[真人真事][校園][純愛]《婚宴上的重遇》: 第六十一章

考完試一身鬆晒
就放復活節假
嗰復活節假期間,
其實係發生左啲事
話說有一晚,
好似係十點幾
我嗰陣自己無聊
喺屋企用緊電腦,
唔記得左係睇緊波
定係上緊網




本身個人都有少少攰
諗住一睇完波或者一上完網就瞓覺,
突然之間我個手機響起
一見到來電顯示,
原來係若凝
佢好少咁夜會打比我,
十點幾喎大佬
上一次佢送對鞋俾我嗰陣都係冇咁夜
同埋之前同佢講過,
佢本身都唔係好鍾意打電話俾人




結合種種跡象,
直覺話俾我聽有啲事
咁之後我就聽電話啦
我:「喂 」
跟住我聽唔到佢講野嘅聲
咁我再繼續喺度講:「喂 」
跟住終於聽到若凝把聲喇
若凝:「喂.」
一聽把聲,
好陌生




好”萌”,有啲似病左咁
同埋好似鼻塞咁樣,
我估佢係喊緊
咁梗係好緊張啦
我:「做咩呀 」
若凝:「唔知呀我好亂.」
跟住佢仲有講野嘅,
但我已經聽唔到佢講乜野
我:「慢慢講先
聽唔到你講咩呀.」
若凝:「可唔可以嚟陪我.」
唔通我話唔得咩
因為嗰陣我真係唔知咩事
我未見過佢喊,
聽過佢咁嘅聲,




成個人都好茫然
我:「好好好
你依家喺邊 」
若凝:「xx醫院呀.」
我:「依家即刻嚟 」
跟住我同呀媽同埋老豆講:「出去陪一陪個朋友 」
咁樣就走左,
嗰陣我直情係跑出去
因為唔知佢發生咩事
連帶我都緊張
落到樓即刻搭的士,
唔等巴士喇
等得嚟都嘥氣.

去到醫院




我依家先醒起,
若凝頭先冇講佢詳細位置
咁我唯有打俾佢啦
我:「我到左喇你喺邊度 」
若凝:「三樓.」
我:「好依家上嚟 」
上到去三樓,
已經見到若凝坐左喺門口
隔離仲有個男人企左喺度
我估個應該係佢老豆,
咁我行到去就同佢打招呼先
佢老豆都同我點一點頭
就咁望落去個樣都幾友善
唔係擺喺個款嗰類
跟住我就坐喺若凝隔離,




佢一感覺到有人坐佢隔離,
就即刻抬起頭望住我
一見到佢個樣成個人呆晒
完全係喊到眼腫
成塊面都好紅
唔係講笑真係有淚痕,
我嗰陣大約估到咩事
應該係佢屋企人有事啦
其實正常人都估到
若凝:「我...佢地走左所以先...你,
唔好意思阻到你.」
佢講咁多野,
我淨係聽到最後嗰句
我:「慢慢講
唔急.」




若凝:「媽咪啱啱入左院
佢無啦啦暈左,
我好驚呀 」
原來發生左咁嘅事
我:「唔使驚
冇野嘅.」
其實我真係唔識安慰人
若凝:「我咪同你講過有一個好姊妹嘅,
佢唔喺香港
其他兩個女仔frd一個病左,
另一個人又去左旅行
我唔知搵邊個呀
我真係好驚呀 」
我:「唔緊要
本身我都冇野做 」
原本我其實有啲眼瞓
不過自從佢個電話打左嚟之後,
成個人即刻醒晒
之後佢老豆講野,
若凝老豆:「若凝你都攰喇
聽日先嚟探媽咪啦,
你依家返去先啦
你媽咪冇事嘅 」
若凝:「daddy咁你呢 」
若凝老豆:「我今晚應該唔走喇
你叫你朋友陪你返屋企先
聽朝再拎啲野過嚟咪得
你都想你媽咪醒返嗰陣,
係見到你精神嗰個樣,
如果唔係佢又鬧我點解唔叫你返去瞓先 」
若凝:「咁好啦
我聽朝再嚟,
daddy如果你係攰嘅話你打俾我啦 」
若凝老豆:「傻女你估你daddy我流架咁易攰
好好地返去瞓一覺,
聽朝就會冇事架喇 」
若凝:「拜拜daddy 」
我:「拜拜叔叔 」
若凝老豆:「你地小心啲呀 」