一個遇上女神，再忘記她的故事: Chapter 7
經過這次之後，回復單身的CaRmen跟我的關係更加親密，就像別人所說的，友達之上，戀人未滿，我相信只要我正經地向她示愛，她一定會接受我的。
我決定給她一個浪漫的表白，希望可以感動她，不枉我對她兩年多的等待。為著這次表白，我找來了阿偉軒仔及達哥來一個兄弟會議。
「喊出黎，原來你條粉腸鍾意左佢咁耐，早知係咁我就打到你稀巴爛，各位兄弟，點睇，講下! 」達哥聽到我一直明戀CaRmen後，語帶責備的說。
「最緊要幫到Henry，見你仲未走青又未拍過拖，我都想幫下你既。要錢要人要出力即管開聲，我盡幫。」軒仔如是說。
「多謝你呀軒仔。」我說。我很感謝軒仔，因為無論我做甚麼，他一直不遺餘力地協助我，相信這次亦一樣，有軒仔的幫忙，我相信一定可以奪得美人歸。
「阿偉，點睇，講下。」達哥問阿偉。
「冇，喂，Henry你決定左就去做，我支持你，唔好講咁多，預祝你成功，今晚落酒吧飲番Round好冇? 」阿偉說道。
「好! 」
然後我們一行四人，便來到太子的酒吧喝到零晨三時。
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
「今晚八點，有骨氣。淨係我同你，唔好使約其他人，有啲野同你傾。」昨夜豪情暢飲，今日宿醉還未醒，但已收到阿偉傳來的SMS，唯有先行上學，晚上便到尖沙咀的有骨氣會合偉仔。
有骨氣…
「你知唔知邊個係熊仔? 」阿偉首先開腔。
「知，你讀Marketing 嗰個Roomate吖嘛。」我回答。
「係呀。」
「乜料。」
「是咁的，熊仔同CaRmen喺O Camp係同一組既，今朝佢同我傾開，話CaRmen呢排同佢個組爸行得好埋喎，你係咪真係要同佢示愛? 」
「下，唔會掛，CaRmen啱啱先甩拖，唔會咁快比仔溝左下嘛。」
「都唔係甩拖之後架喇，其實O Camp後佢同組爸都有聯絡，有時仲一齊睇戲添，佢最近咪揹個LV袋既，聽熊仔講都係個組爸送架。仲有…」阿偉說到這裡欲言又止。
「仲有咩呀? 」我追問道。
「係咪兄弟先? 」
「係呀講啦長氣。」
「熊仔話見到CaRmen同組爸喺九龍塘間異國風爆房。」
「頂!有冇吹到咁大呀?吹到上火星添吖笨，肯定係啲熊仔道聽途說扮晒自己見到然後豬UP當秘笈啦，彩你都有味呀真係。」我當然相信阿偉的出發點是對我好，然而我亦相信他聽到的消息全屬子虛烏有。雖然CaRmen愛打扮，而且性格不算溫柔，但也不至於為了LV而跟組爸爆房吧。
「點都好，你係咪真係決定同佢示愛? 」阿偉問道。
「係，我等左兩年幾喇。」
「咁得喇!做兄弟唔使講野，乾左佢! 」
說罷，我們把手上的啤酒喝過精光。男人與男人之間的友情，很奇妙，我們不需要如女人般深層次對話，只需要有啤酒在手，大家心照，一飲而盡，壓力，憂慮，便會隨之而釋放，這大概，就是男人的浪漫。
女人與姐妹相處的方式，就是相約三五知己去Fine Dinning，天南地北傾足三個小時，談論著別人的是非、別人的男友有多不濟、之前去到那兒旅遊，只要在這些Lady’s Talk的場合，女的便會好像機關槍般說話，而且當中話題，亦如沒有錨的船一樣，隨處飄浮。
另外，Lady’s Talk有一個現象是很常見的，就是細聲講大聲笑，當一個男人看見女人們在Fine Dinning的場合無端地開懷大笑而投以注目時，她們便會擺出一副「挑!臭男人! 」的姿態。而另一個在Lady’s Talk時經常遇到的話題，就是公司裡某某人正熱烈地向她提出追求，又或者某個朋友的男友是如何沒本事等等，總之就覺得自己是最好，自己…是公主。
曾經聽過有一個女人在一個場合，討論自己的情史時說過以下這番話:
「我男朋友幾Cheap呀?平時同佢出街又食平野，去食日本野又要AA喎，真係冇用呀。即係咁乍嘛，我公司個男同事見我生日，送左一卡鑽戒比我，Mabelle黎架!呢啲呀..咪本事囉! 」
其實AA有甚麼問題，你是傷殘人仕嗎?缺乏工作能力嗎?幹嗎自己有手有腳去工作還要男朋友請你吃飯?如果你是持家有道做個全職主婦，要男人請吃飯當然無可口非。而有時男人請女人是出於愛慕之情，希望女人可以多個錢傍身，但如果女的將她視為應份便大有問題。
在香港社會做男人並不好過，已經要儲首期買樓，又要儲錢結婚迎娶那些以為自己是公主的港女，那有閒錢去買那些名牌手袋名牌鑽戒給你?
買了樓後又嫌會所不夠豪華，嫌實用率不夠高，嫌座向不好樓層不高。結婚又嫌不是在酒店進行，酒席不夠派頭不夠。那掉轉頭，男的可不可以嫌你不是處女?可不可以嫌你落妝後的尊容?可不可以嫌你不做家務?
所以如果你在人生中遇到一個和你一齊慳家的女人，請捉緊她的手；遇到一個主動說婚宴不要鋪張的女人，請捉緊她的雙手；遇到一個願意出一分力和你一齊供樓的女人，請你請你…捉緊她的心。