《病港》: 154

「好簡單啊，爬窗入去、開鎖、然後游繩走，完。」小老鼠說：「基本上爆竊都係呢幾個動作。」


「我唔係做特務‧‧‧‧‧‧」我再問一次：「要去到咁高難度？」


「你挑戰嘅係瓦安啊～我只係你嘅小小顧問，俾啲提意你，冇話過我要幫你入佢啊。」小老鼠重申後，問：「你知佢住邊？」


「唔清楚。」






「二期最上嗰幾層都係佢，聽講全部牆打通哂，好鬼大間屋。」


「遲啲再搵你。」跟我想像中有出入，還以為會是她幫助我潛入去偷竊，但竟然是叫我自己一個去做飛天遁地的動作。


我要再重新考慮一下。






因此，我離開了「詭區」走到街上，抬頭凝望新都城二期中心最高的幾層樓，如此爬窗過程中風稍為一大，真的會摔個稀巴爛。



我看還是放棄吧，


我可不是那種會勇往直前的主角。

勉強地逞英雄，下場會比狗熊更難看。


「滿天‧‧‧！」左耳忽然出現阿禮的聲音。


我把轉過去左面，她已經趣怪地走到我右面，笑笑地說：「我喺右面啊。」


「應該話你調皮定係讚你可愛？」我問。


「呃‧‧‧冇所謂，都差唔多。」阿禮瞇眼一笑：「你做咩望住我屋企。」






「冇。」


我會沒想到，


瓦安的女兒，正是阿禮吧。


或者我可以‧‧‧‧‧‧


「你喺到做緊咩啊？」阿禮問。






「睇樓，你呢？」


「買煎餅，上次你請我食之後，我一直忘記唔到呀。」


「呢啲平民小食你都睇得上眼。」


「話說～」阿禮好像有什麼要跟我說，神神秘秘的：「兩日之後，係年宵喎，有冇約女仔啊。」


「有。」






「吓‧‧‧有？！」


「講笑，」我抱住雙手，冷笑一聲：「你唔洗咁大反應。」


「哼～你好似幾慘喎，準備自己一個過？」


「冇所謂，冇分別。」我答。


「咁‧‧‧我蝕章啲，」阿禮望住我，說：「我陪你過。」






「呢個，係所謂嘅約會？」我說。


「係啊‧‧‧！要女仔主動出聲真係好不知所謂嫁！仲要我特登今日喺條街來回幾十次，想睇下會唔會遇到你！」阿禮嘆氣一聲，說：「冇手機用嘅年代真係好痴線‧‧‧‧‧‧」


「真係用心良苦，不過我覺得正正係因為咁，」我說出自己所想：「人類先會學識珍惜喺一齊嘅時間。」


「你講啲嘢都仲係咁老土啊，口花幽默啲啊嘛，哈哈哈哈。」阿禮忽然笑起上來。


「口花？」我不懂。


一說那種話，我會打冷顫之餘，更會雞皮疙瘩。


「不過呢～就正正因為咁，你先係滿天，獨一無二嘅滿天。」阿禮重新整頓地望著我，說：「後日年宵見啦。」


我還未問清楚，阿禮就急腳地離去。


也許，有些事情一旦問清了、看清了，那原本身處於模糊之中的浪漫，就會馬上消失。


後天的年宵嗎？沒想到身在亂世，這地方還有興致弄這些。


不過‧‧‧


算了，就算遇不到阿禮，我原本都打算去找阿禮出來。


因為她和瓦安是最親密的人。


回到病房後，我向賴桑略略回報了今天的事情。


「估唔到‧‧‧小老鼠一啲都幫唔上手。」賴桑無奈地搖頭。


「都叫幫到，佢提議我爬窗游繩，只係我接受唔到，寧願用第二種方法。」


「啱嘅，做人都要識變通～」賴桑點頭同意：「跟住個框框做，就只會以為自己只可以做到框框內嘅嘢，但其實自己都可以做到框框外嘅嘢，只要擺脫咗呢個框框嘅框架。」


「框框。」白魂突然毫無意義地說。


賴桑有點不耐煩地吟道：「白魂‧‧‧可唔可唔好再講「框框」呢兩隻字。」


「你啱啱先係咁講喎桑兄‧‧‧‧‧‧」白魂這是反駁？


「我講係有意思，你講出嚟完全係無意義啊！」


「對唔住囉，桑兄！」


「唉～」賴桑有點無奈地按按額眉：「算，我唔應動氣，對你。」


「哈哈哈哈哈，你知就好。」


「我走先，唔阻住你兩個。」我說。


「有下一步行動記住通知我。」賴桑提醒。


「哈哈哈～你又會咁好死幫桑兄做事嘅，雖然係關乎住艾寶琳倖存區嘅命運，不過你呢種我都只係見過一個！瞞天兄台。」白魂恭敬又豪氣地說：「佩服！」


「或者，係我唯一補償嘅機會。」我淡然地離開。


賴桑沒好氣地說：「大佬，人哋係叫滿天，唔係瞞天。」


「咩‧‧‧咩話‧‧‧‧‧‧？」白魂有點手顫，問：「你再講一次？佢叫咩名‧‧‧」


「滿天囉。」賴桑再答。


「滿‧‧‧天‧‧‧」白魂輕鬆而久的神情，剎時變得緊繃：「呢個人係‧‧‧同我一樣以前係不良人‧‧‧嘅嗰個‧‧‧‧‧‧」


「不‧‧‧良人？」


白魂留下了深愣地目光，盯住了房門那邊。


那恐怖的過去，彷彿即將要被揭穿。


在擁擠的城市中，某個小巷或是角落都會有住它的秘密，每個人也不例外。


有些早已遺忘、有些早已放下，但都總有些，會殘存在腦中。也許，這是「病者平權組織」出現在醫院附近，我都不敢主動去迎擊的原因。


每次抬頭望著那層灰得似塵的雲，都彷彿把往事擠壓於當中。


如阿禮所言，接近年宵了，這一、兩天區內的人都勿勿地佈置起來。從簡單掛滿在商鋪形成一條直線的紅燈籠，至到各式各樣的賀年攤位都紛紛出現。


我有點好奇，新年好像早就過了吧？


但阿禮跟我說，這是艾氏皇室制定的慶年日子。


由現在七天起，均會舉行這年度慶典。


原本灰沉沉的街道，改變換面後就變得紅通通的，熱鬧非常。


平日不愛外出的人，都走在街上逛逛。


受阿禮邀約的我，也不例外。


有人說，大時大節最重要的，是有人陪伴。


沒身邊的人，那節日再熱鬧，都沒有渡過的意義。


因為節日，就是由人而生。


「滿天啊，」萬人空巷的街上，阿禮正與我結伴同行：「有時我喺到諗‧‧‧我身處呢個時代到底係好定係壞。」


「點解咁講？」我望住前方綿綿不絕的人流。


「因為，如果世界安然無恙‧‧‧或者，就唔會咁多生離死別。」阿禮又望向我，笑容彎如月亮：「但如果世界冇變成咁，我就唔會遇到你。」


「你以前嘅生活係點，同依家都一樣都係受人愛戴？」我問阿禮。


「因為我臉蛋生得好少少‧‧‧‧‧‧所以就注定咗人生嘅路上唔會咁辛苦。」阿禮一邊望著前路，一邊說：「但係我知道，有一班人係默默守護緊呢一切，但係佢哋‧‧‧就永遠會俾我哋呢啲只係稍為靚少少嘅人活得辛苦。滿天你呢？你以前係點。」


「以前？有杯溶咖啡同一份有數獨嘅報紙，我就可以喺屋企過一日。」我答。


「不過‧‧‧你應該好耐冇再悠閒咁飲住咖啡玩數獨？」阿禮猜。


「當然。」雙手套在袍袋的我，淡默一笑。


因為已經有個可愛的傢伙，每天會陪我進行繁複而有趣的研究。


轉眼間，我和阿禮已經步入到年宵攤位中，各處都紅噹噹的，讓人感受到濃烈的節日氣氛，忘記處身於的世界。


有些年長些的老人，他們會聯群結黨地霸佔大舞台，然後一邊用中式樂器演奏著音樂，一邊唱著年代久遠的歌曲。


換轉以前，肯定一堆年青人上前阻止了，現在卻反添一份親切感。


很奇妙。


「都幾大‧‧‧」艾寶琳倖存區所屬的範圍，比我想像中要大。


「今日就係你同我第一次約會啦。」阿禮對住我說。


我冷笑一聲：「但係唔洗旨望我會送到啲乜貴重嘢俾你。」


「行啦，要你送嘢就唔會同你出街。」


之後，阿禮熟識地帶我遊走各個有趣得意的攤位，她告訴我，因為前年都來逛了一次。


她帶著我這個外地人，到處留下一點的痕跡。由簡單的拋波遊戲、比腕力到二人三足，每一樣都逐漸讓我掀開心扉去玩，差點把重要事情都忘記得一乾二淨。


我們除了玩簡單無比，卻樂趣無窮的小遊戲之餘，還挽著手（阿禮主動）周圍逛了好一陣子，看到不少對她來說，刺激非常的畫面。



「各位觀眾‧‧‧‧‧‧準備好未！！！」前方握住長鐵鎚的男人大喊。

「準備好～！！！！！」圍在一旁觀看的路人們回應。



「喂‧‧‧滿天，個男人會唔會有事架？」阿禮有點慌張的，望住眼前的畫面。


眼前，正表演著心口碎大石。


「佢做得俾你睇，當然係有十足嘅信心。」我答。


「好！咁我開始喇！」握住長鐵鎚的男人數也不數，就直接往大石敲去！


=x-large「呯！」　



「嗚‧‧‧！！啊呀──！」躺托住大石的男人，受到衝擊般吐出一大口血。


「唔好睇。」我馬上掩住阿禮雙眼。


「哇‧‧‧呀嘩嘩嘩嘩‧‧‧‧‧‧」觀眾們都訝異非常。


「佢‧‧‧佢吐血啊？」已經及時合上眼睛的阿禮，問。

「唔‧‧‧大概，」我把阿禮帶走離開這個表演區：「我諗只係唔小心咬親條俐。」


可是，阿禮還未看個過癮，很快地又拉住我去第二個表演區──走火路。


「今日我要表演嘅係走火路，望各位放低幾個臭錢支持支持。」表演者恭敬地說。


然後，他就赤腳走到燒得正熱的石路上，神情亦十分緊湊，如同觀眾一般。看起來十分成功，但在最後一步時踩中了一塊比較尖的石頭，隨即失神地大叫出聲，整個屁股坐到火路上，燙得他馬上滾地轉出火路外。


可是褲子卻有著一丁點的燃跡，那群工作人員看見就立即往他褲上狂踢，下陰也一同受到牽連，慘痛非常。


「哇呀呀呀呀啊啊啊啊！！！！！！！！！」



「睇嚟冇一檔成功‧‧‧‧‧‧」是我太看得起他們了。


「喂‧‧‧前面嗰檔，好似有個和尚表演電鑽‧‧‧鑽太陽穴啊！」阿禮十分感興趣地拍著我的臂。


「我唔建議。」


「個邊兩位情侶！」忽然，路上一名男子叫住我們。


我和阿禮一同愣然地望過去，隨即迎來的是一片白光‧‧‧‧‧‧


「咔嚓──」相機拍照的聲音。


那男人滿意地笑道：「哈哈‧‧‧捕捉到你哋最呆最傻最天然嘅一面啦！」


什麼？是攝影師？


「唔好意思啊，我係一位攝影師叫做雨川，因為年宵囉！所以我想拍啲充滿正能量、充滿愛嘅嘢！」那名攝影師自我介紹著。


「雨川？但係你未問我哋同意，雖然我好樂意。」阿禮無奈地說。


「如果你哋想，我會俾返張相你哋嫁，因為你哋係我喺呢一區咁耐，見過最靚最型嘅一對Couple！！！」雨川舉起相機，有點激動地說：「希望我估錯，你哋只係一對兄妹啦，哈哈。」


「我哋係友達至上，」阿禮斜斜地舉出一隻手。


「咳，戀人未滿。」我也斜斜地舉出一隻手。


我們一左一右的，擺出了交叉手勢。


我居然會配合到阿禮，看來心有靈犀這回事不一定是個笑話啊。


「啊呀呀呀呀～～～！」攝影師雨川猶如受到莫大衝擊般，叫喊起來：「你哋呢個Cross簡直係愛心死光啊！！」


「雨川先生，睇得出你係個啲對攝影有住一份熱誠嘅人，我就俾個忠告你‧‧‧‧‧‧」阿禮嘆了口氣，一副說教的樣子：「靚嘅嘢呢，你點影都係靚架啦～但如果平凡、唔起眼嘅嘢，你都影到出神入化啦喎，呢啲先叫勁啊嘛。」


雨川搖搖頭，苦笑：「哈～以前我唔影人嫁，點都好啦，呢張相送俾你哋留念。」他把我和阿禮一起的合照，即時送了給我們。


「係拍立得相機‧‧‧？」阿禮問。


「係啊，啲膠片我都就快用完，見少賣少。」雨川哈哈地大笑：「所以呢張相係好珍貴，請兩位好好珍惜！」


「‧‧‧」我收下照片，握在手中看。


「下次再見！」


「都好嘅，呢個時代要影相之後曬出嚟‧‧‧係好貴。」阿禮望住照片，說。



「又香又甜嘅大蘋果啊～！埋嚟啦，有機會贏到好珍貴嘅水果嫁！」不遠處的攤位，又傳來了聲音，往熱鬧處聚去的人似乎都去那兒了。


「‧‧‧去囉！」一波未平，一波又起，阿禮又拉住我過去了。


水果，在這個時代是不可多得的珍貴產物。


因為快速腐化和耕田需時的關係，使它變成了上等的珍寶食品。無論在大本營亦或不良人，我都沒有見過太多人能吃到這些珍果。


「係蘋果‧‧‧」阿禮踮起雙腳去望。


「呢個蘋果係我哋商團，喺好遠嘅地方發現到嘅，當時仲掛喺個樹到，香甜又誘人咁引人將佢捉落嚟大口大口咬！」主持人說得極是生動：「就好似阿當同夏娃呢兩條仆‧‧‧‧‧‧不過！我哋精明嘅商團成員當然冇即刻將佢摘落嚟食，我哋決定要將佢價值擴得更大！就係今晚。」


「講重點喇！！粉腸！！！」、「要點啊，我想食咗佢呀！」、「蘋果啊～唉，我好耐冇食過啦‧‧‧」、「流口水添‧‧‧‧‧‧」


觀察議論紛紛，小小一個蘋果帶來了如此威力。


如果我那塊南瓜貝果還在‧‧‧‧‧‧


對了，我忘記交代它的下落。


最終，我沒有把它吃掉，在之前貴華帶我去皇室區的那次就把它賣掉了，因為更值錢，我需要點艾幣才能在這個倖存區過夜、買吃的。


而因為用上了南瓜這種材料，因此賣了個好價錢，夠我在此區暫時活動一、兩星期。


「邊個夠膽表演刀仔擲蘋果，擲中蘋果就歸佢嘅！」主持說。


「喔～好易姐！」一名年輕的觀眾大喊。


「前題係！」主持人還未說完：「要搵一名拍擋，願意做你嘅箭靶，即係到時個蘋果要放落你拍擋嘅頭頂上，用刀擲中先會贏‧‧‧‧‧‧但係有咩人命傷亡啦喎，呵呵～都唔關我哋事嫁。」


說畢，觀眾皆是嘩然。


「同埋‧‧‧！每次參加都要交五十艾幣，所以輸咗就折了婦人又損兵，贏咗就得個蘋果！揀喇！嘻哈哈哈哈～唔急唔急。」主持人快樂地大笑。


在主持人把規則盡說後，一個參加的人都沒有，只有無盡的討論聲。


不久後，有一堆青年兄弟自告奮勇地挑戰，可是落得破頭流血的收場，更差一點眼睛就要被刺瞎了。


「試下去挑戰，阿禮。」我說。


「痴線咩。」阿禮的笑容看上去也像顆蘋果。


我低聲說：「信我。」並暗暗推了她的背一把。


「‧‧‧你要挑戰？」她愣然地回頭。


「唔係挑戰，」我從主持人手上，接過那把刀子：「根本‧‧‧‧‧‧就好似翻下手掌咁，只係一個好簡單嘅動作。」


「吓‧‧‧‧‧‧！？」完全意料不到的阿禮，頭頂上被人莫名地放了個蘋果：「滿天！？」


「禮，合埋眼。」我把刀子拋一拋，感覺一下重量：「只係要一秒，信我。」


「但係‧‧‧‧‧‧」阿禮死也不肯合眼，生怕合了就再沒機會張開。


「個天有隻豬喺到飛‧‧‧？」我抬一抬頭望天。


「吓？」傻傻的阿禮，真的跟著去看。



我瞬間目光一銳，把刀子飛快地擲出！



「嗖──！」的一聲，終止了遊戲。


阿禮被眼前刀子快速掠過的影子所怔住：「完‧‧‧完咗？」


我上前，把插住刀子的蘋果收下：「對唔住，咁快結束咗你嘅遊戲。」我對著主持人說。



這種立心不良，要擲刀向友人的遊戲，還是早早結束好了。