一個遇上女神，再忘記她的故事: Chapter 15

「咁呢段關係維持左幾耐? 」軒仔問。
 
「冇呀，咪O Camp之後囉。」
 
「咁咪即係年幾? 」偉仔問道。
 
「係呀，但我見Henry咁有決心，咪一直支持佢囉。講真，我係男人都受佢感動啦，女人點會唔感動吖，所以我一直默默支持佢架。」熊仔繼續說。
 
「咁計時間CaRmen咪一腳踏兩船? 」軒仔追問。
 




「拿呢個係你講架乍。」熊仔說。
 
「咁你點解知道咁多野? 」阿偉問。
 
「唉，其實有一次我去九龍塘跑步，比我見到佢地爆完房之後攬頭攬頸咁走番出黎，咁佢地要玩地下情，咪將所有野一五一十話晒比我知囉，Karl仲話今次向我和盤托出，係信得過我，如果有日其他Marketing人知道，就會叫其他Project Teammate做Peer Evaluation嗰陣整死我，我先冇講乍嘛，基本上除左我，冇Marketing人知架。」
 
熊仔說完後，基本事情的脈絡我已掌握了，我的女神---CaRmen，曾經有一段時間一腳踏兩船，而她和宇軒分手，我大概也猜出不是宇猜不上進。而只是CaRmen單方面嫌棄宇軒的背景。如果是一個不上進的人，他有可能在中學會考安全地直升中六嗎?他有可能在讀副學士時仍不忘到科學館看展覽增長知識嗎?
 
再者，以往宇軒指責她的水性揚花，看來雖不中，亦不遠矣。
 




也許正如張Sir所說，人大了，應該為自己的行為負責，亦應為自己的前途做考量。以Karl的背景，CaRmen跟著他可以過上舒適的生活，且在市場系中亦有個照應，何樂而不為?畢竟我們已是成年人，不能再談小孩子般的戀愛了。
 
然而，小孩子般的戀愛，有甚麼問題?單純、直接、喜怒形於色、去物質化...不是最好的嗎。
 
「啪!」
 
一聲巨響，把我的思緒由外太空拉扯回飯桌上，原來是達哥一掌拍到枱上。
 
「大膽!攬頭攬頸?淫娃蕩婦水性楊花既女子，等我即刻打到佢稀巴爛! 」達哥突然怒目圓睜，有如張飛上身般大聲嘶叫。
 




「喂，咪玩啦，你估我地又想多一個兄弟守行為呀?」阿偉立時阻止道。
 
「咪係囉。我銀包得番兩舊水，冇多張五百蚊保你出黎架喇。」軒仔亦立即阻止。
 
「係囉達哥，唔好搞大件事呀，我唔想我既Teammate P死我呀!」膽小的熊仔亦即時驚慌地說。
 
「等我連人帶車車佢落北角碼頭，等佢喺人世界消失，各位兄弟，你地點睇，大家講下!」達哥依然面紅耳赤地怒哮。
 
因為我對CaRmen的愛慕，令到各位兄弟擔心。
 
因為我對CaRmen的愛慕，令到自己差點受牢獄之苦。
 
因為我對CaRmen的愛慕，令到一向機智的達哥失去理性。
 
我真的承受不了。




 
「哇!達哥，我唔玩喇...我唔追佢喇，唔追喇唔追喇!我唔想咁呀，我真係冇諗過會咁架。嗚~~~~」
 
已經記不起今天是我第幾次哭了，但今次，大概是我成年後哭得最厲害的一次。甚麼是崩潰?一個人把自己關在房門痛哭並不算崩潰，反正你仍有意識不把自己的洋相向外界透露。然而真正的崩潰，就像我現在這樣。
 
崩潰是在一間坐滿二百人的食肆濠哭，完全不顧自己的顏面跪在地上，把頭撞向枱腳，邊爐中有不少熱湯淺到自己身上也完全置之不理。
 
崩潰是在旺角最繁忙的時間，完全不顧自己的尊容，眼淚、口水、鼻涕同一時間混雜在自己的面上，想睜開眼，卻連開眼的勇氣也沒有，因為你再沒有能力面對世界。
 
崩潰是四位兄弟摻扶著你而你也失去力量，甚至在旺角行人道上拖拉著你而你亦無力前行，就算兄弟給你再多的力量，自暴自棄的負能量也把它們完全消化掉。
 
崩潰是大出洋相，就算在大街上被別人指著笑，甚至拿相機拍下你最爛透的一刻也無動於中。反正在愛人面前你的面子已完全化整為零，外人的眼光根本不值一提。
 
崩潰是，你活了那麼多個年頭，卻突然發現自己的堅持自己的信念根本站不住腳，人生失去重心，人生失去奮鬥的意義，甚至乎，人生...再談不上是人生...
 




你，試過崩潰嗎?
 
經歷過這樣的崩潰，你有勇氣繼續生活嗎?
 
坦白說...我暫時沒有...