《病港》: 125

‧‧‧


「不良人‧‧‧」少佐望住死去的不破尚，心情百感交集。


「冇時間‧‧‧悼念‧‧‧‧‧‧」我帶住少佐，走往不良人那輛衝鋒車：「去追佢。」


上到衝鋒車後，我們在車屜中找到了鎖匙啟動引擎，少佐便開始駕駛衝鋒車追住前方的貨車，只見貨櫃後的Dr.D心神一意地閉上眼，似乎全神貫注地控制著那駕駛中的蠹魚人。






「你諗住點做‧‧‧‧‧‧」少佐問我。


「貨車底下一般都會有個大油缸‧‧‧左輪嘅威力比一般手槍要大，貫穿性高‧‧‧」我握住左輪手槍，把上半身探出車窗外，說：「移動到佢右側‧‧‧‧‧‧」


少佐見我這般說，便踩盡油門上前很快便在將軍澳運動場外的寶康路上，追到了速度較慢的貨車。






我用左輪瞄準住貨車底下的油缸‧‧‧‧‧‧


=xx-large「呯！」


子彈準確地貫穿了貨車底下外露的油缸，從而引發了強烈的爆炸‧‧‧‧‧‧






可是，我們的衝鋒車卻一同受到不明的衝力牽連，被強大的衝力弄得翻車跌倒。


貨車被炸得體無完膚，油火充斥住周邊的一切。


我和少佐從翻側的衝鋒車爬出來，等待出現在我們眼前的‧‧‧‧‧‧是那隻超大型病者的模樣。


或許是，Dr.D的最終形態。


有六、七米左右的高，全身被血液包裡充塞而形成的臃腫身體，毫不掩蓋地出現在我們面前。






如同破曉前夕的黑暗，將世界的一切都造成混沌‧‧‧‧‧‧


=x-large「吼吼吼吼吼吼吼吼吼吼吼──！！！！！！！！！！」Dr.D的咆哮響徹整個將軍澳區，我和少佐的腳也快要站不住地。


「最後一戰‧‧‧‧‧‧」我抬起頭，說。


「係‧‧‧。」少佐亦銳利地盯住眼前的巨物。


「佢交付俾你嘅希望‧‧‧仲喺手？」我望住少佐。

少佐把不破尚交給他的手榴彈取出。

「擲入佢個口，得一次機會‧‧‧」我說出最後的計劃：「我會引誘佢打開個口。」


上一次，也是透過這個方法把巨型狀態下的Dr.D擊敗。


「你信得過我？」少佐問。


「係你嘅話‧‧‧‧‧‧」我跑上前，引導Dr.D把我捉住：「就肯定得。」


「‧‧‧」






不出其然，Dr.D率先把跑上前頭的我捉緊，再張大血盤大口。


「機會‧‧‧」我被捏舉到半空之上：「少佐‧‧‧‧‧‧！！！」


握住手榴彈的少佐做好一個投球的姿勢，酷如棒球手般做出那標準的投球，拉開安全扣向Dr.D投擲出曲旋的手榴彈！


手榴彈被精準地投擲入Dr.D的口中，幾秒之後其體內就血濺破腸，極其巨量的血液飛濺到周圍，我亦從他的魔掌中得以解脫‧‧‧‧‧‧







「嗄‧‧‧」完了吧。


全身沾上血液的我們，終於得以喘一口氣‧‧‧


同時，



天已破曉。



我們一個恍站、一個怔坐的望住那早上的曙光，不久之後才回復心神。


「已經結束‧‧‧？」少佐望往被炸開的Dr.D。


「未‧‧‧」我望住如同希望降臨的曙光，說：「人類同病者嘅戰爭，都仲未結束‧‧‧」


「‧‧‧人類真係有可能贏？」少佐反問我一句，說：「單單係一隻Dr.D，已經‧‧‧‧‧」


「總會有希望。」累到不行的我，站起身。


現場，沉默了一陣子。


「唔該‧‧‧」少佐望住我的背影，說。


「唔洗‧‧‧‧‧‧」我深一深呼吸，是很嘔的血液味：「你要殺咗我？我對你落個承諾。」


是時候，終結這一切。


「唔會，」少佐盯住我，叫出我的名字：「M。」


「‧‧‧」


「多謝你為大本營付出。」


天上的雲漸漸撥開，那夕陽的光芒漸漸照射到我們二人身上。


「你係幾時‧‧‧‧‧‧」


「係我接任咗老賢嘅位個陣‧‧‧‧‧‧我喺佢間房嘅櫃入面，搵到一封信。」少佐如實地說出一切：「上面寫住關於你嘅一切，包括你秘密為我哋做過嘅事，由個刻開始‧‧‧我已經知道你係M。」


我不禁一笑，脫下鳥嘴面具：「‧‧‧原來老賢，都有後著。」


「我知道你去不良人總有你嘅原因，所以冇刻意戳破你嘅身份。」少佐說下去：「你同老賢都一樣，總係有好多秘密喺身‧‧‧‧‧‧」


「‧‧‧」


「但係不良人同Dr.D都已經‧‧‧」少佐婉轉地說：「如果你要返嚟‧‧‧‧‧‧」


「唔好同任何人講我嘅存在‧‧‧‧‧‧」我決定了：「要維持平衡，總要有人遊走喺黑暗面。」


「咁樣對你並唔公平‧‧‧‧‧‧」少佐說。


「嗄‧‧‧唔公平，已經唔係第一日出現喺我身上。」我轉身面向少佐：「因為我唔係英雄，我只係個壞人。」


「‧‧‧」


「你哋大本營嘅動力源於對不良人嘅憤怒，因為老賢嘅死‧‧‧‧‧‧你哋總算有反省，所以你哋繼續將仇恨放喺我身上。」我終於能以真正的樣子，直視少佐：「‧‧‧我係咩人並唔重要，我最過啲咩先係最重要。」


不要令這份希望熄滅，繼續燃點起這仇恨之火‧‧‧‧‧‧成為你們的動力。



「‧‧‧‧‧‧」少佐把斜帽拉低，說：「我明白。」


我把面具再次戴上，從少佐身邊掠過：「大本營以後就交俾你。」


少佐聽畢合上了眼睛、點頭。


貫徹希望直到最後一刻，


希望世界能因自己所做的努力，而有一點點的改變。


在那之後，我帶住白魂和艾匡公主離開了。


白魂他說，自己為維了持刀姿勢一整晚，就是為了保護公主。


我亦將這一片死寂之地，交給少佐處理。


‧‧‧


翌日，大本營晚上廣場。


大家都聚集到廣場之中，因為少佐即將要回報前晚的戰況。情況有如以前老賢公開發話時，不同的是，現在大家都團結一致。


「世界上冇絕對嘅正義，用自己嘅正義去判斷他人嘅善惡係唔明知。」少佐橫視人山人海的廣場，對大眾發表講話：「任何事都一體兩面，有快樂就有痛苦、有光明就有黑暗，喺老賢離開個一刻我哋都好絕望，但同時我哋知道並唔可以咁樣落去‧‧‧‧‧‧所以不知不覺間形成希望。」


在醫療室中，左眼戴住黑色眼罩的大舊透過窗口望住講台上的少佐：「呢條友‧‧‧佢又突然講啲咁嘅嘢‧‧‧‧‧‧」


「大舊老師！」一伙學生進來醫療室探望他了。


「你班衰仔‧‧‧‧‧‧呢家先嚟探我‧‧‧！」大舊彷彿沒傷一樣，依舊地和學生閒聊。


「有人天生就唔係英雄，係黑暗中嘅反派，唔理佢做啲咩都依然會有人討厭佢。」少佐繼續說：「不過佢仍然選擇去保護個啲佢無法信任嘅一切，所以我哋更加唔可以放棄，唔好令到佢哋嘅犧牲白費。」