自殺前的剖白: 第二章 愛與欺凌
日期：31/10
死者：何日朗
死因：從高跌下以致多處骨折
警方已經將本案列為自殺案
==================================
曾經我深深愛上過一個人，佢係我中學同學，佢從來都唔會為利益去刻意奉承其他人。不畏強權，就算被人欺凌都唔會擦鞋，我好鍾意呢種人，可能佢唔係我認識最靚嘅女仔，但我就係無法自拔咁愛上佢。可惜我就好似火車，佢就係路軌，無咗佢我甚麼都不是，但我只係佢人生中嘅一個過客。可能現實無咁殘酷，我可能唔只係過客，可能我對佢影響深遠，可能我係一個欺凌者……
____________________________________________
*十年前*
_有錢就係萬能，16歲嘅我就認清呢事實，有錢我就有一堆同學幫我做嘢，有錢就算犯錯都有好多人幫我頂罪。現實就係咁，錢就係最重要嘅。呢個諗法令我有一堆追求者同手下，但偏偏我無朋友，不過我唔介意，朋友可以當飯食咩？錢就係我嘅朋友，我嘅知己，我嘅聆聽者。我深信呢樣嘢五十年不變。_
*自從識咗佢我人生有左180度嘅轉變*
_佢就好似被遺棄嘅物品，一個人坐在角落不顯眼嘅位置，佢對呢個社會嘅價值觀同其他人唔同，所以佢無朋友，呢一類人好易成為被我欺凌嘅對象，哼＼(^o^)／。我回頭望一望我嗰兩個手下阿蓋同葉仔，再輕輕向佢嘅方向點一下頭，我嘅手下就即刻行動。_
_阿蓋份人比較衝動同率直，佢笑一笑就行左過去鍾凱妤個位度；葉仔就算係嗰D口甜舌滑嘅男仔，佢推開阿蓋，自己率先行過去。_
_「靚女！介唔介意將你嘅玉照放喺佈滿繁星嘅夜空上，俾小弟大哥慢慢細味？」葉仔帶住微笑咁講，真係全世界最文雅嘅欺凌。_
_凱妤一臉不屑，反一反白眼再繼續做自己嘢。_
_「X，行過去食蕉啦！on9傻仔」阿蓋好唔耐煩咁用幾句粗口打發葉仔「嗱，妹，佢嘅意思係我大佬想睇你裸照，要你send俾佢，send完俾1500蚊你。以你咁嘅身材，1500蚊都俾多你，一口價1000算」_
_「弟弟，幫我同你大佬講叫佢返屋企耕田啦！」凱妤平靜咁講，仲想行出課室。阿蓋同葉仔收得我錢，點會咁易放棄呀。葉仔用力將凱妤推返落張櫈，凱妤又反白眼，不置理會。_
_呢下令阿蓋嬲啦，佢「啪」一巴打落凱妤身上，力度大得令凱妤跌咗落地上。_
_「點呀？俾唔俾呀？有敬酒唔飲罰酒呀？好我成全你！」蓋仔又一巴打落去，條傻妹完全無興趣去妥協，再打都唔係辦法，始終呢度係學校，雖然大部分嘅老師都俾我收買咗，但都唔係太好。我行咗過去，用手扯起佢再強行將佢放返喺櫈上。真心第一次見，咁樣俾人打法都無喊到，仲好冷靜咁整理頭髮。_
_「點？應唔應承？」我雙手按喺佢張枱上，以威脅嘅語氣問。佢完全無反應，為免尷尬，我一手將佢枱上嗰本書以完美拋物線拋出窗，佢對我伸出中指，然後很快咁跑去汁返本書。我唔會咁易放棄，因為我係何日朗，一個有權有勢有錢嘅靚仔。_
___________________________________________
我唔靚仔，可以稱得上係mk仔，完全無有錢仔嘅風凡。我對任何事都好後悔，後悔自己對凱妤咁衰，後悔自己喺中學無認真讀書，後悔無識到一D真心嘅朋友。
___________________________________________
*「你以為葉志賀係你真正嘅朋定戴蓋文係你知己？你以為你自己有叻？你無錢嘅話，揾鬼理你？如果我唔係同情你，我報左警啦！欺凌係犯法㗎白痴！」*
_上次我自己一個放學去玩鍾凱妤，其實只係因為阿蓋去打泰拳而葉仔去咗拉佢嗰個蠢小提琴，所以我先自己去。佢講咗呢句話之後我都無意欲去蝦佢，所以我決定要測試一下戴蓋文同葉志賀嘅忠誠度。_
_「喂阿蓋？你聽日可唔可以借200蚊俾我？我老豆個帳戶俾人凍結咗，我地而家無曬錢，仲爭銀行二百萬呀！」我演技實在太好啦（暗喜）_
_「咩呀？我唔係阿蓋呀！你打錯電話呀on9仔」電話入面嘅人好大聲咁講，唔俾機會我答就收左線_
_「嘶」我感覺到我個心多左一條裂痕，個把聲明明就係戴蓋文，我同佢三年同學無可能聽會錯，佢條反骨仔(`Д´)如果葉志賀同佢一樣咁答，咁佢地就GG啦！_
*「電話正在使用中，請遲D再打過…………」*
_我唔信……_
_我再上whatsapp揾佢，發現佢封鎖咗我……_
_鍾凱妤你到底知幾多嘢_
__________________________________________
凱妤真係咩都知，佢無我咁膚淺，佢一早已經睇清呢個世界---冷血、虛偽。個日測試完葉仔同阿蓋之後我成晚都無瞓，第二朝我揾人去佢地屋企搗亂，之後再無人做我嘅手下，我亦無興趣再有手下。只有凱妤先值得我去關心，可惜畢業後無再見過佢，完全失去聯絡。不過我又衰仔，從來都唔夠膽同佢表白，而家好啦，頭先新聞話一間位於旺角嘅劏房入面發現一條死相可怕嘅屍體，地上面有個銀包，銀包入面有張身份證，相信係屬於死者鍾凱妤，仲已經捉到嫌疑犯。
咁既然凱妤都到咗極樂世界，咁我都應該陪佢去，因為呢一次我有明確目標同地點。
「碰」原來由一棟三十幾層嘅大廈嘅天台跳落嚟係咁痛，不過唔緊要，呢種痛絕對唔及揾唔到你嗰種感覺咁痛。
再見啦，虛偽嘅香港人；我嚟啦，親愛嘅鍾凱妤(^ з^)