一個遇上女神，再忘記她的故事: Chapter 11

11月8日，是她的生日…
 
那天，我們會共同上一堂Marketing Research，我決定在這堂課，向她表白…
 
我事前把作戰設劃告訴Lecturer，而為著配合我的計劃，他很識趣地比預期早十五分鐘下課…
 
「Guys, this is the end of the lesson. But please stay here, somebody is going to announce something. 」 Professor說完之後，便離開。
 
一切依著我的劇本進行，在場的所有同學，同一時間發短訊到CaRmen的手機，向她送上生日快樂的祝福，隨後便走到CaRmen面前，送上一支我預先為她準備的玫瑰花，突然之間，百多個短訊向CaRmen傳來，而CaRmen的桌面，亦突然堆滿百多朵玫瑰花。
 




「CaRmen你好幸福呀! 」
 
「我都想有個男人對我咁好呀，如果係我真係即刻嫁比佢呀! 」
 
「生日快樂呀CaRmen，我祝你同佢白頭到老。」
 
講堂中此起彼落的祝福，令CaRmen既驚喜而又不知所措，而且今次，亦是三年來第一次我看見CaRmen面紅。
 
你有試過向最愛的人示愛嗎?你示愛時準備了多久?那種忐忑不安的感覺仍然記得嗎?示愛的關口，需要很大的勇氣去突破，有些人因為衝不過這個關口，而白白讓一段可以開花結果的感情無疾而終，有些人衝過了，卻得不到預期的答案...
 




其實有太多人不敢示愛，是因為怕對方拒絕，但是，如果你真的愛她，就算她不愛你，你的心意也能延續吧，那麼表白又有甚麼可怕?如果連接受拒絕的勇氣也欠奉，那你有資格愛她，有資格在人生的餘下旅程保護她嗎?
 
為了CaRmen，我早就把這關口突破了…
 
當CaRmen仍沉浸在這突如其來的驚喜而眼泛淚光時，我走到講台，把一段寫上我和她的經歷的Slide Show播出，再在講台上對著百多人宣告著愛的宣言…
 
「三年前，我遇到一個女仔，由開初對佢冇乜好感，到慢慢熟絡，開始了解左對方，原來佢比我想像中更有吸引力，慢慢，我鍾意左佢。一直以黎我都好自責，因為當時佢有男朋友，但個男仔好唔上進，對佢好差，我喺度諗，如果命運可以令我地早啲相遇，我可以比呢個男仔更早成為佢男朋友，你話幾好?
 
到後來，我覺得我襯佢唔起，因為佢實在太好，我應該連比佢愛既資格都冇，所以我選擇左做一個佢唔開心時既宣洩對象。曾經有一段時間我好迷惘，覺得唔通我地之間既距離已經係最Close?我有諗過放棄，但有一日，我記起聖經講既一句說話，愛是恆久忍耐，我就決定一往無前留喺佢身邊。
 




而我亦好幸運，佢一直都冇因為我內向既性格、唔討好既樣貌而疏遠我。其實以我A Level成績，我可以讀科大工商管理，但為左可以見佢多啲，我決定左黎城大，我唔覺得咁樣係犠牲，反而每日見到佢，但我個心更加實在，更加幸福…
 
其實嗰段時間我已經冇再諗做佢男朋友，但求可以喺佢身邊做一個支持佢既人已經足夠。但有一日，佢同佢男友分左手，一個咁好既女仔，點可以冇男人去呵護?因為咁，我決定去追佢，我本身係讀Account既學生，但我為左佢，轉讀一科我最唔擅長既Marketing，大家見到我對住個Lecture講野咁流暢，都應該估唔到其實半年前，我連同陌生人講野既勇氣都冇。
 
我好希望今日為佢準備既野，佢會開心，而亦希望我既誠意感動到佢，我未必係一個最好既男友，但我承諾我會係一個對你最好既男友，希望你可以接受我既愛，生日快樂，CaRmen! 」