《病港》: 82

「咁‧‧‧」阿文想反駁，卻無話可說。


「一個二個都無決心、無毅力，既然入得嚟‧‧‧無論你以前係咩身份都好，可唔可以盡番自己本份！？」下半句，是由瑜小六獨家自創的說話：「老師就係因為見得太多人死，先不斷訓練你哋‧‧‧‧‧‧唔想你哋成為下一個啊！我見佢啱啱走個陣‧‧‧好失望咁流咗滴眼淚呀‧‧‧」


「‧‧‧‧‧‧」一向吵鬧的大家此刻，居然也無地自容地低下頭。


大舊見到這個畫面，幾乎要嚇呆了。






「你哋就繼續偷懶啦！我會完成佢個訓練。」說畢，瑜小六就紮住繩子到自己均勻的腰部，踏出六樓的欄杆外，一步一步地前進想要繞一大個圈。


所有學生也追出去觀看，大家也被瑜小六的舉動驚呆了，沒想到她真的會踏出去欄杆外，想要挑戰外圍繞一圈‧‧‧‧‧‧


「小‧‧‧小六，你傻咗啊！！」一位長得帥氣的男同學大喊。






「唔好呀‧‧‧小心啊‧‧‧好危險喎‧‧‧‧‧‧」幾個女同學憂心地望住她。


然而，懵然地去到休息室躺著睡的我，還未知道這件事正在發生中。


到我醒來時，也是不知一、兩小時之後，有個人猛烈地搖住我，才醒了過來。






「娃娃？」正是她不斷搖醒我。


「咩事‧‧‧」我問。


「老師‧‧‧小六佢‧‧‧小六佢‧‧‧‧‧‧」娃娃有口難言似的，但表情驚是震驚‧‧‧



媽的‧‧‧不會是見我失望，而走去挑戰繞大本營欄外邊緣一圈吧！？


不會是‧‧‧因此摔死了吧！？






我立馬起身，跟住在驚訝不已的娃娃身後，跑到去六樓之前已經聽到一陣激烈的歡呼聲。


直至上去後，我見到一群學生正圍在一排欄杆前，觀視著什麼一樣。我推開他們，慢慢走到前頭，發現‧‧‧‧‧‧


瑜小六正站在大本營欄外半空中的支柱，舉高雙手開心地笑著。


「‧‧‧」我愣住。


「老師‧‧‧‧‧‧小六佢挑戰成功。」公仔跟我說。