一個遇上女神，再忘記她的故事: Chapter 21

Tracy約我到尖沙咀食飯看戲，過程亦如一般朋友一樣，有說有笑。行至尖沙咀海旁，說著說著，便聊到我最近受女性歡迎的話題。
 
「聽講好多女仔約你出街喎。」Tracy說道。
 
「係呀，不過嗰啲女仔約完出黎就算啦，唔搞咁多野喇。」我回答。
 
「係咩?有咁多機會都錯過，你仲未放低CaRmen呀? 」
 
「唔係未放低，係唔肯放低啫。」
 




「哈哈，咁你呢個心理包伏諗住揹幾耐呀? 」
 
「唔知架，可能一世，又或者聽日已經忘記到，Who know? 」
 
「都係既，緣份既野真係好奇妙。」
 
「係囉，好似我地咁，因為嗰件事就Friend左，都算係一種巧合既緣份吖。」
 
「嗯。」
 




「你知唔知呀，達哥話你叫我起身，又咁照顧我，話你係鍾意我喎，我話佢都傻既，軒仔都照顧我啦。」
 
突然Tracy停了下來，一面輕鬆的對著我說。
 
「係架。我係鍾意你。」
 
喜歡我?我想大概這是說笑吧…
 
「屌，講呢啲…」
 




「係真架喎。」Tracy再一次重申。以Tracy的性格，開玩笑的程度很低，如果在這時她重申真的喜歡我，我想大概…
 
「嘩!你認真架?乜你示愛咁唔緊張既? 」我有點驚訝，但是亦強裝鎮定的問。
 
「車!你都未放低CaRmen，我都一早知你唔會接受我架啦，既然已經知道左答案，咁做乜要去驚嗰個答案?唔通你明知自己會老死但你生存緊嗰陣都要驚餐慒驚足七八十年先兩腳一伸咩? 」Dean List果然是Dean List，給出一個甚有哲學性的答案。
 
「你認真? 」我問。
 
「嗯。」
 
「你認真? 」
 
「嗯。」
 
「你認真? 」




 
「係呀李智傑! 」
 
終於，我百份之百肯定她喜歡我…意粉是第一個說喜歡我的人，但當時只要流於網上層面，因此可以不算，但切切實實感受到一個人對我的愛，這倒還是第一次。
 
這就是被愛嗎?
 
時常聽別人說被愛是幸福的，為何在這時我找不到愉悅的理據?是否我的情感系統失控了?還是我的大腦Run time error?
 
有人向我示愛，就如同Programming中入錯Code一樣，這個難題找不到Solution，糾纏下去只有不停的死Loop。
 
要尋找這個答案，唯有詢問Input這個Command的人---Tracy。
 
「你鍾意我啲乜? 」
 




「你真係想知? 」
 
「難道你覺得我唔想知? 」
 
「好!比我攬住你講。」
 
我沒有想過一個女追男的女主角是如此大膽如此勇敢，她連被拒絕也不怕，大概是括出去了吧。而為求得到這個答案，我答應了。
 
Tracy貼近我，攬著我，我感受到Tracy頭髮的香氣、感受到她呼吸的頻率、感受到她胸脯的起伏、感受到我攬著CaRmen時所感受到的一切，唯獨感受不到…我的興奮之情。
 
「呢個係一個我收埋喺心底既故事。「Tracy開始說著她的故事。
 
「…」