「無啦啦多左幾個家姐同細妹 Season 2」: 舊地

Ellen：「今星期六？咁突然？學生會黎緊好似仲有d活動要搞，我諗住今星期六約其他人傾野喎。」

Anna：「就快又UT喇喎，仲去街？不如留係屋企溫書好過啦。」

Yui：「羽晨星期六要學彈琴，我想陪住佢…」

Sarah：「二家姐好似都係星期六返，我諗我地應該要去接佢機？」

無估到我只係講咗一句野，居然即刻收到四個拒絕。

我嘆咗一口氣，再深呼吸一下，用黎準備我一陣想講既野。

我：「唔好諗咁多喇，星期六跟我出去喇。」

佢地見到我咁講之後都互相交換眼神，幾乎個個都一臉困惑咁。

Sarah：「阿明…你想同我地去邊？」

我：「秘密~到時你地咪知。

」

Sarah：「咁啊…

」

佢地再一次交換眼神，好似想用眼神交流去決定係咪星期六同我出去咁。

Ellie：「可以呀，我無野忙，我陪你吖阿明。

」

Ellen：「呀！唔會俾你兩個單獨去街架，我又去！

」

Yui：「咁D活動細節…唔傾嗱？

」

Ellen：「唔係唔傾！遲D先傾！

Yui你都一齊去啦，難得阿明終於肯約我地去街喎，Anna Sarah你地決定點呀？」

我：「又唔好用終於…你地呢班大忙人成日都咁多野講，我又邊好意思開口。

」

Anna：「咁呀…好啦，但如果帶我去D悶又唔好玩既地方既話我就殺咗你呀知唔知？

」

Sarah：「既然係咁既話我都去喇，去完之後再去機場接二家姐都得既~

」

我：「咁即係…」

Ellie：「星期六就交俾你喇阿明，我會好好期待你準備既秘密驚喜架啦。

」

Ellen：「我諗我都係而家返去做定哂D野先啦，為咗星期六去玩~」

Anna：「咁我都返去溫書先，有你係度我肯定溫唔到書。

」

佢地三個講完就起身執野走，Sarah同Yui就去送佢地，留低我一個。

我擰轉身，望向一直企係我身後既大家姐。

佢咩都無講，只係對我笑咗一笑，單咗下眼，同俾個like我。

咁即係約到佢地…嗱？

好快就到咗星期六，約好咗既日子。

佢地幾個首先都係我屋企集合，同準備學琴既羽晨係度玩。

佢地全部都照足我既吩咐，著得casual D低調D，因為去既地方唔算係乜好地方，我唔想佢地比人撩。

見差唔多夠鐘，我就帶住佢地出門，大家姐仲叫我地玩得開心D，唔洗就住時間去接二家姐機。

首先，我就帶住佢地去最近既巴士站同佢地坐巴士。

雖然佢地已經唔係第一次坐巴士，但仍然顯得有D不知所措，每架埋站既巴士佢地都會問係咪呢架。

等咗大概十幾分鐘，終於黎咗架啱既巴士，可以上車。

今次，佢地全部人都有八達通，諗起上次去烏溪沙二家姐間屋個陣真係好好笑。

上咗巴士，佢地五個坐哂係最後排，而我就坐係佢地前一排，聽住佢地傾計。

傾下計聽下風景，過咗一陣終於到站，我帶住佢地落車。

我都好耐無返黎呢度…

Sarah：「阿明，呢度係…

」

我：「啊，呢度係我以前住既地方。」

「今日我想俾你地睇既係，我係遇到你地之前既生活。」

Ellen：「你以前既生活…？點解要帶我地黎睇呢D野…？」

我：「唔知呢，只係第一時間就諗到呢度，黎啦唔好講咁多喇，我地快D行啦，我有好多好多野想同你地去睇。」

我講完呢句之後就無再理佢地既提問，自己一個帶頭開始行。

當然，我有定時定候擰轉臉，睇下我地既團友仔有無走散啦，不過我聰明既團友仔又點會咁容易走散吖，佢地個個都跟住我，一實四處望呢個社區。

我以前住既呢個區唔算大，更加談唔上新，周邊既建築，鋪頭都有比歲月沖刷過既痕跡。

講起鋪頭，雖然呢度既鋪頭種類同學校附近商場既差唔多，但唔知點解係呢度就特別有感覺。

返到黎呢度，真係百感交集，無諗過再次返黎既時候所有野已經有咁大既轉變。

以前每日係呢度踩車返學，周不時仲可以係途中遇到Anna，估唔到一年後我已經唔係個度讀書。

亦估唔到身邊既人會唔同咗咁多，有增又有減。

Sarah：「咦？個個人拎住個支咩黎架？咁得意既。」

Sarah指向一個拎住唧唧冰既小朋友，表情仲相當好奇，其他人都有相似既表情。

我：「唧唧冰黎咋嘛，學校附近既士多應該都有架，你地無見過咩？」

Sarah：「無啊無啊，好唔好食架？買俾我試下吖~~

」

Ellen：「啊我又要我又要，買俾我食！

」

佢兩個係咁多人面前lur我，我又邊好意思拒絕佢地啫，結果我每人都買咗一支即唧冰，等佢地一人都有一支。

至於我自己就買咗牛奶樂，以前無咁有錢既時候真係好想日日都食呢支，仲有已經停咗無再出既梳打啫喱激冰都係一樣。

我地一人一支，繼續圍繞住條邨行，周不時大家會傾下野，例如講下d文具鋪仲可以扭到近乎失傳既YES！卡，真正有返咁上下歷史既冰室，直至我地行到其中一座樓對出，我停低咗，抬起頭望上去。

Ellie：「阿明？」

我：「我以前就係住係呢層樓。」

細個好多唔開心既事都係發生係度。

Anna：「不如上去睇下？」

Anna呢個提議完全出乎我意料之外，雖然我都有諗過呢個提議，但完全無諗到會係佢地提出。

Ellen：「係囉，上去睇下啦，我都想睇下阿明你以前住既地方會係點。

」

我：「但係我怕上面會有…」

我怕我阿叔同其他仆街會係度，如果俾Sarah佢地見到就有D麻煩喇…

Anna：「唔好講咁多啦，快D行。

」

Anna講完就自己開始行去大廈，Sarah佢地都跟住一齊去，留低我一個企係原地on99。

我唯有即刻跟上去，之後就變到順利成章同佢地上去。

上到去之後，我企係門口，拎住條鎖匙，但遲遲都唔放入去，Ellen見到我猶豫不決，一手搶咗條鎖匙走。

Ellen：「哎，有乜好怕，老虎我都唔驚呀我同你講。

」

佢一邊講一邊打開門鎖，點知一開門就有一個籃球向我地飛埋黎。

好彩Anna同我反應得切，即刻拉開Ellen，佢先唔洗被個波打中，不過佢就嚇到呆咗。

「哦？稀客喎，仲帶咗咁多女黎？

」

講野既正正係個仆街其中一個仔，佢同我一樣大，但已經無讀書，仲染哂金毛，完完全全就係個死mk。

個波十成都係佢掟，係佢作風黎。

我：「係呀，經開呢頭咪想上黎睇下，睇下你地有幾折墮咁啫。點呀，我同我老母搬走咗之後你地地方有無大返D咁呀？四百尺除五應該總好過四百除七既。」

仆街MK：「哦？係呀？睇呀隨便睇，我都睇緊你帶黎D女，幾正喎，借一兩個黎呀一場堂兄弟。

」

我：「嘩Sarah，唔睇返真係唔覺，原來呢度同我而家間房差唔多大喎？哈哈。