小毒魔法狂想曲: 013 古兵傳承
「喂喂！你地做乜咁既樣！我都話我唔係佢女朋友囉！」艾蜜莉似乎放錯重點了。「呵呵！唔係就唔係啦，我地開心係因終於有人可以解救我地姐。」老伯道。「我叫伊達貝林，係一個鐵匠。你地知唔知呢個係咩地方？」雖然我對日本戰國沒甚麼認識，但伊達好像是其中一個當時很有名的家族。正當我想著風暴謎城的英文時（小弟外語真的不太好。），艾蜜莉已代我回答了。「任務內容有英文版架。」她悄悄跟我說。
「嗯，呢個的確係流傳後世既名，但其實佢係日本以前一個大家族既秘密軍火庫。（！？）我地幾個就係呢個軍火庫守衛既後人，世代都負責保護呢個地方唔比世人涉足。唉，可惜⋯⋯」「可惜比岩岩走咗個條友捉住？」我已大約猜到整件事的經過。貝林老伯答：「嗯，本來我地係日本隱居，諗住反正我地唔講就無人會知呢度既秘密。點知佢地唔知係邊度搵到我地既身分，仲由香港搵到黎迫我地幫佢做野。」
「咁你地到底要做啲咩？」艾蜜莉這次問得真及時。貝林猶豫片刻後，還是決定和盤托出：「伊達家其中一項秘寶，就係獨一無二既鑄造技術。雖然普通人用起上黎只係比其他兵器鋒利少少，但是如果係魔法師用⋯⋯」我頓時雙眼一閃，對這武器的興趣大幅增加。「透過把武器就可以提升魔法既威力。」艾蜜莉對此好像也很好奇，問道：「下，咁姐係點？」「舉個例子，你係咩系？（風）咁你本身可以最多施展一個五米高既龍捲風。如果你拎住我地造既兵器，你可以放到個七米，甚至更強既龍捲。」我心想:唔是咁屈機呀？「咁到底係咩原理可以咁勁？」我恨不得有一把呀！「呢層就恕我唔能夠答你啦，係我地家族代代相傳既秘密，只可以同你講係減低施法個陣既能障同埋加速魔力既凝聚。」
「哇！咁勁既野個班衰人叫你整幾多把出黎呀？」艾蜜莉說的不錯，萬一這批兵器落入心術不正的魔法師手中，只怕會造成魔法界新一波的紛亂。「呢班自稱哥淑近戰團既人痴線架！根本無諗過放人，等我地做到死。」哥淑近戰團？若不是在王立魔法圖書館消磨了無數晚上，我相信也不會聽聞過這已式微的小公會。
「好，咁一句講哂，你想我地點幫你地？」「 打敗哥淑近戰團，同埋帶我地離開呢度。報酬我可以比其中三幾把武器你地，有武士刀、長劍等等唔同種類。得唔得？呢啲武器出面有價無市架！」我就無所謂的，反正任務本身就要處理現在有額外收穫，何樂而不為？唯一希望哥淑一團人別要太強好了，雖說這公會已不復當年勇，但實力比我強的大有人在。我望一望艾蜜莉，她也點了點頭。「成交。」
「咁你係度簡把啱用既武器先啦！」「你唔驚我拎完就走咩？」「我信你唔係啲咁既人。」「我地識咗十分鐘咋喎，你連我叫咩都未知......」「因為你個樣夠傻唔似壞人囉！」我也不知該笑還是該哭了，不過貝林似乎很信任我們，總不能令他們失望的。「記住啦，我叫Greendy，一定會帶你地離開。」