[真人真事][校園][純愛]《婚宴上的重遇》: 第四十四章

睇左呢個故一段時間
我諗大家都知我會點樣答啦
就算唔係完全估啱,
但係個方向都應該冇錯架喇
的而且確,
嗰陣嘅我,
對住若凝,
又點會咁坦白丫
或者咁講,
其實我好少呃佢




平時其他人問我野,
十句有十一句都係吹水
但係對住若凝,
我真係好少講大話
當然佢未必知啦
唯獨係講到一啲關於若凝嘅問題,
我總係唔可以坦率
就好似今次咁樣,
我記得嗰陣,
其實自己就好緊張




亦都好淆底
緊張嘅係,
自己鍾意嘅人問我鍾意邊個
唔係話我自己幫自己
小毒毒對於呢啲野緊張都正常丫
淆底嘅係,
我好驚若凝會知道
其實我係鍾意佢,
所以我更加要努力咁樣扮野
我:「冇呀




冇乜鍾意人 」
若凝:「點會呀
中學生點會鍾意嘅人 」
我:「真係冇呀 」
若凝:「唔係好信喎
最多我唔同人講喇 」
我:「真係冇呢
我成班frd都知
唔信你問呀成,丁仔,呀余佢地 」
若凝:「莫非你係 」
我:「我知你想講乜
放心,
我性取向係正常 」
若凝:「我都冇話你乜野
唔使咁敏感喎 」




我:「又想乘乘機機屈我係基佬
咁你鍾意邊個啫
頭先你話可能唔係你個ex,
咁即係邊個 」
若凝:「唔知喎
同你一樣冇鍾意嘅人 」
我:「唔信 」
若凝:「我都唔信 」
我:「真係呀 」
若凝:「咁大個以嚟一次都冇試過鐘意人 」
我:「以前試過嘅
不過我諗嗰啲唔係叫鍾意,
最多都係有好感 」
若凝:「幾時嘅事 」
我:「中二嗰陣鍾意左一個同班女仔,




之後分開左唔同班就已經冇野啦 」
若凝:「之後仲有冇試過鍾意第二個 」
有呀,
咪你囉
當然我講唔出口
所以最後都話:「冇.」
若凝:「聽住先 」
我:「到你喇唔好側側膊唔出聲 」
若凝:「咩呀 」
我:「依家鍾意邊個呀 」
若凝:「唔講你知 」
我:「咁賴皮架
我講左你又唔講 」
若凝:「你都冇講依家嗰個 」
我:「都話依家冇




咁鬼固執 」
若凝:「咁我都冇呀 」
我:「唔講就算 」
仲諗住可以探下口風若凝鍾意邊個,
結果都係唔得.

之後我地落左車
我:「依家咁夜,
送你返去啦 」
其實我係有私心,
除左咁夜一個女仔返屋企好似唔係咁好之外
我仲好想同若凝一齊搭入十二月廿五號嘅凌晨
因為依家都成十一點幾,
就快十二點
佢想唔想同我過就唔知,




但我就真係好想
一個毒男就係著重呢啲無謂野
愈無謂就會愈珍而重之,
若凝:「好呀
不過你好似有野未做喎 」
我:「做乜 」
若凝之後喺佢個袋拎個聖誕帽出嚟,
若凝:「一齊戴住佢啦 」
我:「唉
麻鬼煩,
戴喇戴喇 」
其實我就好開心
暗中歡喜
簡稱暗爽
若凝:「話左你口硬心軟啦 」
我:「俾面你咋 」
若凝:「多謝傻仔 」
唔知幾時開始佢好鍾意咁樣叫我,
不過我就冇乜所謂
行到去佢屋企門口,
我:「拜拜喇 」
若凝:「拜拜
係喇依家過左12點未 」
我心諗梗係一早過左啦
我地行得咁慢
之後我扮望個錶,
我:「十二點半喇喎 」
若凝:「聖誕快樂呀 」
我:「聖誕快樂 」
若凝:「今晚真係多謝你呀
真係拜拜喇 」
我:「拜拜 」
之後我都返左屋企