題走去開飯。
同佢地一齊食飯有講有笑，呢種氣氛真係幾開心。
無誡律之牆保護下，真係可以咁安心?
我都唔知道...
一直我都唔係好敢喺誡律之牆外活動咁耐...
就算係喺黃金海岸都唔敢逗留太耐...
其實...究竟誡律之牆係保護梗我地，定係監禁梗我地呢?
點都好，我地都要盡快啟動審判程序，離開結界範圍...
喺LILITH用盡...被ADAM吞噬之前...
『係呢...其他行者呢?』我一邊食住舊牛腩一邊問。
「佢地而且分別喺Point 11、Point 24、Point 39、Point 51同埋Point 71。」阿盈快速匯報。
「佢地頭先已經食完野，所以開始巡邏。要等到黃昏先返黎。」阿燁接住講。
「我地等等食完野抖一陣都要準備出去巡邏...喂喂我要呢舊~」阿晴夾走左阿霖手中既羊肉。
「我等等就要去Point 21調整通訊設備...尚冬記得黎幫我丫~」阿霖用筷子指一指尚冬。
「得啦~我最好記醒~」尚冬添多兩殻飯。
「但你會迷路呢~駛唔駛叫小西帶你路丫~」阿晴指一指小西。
“吠吠~”小西搖住尾和應。
佢地呢一個小隊真係好似一家人咁...
睇黎我唔需要擔心咁多...
食完一餐溫馨既午飯後，企喺洞穴門口...雨勢都開始減弱。
「要返去喇?」阿霖拍一拍我膊頭。
『嗯...仲要返去處理其他事...』SPIRIT既局勢仲係好動盪...
「嗯...呢道既事放心交俾我地啦~你就專心做你要做既事。我地相信你，你都要相信你自己。」阿霖送左個堅定既眼神俾我。
相信自己...
「我都要去準備一下，唔送啦~Bye~」阿霖轉身返入洞裏面。
我地有唔少人，努力去做好自己既工作，對抗惡魔...
我地既力量好似好細，但我地都會盡自己全力...
為左SPIRIT...
為左呢個世界...
TO BE CONTINUED