自殺前的剖白: 第三章 火災舞台
有多人唔明我個格式，其實我係想營造一個好似警察file嘅感覺，同埋內容有好多暗喻，睇多D書就會明(╯з╰)
日期：1/11
死者：戴蓋文
死因：吸入過多濃煙
警方已經將本案列為意外
==================================
「Hey yo，我係阿蓋，唔知有無人記得十年前我跟過一個mk有錢仔，仲周圍搞人？哈！如果你覺得我同葉志賀比較，我係衰D嗰個咁你就錯啦！葉志賀，一個有恃無恐嘅on9仔，佢先係蝦蝦霸霸嗰個。你話佢係哄女仔嗰個？有無聽過口蜜腹劍，佢就係呢種人，表面上係哄女仔，口甜舌滑咁，但佢先係傷害其他人嗰個。仲記唔得之前講過嘅鍾凱妤？我從來都無打過佢，佢跌左喺地同我摑佢呢件事都係一場戲，其實我同佢都係drama嘅成員。」我停咗一停，慢慢咁諗下先講「佢好好人，當我地喺drama嘅舞台上面先可以做返自己，佢同我講話喺drama可以演繹另一個自己，我地自己寫劇本自己做戲。只有嗰段時光，我地可以除下面具，享受呢段時間……」講到呢度我D眼忍唔住啦，我熄左枝咪，抹左嗰D唔睇話嘅眼淚「好啦咁時間都差唔多啦！成十點啦，大家快D去返工啦，bye bye」一切回歸寧靜……
一年前，我唔知發咩神經去申請做電台DJ，其實主要都係想揾返凱妤。佢係我最好最真心嘅朋友，我地之間只存在友誼，無任何曖昧關係。我揾到佢啦，尋日我揾到佢，我揾到佢嘅死訊。我辛苦咗咁耐，都係得個吉……我好難受。
何日朗條粉腸十年前揾人搗亂我間屋，好彩無被人搶錢，如果唔係佢死左十世啦！我知，我知係凱妤同佢講話我同葉仔都唔係佢嘅真朋友，佢講得啱，所以嗰日何日朗打完俾我之後我就即刻打俾葉仔：「何日朗破左產，即刻封鎖佢！」簡單一句令葉仔上當，佢咩都未知就俾人搞佢間屋，自作孽不可活！不過尋日何日朗同凱妤都死左，凱妤係被謀殺㗎，我無論如何都揪出兇手（雖然好似捉咗個嫌疑犯），再打X死佢。要演繹大偵探，就要先理解受害人嘅生活，要由佢間公司下手，能力有限公司。
___________________________________________
*早上11:51*
*能力有限公司*
*地下接待處*
「呃…你好，我係員工鍾凱妤嘅朋友，佢尋日過左身，我嚟幫佢執嘢㗎。」我扮曬正經咁同坐喺接待處嘅女職員講。
「先生唔好意思，你口中嘅鍾凱妤唔係呢度做喎。」個女職員百無聊賴咁答我
………wtf………
「你好，我能力有限公司嘅舊員張麗言，我嚟攞返D嘢」一個目測同我差唔多大嘅女性喺我則邊講
「好啊，我幫你登記左啦。能力有限公司16樓。」女職員喺本簿度寫左幾個字，然後抬起眉毛望住我。
…………尷尬…………
「我叫戴蓋文，我係能力有限公司職員鍾凱妤嘅朋友，我幫佢執嘢……」我急忙咁講
個女職員喺本死人簿度寫寫寫，完全唔理我，所以我用9秒9跑左去搭。
____________________________________________
*16樓*
*能力有限公司*
*搞下搞成12點*
哇！呢間咩公司嚟㗎，咁似成班太監喺度侍奉皇帝咁嘅？呢度應該改名做紫禁城有限公司（定紫禁城無限公司？）
「呢度一直都係咁，哈，紫禁城有限公司，我鍾意呢個名！」張麗言唔知幾時企咗喺我則邊，我又唔知幾時將自己嘅心聲講咗出嚟。眼見有幾個員工向我投以一個不友善嘅眼神，不過佢地好快就繼續工作。
「鈴鈴鈴…………」你以為又係老土嘅劇情？又鬧鐘響，又一場夢？唔係，呢D聲係……
「火燭呀！救命呀！」
火源係邊？係垃圾桶入面嘅煙頭？茶水間煲水煲度漏煤氣？定 有條白痴飲左啖威士忌然後噴落去個打火機度？
我唔知呀！X你！周圍都好X大火呀！X你XX！
我轉身想衝去個玻璃門度，但我諗起一件事……
___________________________________________
_「如果有機會，我想可以寫個英雄救美嘅劇本。最好個男主靚仔，女主又可愛」凱妤雙手合十放在胸前眼睛發亮咁幻想。_
_「咁你係咪想我做男主你做女主，男才女貌？」我有D自豪咁講_
_「你都唔靚仔，我就話天生麗質啫，你點同呀？」佢笑住咁講_
_「唔靚仔都可以英勇啫……」我有D尷尬有D開心咁講_
我地喺歡笑中完結話題，呢齣劇根本無可能完成因為我地唔夠資金。
___________________________________________
*回到現實*
呢度依然都係熊熊烈火，好多人尖叫，好多人衝左黎我個方向逃走，除左張麗言佢惘然咁望住火舌。熾熱嘅空氣蒸乾我嘅眼水，我眨左幾下眼，終於睇得清楚。
「張麗言！」我嗌佢，佢趁我睇唔到野嗰陣行咗去火場中心，我唔可以再俾另一個睇清世界嘅人死。所以我做咗人生中最英勇最大膽嘅事，我捉住咗一個三唔識七嘅女人隻手，仲拖住佢走。
「放手呀！7頭」張麗言咆哮
「凱妤！唔靚仔都可以英勇㗎！」我對住個就嚟冧嘅天花板大叫，再用力將張麗言推出門口
「BOOM」一個戲劇性嘅爆炸竟然喺我面前發生，雜物堵住通往門口嘅路。
「凱妤多謝你，俾我喺你最後逗留嘅地方做完最後一場戲，一場屬我同你嘅戲……咳咳……如果天堂有舞台，我同你一齊完成我地之後無做到嘅戲……」
D煙好臭呀～
※筆者的話( ´▽` )ﾉ※
※或者戴蓋文覺得自己同鍾凱妤完全無曖昧過，但其實佢地心入面總有住對方（係愛呀♡）※
※上集有D變態，今集正常返XD※