《病港》: 159

站起來的我，一拐一喘地走到三腦的面前。


「沙‧‧‧咔‧‧‧‧‧‧啊‧‧‧嗄‧‧‧‧‧‧嘎嘎‧‧‧‧‧‧啊‧‧‧嗄‧‧‧」它還在作最後的掙扎，說：「人類‧‧‧只‧‧‧啊，一日‧‧‧有佢哋‧‧‧‧‧‧兩個‧‧‧就無‧‧‧辦法‧‧‧‧‧‧」


這次，我把自己餘下的所有手術刀全部取出，並十指緊扣著，逐一擲入向奄奄待斃的三腦。


「嗖──！嗖嗖嗖嗖嗖！！！！！嗖──嗖嗖！！嗖！」






數十把手術刀，全數刺入到三腦的腦袋中，讓它一動不動了。


「南‧‧‧北‧‧‧‧‧‧兄‧‧‧弟‧‧‧‧‧‧嗄‧‧‧嘎」三腦斷氣。


我望望周圍的火海，跟快要出現升起的黎明格外合襯，我拐著的徒步離開。






要是我突然摔倒在地上死去，我也不足為奇。


從火海走出來的我，無法說出任何的話和作出緊密的思考。


我第一件事，只是想回到自己如今的「家」。






「嘎‧‧‧嗄！！啦嗥嗥嗥‧‧‧‧‧‧」一離開倖存區，就已經有兩隻舌女恭候著我。


我把心一橫，躺在地上，望住天上璀璨的夜空。


今晚，也是滿天星。


但我，已經無任何力氣去郁動。


在我準備要任由舌女撕裂虐殺的時候，不約而同地傳來了腳步聲，視線模糊的我只能看見，他用著人類走路的姿勢到來，身邊的舌女對卻是毫不理會。






忽然，那個不明的男人往兩名舌女身上一摸，它們就觸了電般抽搐至死，整個過程不到十秒鐘‧‧‧‧‧‧


最後，他就在我面前離去。


我的畫面，亦漸漸地黑起來。


之後，我這幾天在艾寶琳倖存區的畫面都一一出現了，每一幕都再次浮現到我腦海裡，特別是阿禮。


我頭一次，夢到會有感覺的夢。






我緩緩地張開眼皮後，已經發現自己身在熟識的病房中。


是真的嗎？


我回到，靈實醫院了。


望望左右兩邊的病床，只見睡著了一個人──黑袍的鳥嘴。


「‧‧‧」我按一按額頭，發現自己身上有被人包紮過的痕跡。






「師傅，你醒啦？！」娃娃開了門，進來。


「依到係‧‧‧‧‧‧」我喉嚨好沙啞，是睡太久的關係嗎。


「你屋企囉，你訓咗都成兩日啦。」娃娃跟我訴說：「不過老師仲勁，佢沉睡咗接近一星期多啲啦。」


「點解我會喺到‧‧‧」我回想自己在倖存區中，最後一幕的畫面：「我應該係‧‧‧‧‧‧死咗。」


「你冇死啊，阿哥佢去救咗你。」娃娃答。






「公仔‧‧‧？」


「佢出去狩獵搵食物個陣，見到有好多倖存者下山行緊，佢問咩事，啲人就答上面著火，之後阿哥又上咗去睇，結果就發現你訓低咗喺個出入口到。」娃娃如實地說：「你有少少燒傷同刀傷啊，我已經幫你包紮好，你應該要一段時間先復原以前嘅身手啦～話時話，點解師傅你會出現喺個條偏僻嘅村到嘅？」


「係‧‧‧」我沉思了幾秒，轉問：「點解‧‧‧‧‧‧得番你老師一個訓喺到。」


「因為其餘三個都醒咗。」娃娃答。


「醒咗‧‧‧？」


「第一個全身著白色衫嗰個男人呢，你走嘅第一日就有隻狗嚟咗‧‧‧喺我哋醫院出面不斷吠，我咪開窗睇下咩事，結果一聽到啲吠聲佢就醒咗。」娃娃指住玻璃窗外的走廊，跟著狗兒玩耍的白衣男子，說：「佢叫犬京。」


之後，我望向走廊外那個不修邊幅、抽煙抽得入型入格的男人。


「佢叫王達尼，你走咗嘅第三日，我就好奇拎起佢啲寶石嚟睇！仲同阿哥討論咗一陣啲寶石係真嘢定A貨，如果賣出去會值幾多錢左右‧‧‧‧‧‧」戴住冷毛的娃娃搖搖頭：「我哋一講到「賣出去」呢隻字，佢就即刻彈起身喎！嚇到我哋呢‧‧‧‧‧‧」


「原來係錢‧‧‧」我點頭。


我望住走廊外，跟大BOSS聊著天的男人：「仲有一個‧‧‧？」


「佢叫奎斯！佢份人最好最熱心嫁，得閒會幫阿哥同大BOSS手。」娃娃拿起一本不明的書本，說：「好似第四日？我同阿哥無聊拎起老師本記載住病者嘅書嚟睇，同阿哥讀下、討論下老師喺書入面講嘅病者，一講到一隻老師未命名‧‧‧‧‧‧但能力好似係吸吮同硬化，仲可以控制蠹魚寄宿喺人類到加以控制同二重變身嘅超級病者之後，佢就醒咗起身，後尾我同阿哥先知原來奎斯好鐘意研究啲稀有又珍貴嘅特別病者，不過老師仲未醒番‧‧‧‧‧‧冇乜機會問到咁勁嘅病者係咩嚟，師傅‧‧‧乜有呢隻病者嫁咩？」


「大概‧‧‧只係佢寫出嚟講下笑‧‧‧？」我說。


要是有這種級數的病者存在，世界早就毀滅了。


「又係嘅‧‧‧‧‧‧邊會有可能。」娃娃點頭認同。


「咁即係，得番佢一個未醒。」我望住鳥嘴。


「係‧‧‧都唔知有咩方法可以令到老師佢醒，都唔知佢會有咩開心事。」娃娃走到鳥嘴面前。


「咳，我個袋嗰樣裝置‧‧‧‧‧‧」我問。


「喺到！」娃娃拿來腦波測量器，雙手捧給我。


「唔該。」我拿起後，便帶到去大BOSS那裡。


我一出病房，那三個外人隨即往我瞧來。


「唔該你。」養狗的白衣男子對我說。


那個抽煙的男人，則拿了根煙給我：「Thanks喎！啱啱醒啊？整枝提提神先‧‧‧‧‧‧唔計你錢。」


「你就係滿天先生？」那個叫奎斯的男人則衷心地躬身對我致謝：「多謝你，多謝你救咗我哋。」


可是我無視了他們，直接從他們身邊掠過了，因為我有更重要的事要辦。


「大BOSS‧‧‧腦波測量器。」一進研究室，就見它還是在做著研究。


「滿‧‧‧天‧‧‧‧‧‧冇‧‧‧事？」它接過儀器後，問。


「冇事‧‧‧‧‧‧你快啲測量下男病童嗰腦。」我說。