《病港》: ８３

瑜小六向我投以一個淺淡的笑容，彷彿對我印證著‧‧‧‧‧‧世上無難事。


只要有心，一切皆成。


「老師，」她鬆容地跨過欄杆，回到入面：「我得咗。」


「‧‧‧」我沉住不語一會，其他學生都等我發言般，目光都往我注視著：「但係距離我要求，仲差好遠，唔好沾沾自喜‧‧‧‧‧‧全部人，即刻拎起武器，繼續去練習。」






「係！！！」學生們的士氣，卻好像幾何級提升。


瑜小六經過這次試煉後，全部學生都幾乎視她為目標般，只要她專心地訓練，他們便一起專心地訓練。


或許，






學堂一直以來，就是少了她這麼一個的角色。


一個雖為同輩，卻有著特出勇氣與魅力的人。


又一個月的過去，大本營的防禦建設基本上已經完成，除了加設鐵板造的圍牆外，還有捲型鐵絲網等、牆尖等。






也把黑商王達尼收購回來的武器加以修補，再等待一個適當的時機派發。


我和老賢大概都已經預計了，動作那麼大，八樓上的人和間諜都清楚自己被我們發現了入侵的企圖，如果他們會因此停下入侵的計劃，那就很好。


如果不能‧‧‧


那就難免一戰。


「我諗不良人個邊，應該會暫時緩遲入侵嘅計劃‧‧‧‧‧‧」少佐與我在老賢的辦公室分析、推論著局勢發展：「始終我哋已經好大動作，對方無理由唔知。」






「未必，」我抱住手，背靠著牆說出自己見解：「我哋部署得耐，對方一定部署得更耐，叫佢哋暫時放低入侵計劃，不良人應該唔會心熄。」


「咁你認為係？」一直只是聽著我們二人討論的老賢，問。


「我覺得佢哋會將原本嘅入侵日期改變，至於係邊一日‧‧‧‧‧‧變早定變遲，就無人知曉。」


「要二十四小時戒備‧‧‧‧‧‧」少佐低聲自說。


「既然係咁，暗殺計劃就提早推行‧‧‧‧‧‧」老賢提議：「及早刪除不良人放置喺大本營嘅間諜。」






「間諜‧‧‧？」少佐對這個詞語十分之敏感，目光銳利起來：「邊到，邊個。」


「馬德梵，唔知你聽過未。」事到如今，跟少佐說也無妨：「得佢兩父婦被查出係不良人間諜，另外兩個仔女係佢哋用嚟掩飾做一般家庭嘅裝飾，完全唔知情。」


並且，


為公仔與娃娃撒下謊言保護。


「‧‧‧得。」少佐已經渾身散發著殺氣，令我和老賢都有點不自在的感覺。






「不過仲未搵到真係確實嘅證據‧‧‧」老賢一副憂心忡忡的神色：「我最驚，係殺錯良民。」


「嗯，都有咁嘅可能。」雖然機會不大。


「我將大本營半年一次嘅「營火會」，宣佈喺三日之後舉行，你哋兩個到時就行動吧，交俾你兩個決定‧‧‧‧‧‧始終，你哋先係真正落手嗰個。」老賢說。


於是乎，我和少佐步出房間後，都各自望向對方，想了個對策。


「要刺殺嘅不良人間諜，係一對父婦？」少佐再一次問。






「嗯。」我答。


「咁女嘅，就交俾你。」


「好‧‧‧」


少佐交代後，便徑自離開。


老賢亦一如他剛才所說，宣佈了三天之後舉行盛大的「營火會」，這使剛剛防禦工程才完結的一眾工坊勞工，又要忙碌多三日去準備晚會的事。


大本營的人開心地期待著，卻沒有一個知道‧‧‧其實這些活動背後，都暗藏住政治的殺機。


我把公仔和娃娃先叫了上來，告訴他們三天後要行動刺殺的事。他們沒有太大反應或表情，只是淡淡地點頭。


「你哋無任何嘢先講？」我站著，望住坐在沙發上沉默的二人。


「係‧‧‧」公仔回答，娃娃跟著點頭。


「你哋應該唔會太傷心？」


「唔會‧‧‧」公仔滯呆地答。


「咁就好，三日之後嘅營火會我哋大本營就會派人行動，隨時對你家人進行刺殺‧‧‧‧‧‧到時你哋如果驚，就去搵學堂嘅夏晴同阿玲，佢兩個好好人。」我說。


「明白‧‧‧」


「咁你哋屋企人有冇乜嘢嗜好，我諗要令佢哋去少人嘅地方，都有一定困難，要搵啲方法吸引佢哋。」


「‧‧‧媽咪，佢鐘意一啲手飾珠寶。」娃娃答。


「個日‧‧‧父親，佢應該會去董倫嘅私人會所‧‧‧佢成日去個到‧‧‧‧‧‧」公仔答。


「嗯‧‧‧」我心中，大概已經有個方案。

「娃娃，你個日可唔可以帶你養母嚟工坊四樓嘅珠寶室。」我說。到時候，工坊肯定沒有人，因為大家都在下面慶祝著。


「咁‧‧‧」公仔望住我。


「你放心，你養父有一個比我更厲害嘅人會去對付。」我拍住公仔膊頭。



在營火會當晚，喜慶聲四起，大本營的廣場插住一枝又一枝的火炬，以又紅又亮的火光照亮住水洩不通的人流，的確如王達尼，是個熱鬧的日子。


工坊只有三天準備的表演完全不差，跳舞的有板有樣、唱歌的五音齊全、彈結他的十分動聽，像王達尼自以為搞笑坐在室內跟大家說「篤棟笑」的也有（每位入場費為半塊餅乾或等價的物資）。


而我比較與別不同，只是準備了把刀在工坊四樓的珠寶室裡等候。照計來說，娃娃應該會在差不多的時候，帶她的養母過來。


珠寶室中算不上大，只有半個班課的面積，工作檯上只放住兩、三件鑑定珠寶和製作珠寶的工具，看來在大本營中珠寶行業不太受歡迎，


「娃娃～你帶媽咪睇乜嘢珠寶？」此時，馬德梵老婆的聲音在走廊外出現了。


一直掩藏在珠寶室之中的我，盡量把呼吸聲收得更細，靜候他們進內。


「喀」門被打開了。


「入面有好多珠寶‧‧‧」娃娃指住面積不大的珠寶室。


「就咁睇～都唔見得有啲咩喎，娃娃。」馬德梵老婆善意得讓人發寒的笑容面向娃娃，說：「你呃媽咪啊～？」


「唔‧‧‧唔係，入面真係有‧‧‧」娃娃緊張地指住裡頭。


「乖女‧‧‧你同你阿哥一樣～你估我哋唔知你兩個好想殺咗我哋！？」其養母的笑容由善意漸轉凌厲，說：「定係想喺入面同我一打一搏鬥～娃娃？好啊‧‧‧哈哈哈，媽咪都好耐冇虐待過你啦‧‧‧‧‧‧入嚟～！」


「唔‧‧‧」娃娃驚恐地搖頭。


「衰女‧‧‧！衰女！！如果唔係我哋兩公婆‧‧‧你同你阿哥一早已經死咗‧‧‧！有得好似依家咁食好著好住好！！？」娃娃的養母開始狂扯住她的灰髮，並凌笑道：「哈哈哈哈！！！俾我哋有時壓力太大發洩下都好應該呀娃娃！」


「唔好啊‧‧‧！」娃娃不斷試圖推開養母。


「哈哈哈哈哈！！！越靚越可愛‧‧‧就越係想破壞摧毀！！！娃娃！！娃娃！！！」養母已經摑了娃娃可愛的臉蛋數巴，簡直喪心病狂！


「‧‧‧啊呀！！」最後，娃娃用力地推了她養母入珠寶室之中。


「好‧‧‧好啊‧‧‧識反抗，更加好玩啊，哈哈哈‧‧‧」她養母準備站起時，娃娃已經立即把珠寶室的門關上，把她困在裡面。


而我，亦從室內暗角走出到娃娃養母背後，影子掩蓋住她的前方‧‧‧‧‧‧


使她驚異地回頭望住我了。


「老‧‧‧老師‧‧‧！？」她愕然地望住我，語氣和表情彷彿一瞬間回復正常：「你‧‧‧你喺到嘅‧‧‧？」


剛才的歇斯底里，一瞬間在她臉上消失了。


「嗯，奉命行事。」我提起前端為尖刺粗針的雨傘。


「‧‧‧‧‧‧」她一點一點地後退到門前。


「準備好受死未？」我俯視住她，說：「變態女人。」


「哈‧‧‧講‧‧‧講咩啊？」她還裝作一副無知。


「嗯。」我猛力地往她肚皮位置一刺！



「嘶」輕微撕裂的聲音。


「啊‧‧‧」她的養母被我刺中了肚皮，並瞪大住雙眼凝望著我。


「頭先，我已經見到哂。」我說。


「‧‧‧」她依然瞪大住眼睛望我，問：「咁‧‧‧你唔‧‧‧覺‧‧‧得‧‧‧好‧‧‧玩？」


「唔覺。」我又往她其餘的位置一刺！


這次，她懂得握緊住雨傘抵抗，但還是不夠我力大，刺針刺入了其皮肉的皮層：「哈‧‧‧哈哈哈‧‧‧就算‧‧‧唔好玩‧‧‧都好正常啊‧‧‧係我哋養佢‧‧‧俾條命佢哋‧‧‧‧‧‧」


「你都無權咁做。」我踢了她的頭一腳之後，開始用雨傘瘋狂往她身體各處猛刺！！！


每一下刺擊的怨恨，都令我想起在盤問室時，見到公仔與娃娃二人的傷口。


「啊呀呀呀！！！老師！！！你都唔好扮正常啦‧‧‧嘿嘿嘿‧‧‧‧‧‧嗄‧‧‧嗄‧‧‧」被我刺得開始全身是血洞的馬德梵老婆，還是喋喋不休地說：「我相信你第一眼見到娃娃肯定有過強‧‧‧姦佢嘅‧‧‧慾望‧‧‧‧‧‧哈哈哈！！！你哋就係‧‧‧咁鐘意扮‧‧‧嘢嘅人啊呀呀呀呀！！」


「不良人嘅間諜‧‧‧你再係咁掙扎，只會越嚟越痛苦。」


她更捉住我雙腿，被刺得口中開始含著鮮血：「不良人‧‧‧‧‧‧有乜唔好‧‧‧咳‧‧‧嗄‧‧‧咳咳‧‧‧‧‧‧有權力嘅人‧‧‧就有控制‧‧‧他人嘅‧‧‧權利‧‧‧‧‧‧我覺‧‧‧得‧‧‧無‧‧‧咳‧‧‧錯‧‧‧‧‧‧」


「所以我都有權力掌管你嘅生死！」我刺在其喉嚨上。


「咔‧‧‧嗄‧‧‧嗄‧‧‧‧‧‧呃‧‧‧」還未氣斷之前，她問了我一句話：「你‧‧‧到‧‧‧‧‧‧底‧‧‧點知‧‧‧我‧‧‧係‧‧‧‧‧‧不‧‧‧良‧‧‧‧‧‧人‧‧‧」


「因為公仔同娃娃，安息吧。」最後，我用力一腳地踩了她的眼部一下。


她不再動了。


再三確認她斷氣後，我把門開了，見到在外面縮在一角掩耳的娃娃。我輕輕拍她的肩，跟她說，一切都結束了。


包括你的惡夢，也結束了。


另一邊廂，少佐那邊則比我麻煩許多。


七樓，董倫私人會所。


美其名，私人會所，實為私人妓院，主要專門為八樓以上人士提供性服務，風氣極為惡劣的地方。


不過，也正正為少佐帶來了殺死馬德梵的機會。


因為一般八樓的主要樓梯口都被人用鐵閘封住，所以要上到去殺死馬德梵難，要從裡面安然無事地出來更難。



因此，位於七樓的董倫私人會所，根本是為我們提供了殺死馬德梵的機會。


「少佐先生‧‧‧！呢到唔俾帶武器入去‧‧‧‧‧‧」一位看守門口的職員阻止少佐的進入，並開始解釋：「而且今晚已經俾‧‧‧八樓嘅貴賓預約哂所有小姐同房，所以今晚唔招待外人，請你唔好繼續呆企喺到，我會好難做‧‧‧雖然你位高權大，但係董倫先生下咗指示，今晚唔招待七樓下嘅客人‧‧‧‧‧‧」


正持著鐵製棒球棍的少佐無視職員說話，淡然地說：「你嘅長篇大論，我一句都冇聽入去。」繼而，舉起棒球棍快狠狠地往守門職員的膊頭上一揮！


「啊呀呀！！！」職員痛苦地大喊一聲，雙膝都痛跪下來了。


之後，少佐便步入到董倫的私人會所之中。


裡面向來昏暗，地墊和牆身又鋪設上又黑又紫的花紋設計，整個環境看起來自自然然變得幽暗，同時亦帶幾分神秘、迷惑的感覺。


走入去能看到像KTV一樣的格局，一條走廊能通去不同的房間，少佐往每個房間也瞧一眼，有的人在喝酒、有的人在做愛、有的人在抽煙、有的人在談天，可就是尋不著馬德梵這個人。


而剛才聽到守門職員慘叫聲的另一批職員，亦趕到過來，合共五人。與其說職員，倒不如說是打手，全部清一色黑色背心、牛仔褲等裝扮，很是霸氣。


「喂！你知唔知呢到邊到‧‧‧頭先門口嗰個人，係你打傷？！」其中一個打手問。


「唔好再講廢話。」少佐知道難免一戰，索性快速地迎戰。


對方五個人，都被少佐用棒球棍毆得損手爛腳，躺地半傷‧‧‧‧‧‧


「走‧‧‧走啊！！！」、「呀！！！痴線嫁！！」、「快啲走啦！」可是，亦都驚動了會所中的所有客人，包括馬德梵。


他見到少佐正站在走廊外，與房間中的自己對下視線後，便本能地推開房間的後門，逃跑走遠！目光銳利的少佐很快便鎖定了目標，馬上追上，經過馬德梵剛才待過的房間時，他怔住了幾秒‧‧‧‧‧‧


因為‧‧‧


裡面有三個女人，被五花大綁地瘋狂虐打過，身上的血痕都是新鮮的，傷口尚紅，是不久之前造成。此外，其中一個被虐的女士還嘔吐著白泡，鼻上殘留住白色的冰晶狀粉末。


「‧‧‧冰毒？」少佐沾了一點在指頭上，再立即追趕去後門的馬德梵：「大本營明明落咗規例禁止藏有毒品‧‧‧‧‧‧」


馬德梵也不是弱者，他跑步的速度只略遜少佐一籌，但有住先行優勢的他還是早一到登上到八樓了。少佐也不管安危，一想到眼前的是不良人，就直接衝上了八樓上面。


八樓，是個無法之地，法律是由上層人士而定，所以少佐如今亦如同半隻腳踩入了棺材之中。


馬德梵一直奔回到自己家中，少佐兩、三腳便把那道失修多時的木門踢開，進入到馬德梵的家中裡頭，入面是由原本一間投影課室改裝而成的，儘管場面很是昏暗，少佐還是全神貫注地留意四周動向。


屋內一進去就是正方形的大廳，擺放住懷舊且開不著的古典唱片機、四方形桌子、柚木製椅子和掛住一幅「幸福」的全家福。



隨住少佐的步步逼進，馬德梵慢慢地從自己睡房之中走出，只見他握住一把軍刀威脅住公仔，把軍刀架在公仔他頸前。


「你‧‧‧早返咗嘅‧‧‧Daddy‧‧‧」公仔雖然驚愕，也不敢亂動。


「我唔返嚟‧‧‧‧‧‧一早死咗！」馬德梵厭惡地說。


「用自己個仔嚟做人質？」少佐望一望廳上那幅全家福，微笑著問。


「佢唔係我個仔，我需要個陣‧‧‧佢只係我囓玩具公仔‧‧‧‧‧‧」馬德梵奸狡地慢慢展出深笑，說：「點解要逼到我呢步‧‧‧」


「你應該好清楚。」


「明明已經隱藏得好好。」馬德梵視線依然停留在少佐身上。


「好，至少比你另一個不良人間諜同伴隱藏得好。」少佐答。


「嗰個廢物‧‧‧冇鬼用，入嚟唔夠一陣就死咗。」馬德梵露出深白的牙齒，十分兇惡。


「你係應該慶幸，你係負責八樓以上嘅諜報工作‧‧‧‧‧‧」少佐不留情面地盯住對方深恨的眼神，說：「如果係八樓以下，你下場只會同佢一樣。」


「我真係想領教下你嘅實力‧‧‧‧‧‧嘿嘿，今晚就要你哋大本營失去一個戰力。」馬德梵說。


「你哋不良人嘅質素差參都咁，真係有本事領教我？」


「你太有自信！嘿‧‧‧‧‧‧你只不過好命，一直以嚟遇到嘅不良人部隊都係廢。」馬德梵不知為何，突然地伸出舌頭舔住軍刀，裝作一副喪心病狂的模樣說：「你試下遇到滿天‧‧‧‧‧‧或者不破尚大人個隊「怪物」，你肯定好後悔自己點解唔係不良人嘅一份子‧‧‧‧‧‧」