「無啦啦多左幾個家姐同細妹 Season 2」: 結束
轉眼間，我已經同佢企咗係起跑線上。
雖然唔係係正佢隔離跑，但都可以感受到個股壓力。
全場總冠軍應該已經係佢拎硬既，就算唔係佢，都唔會係我拎。
所以我而家已經唔會再諗全場總冠軍既事，我只係係度諗緊呢場100米要點先贏到佢。
100米，可以有乜策略，都係爆盡架喇。
不如合埋眼，一口氣向前衝就算？反正都係一條大直路，又唔洗轉灣之類。
一於咁做。
無錯，我最後係合埋眼去跑呢個一百米。
聽到鳴槍聲之後我就合埋雙眼，咩都唔理起勢向前衝。
我心入面不停同自己講要更快，一定要更快，不停咁重複呢幾個字。
身體每一寸肌肉，神經都崩緊到極點，就連眼皮都係。
時間係呢一刻好似變得好慢，渡秒如年。
雙腳開始無力，變到唔屬於自己咁。
100米咋喎…點解會變到好似跑馬拉松咁漫長既…
我跑咗幾耐？跑咗幾遠？？
我忍唔住擘開眼，眼前既景象卻令我大吃一驚。
終點線，就係正我眼前。
我無因為咁而減慢腳步，更無去望下晨哥而家到底係邊，我只係一味想再跑快D，想快D到終點。
直至我衝過终點，我先敢停低。
可惜既係，剎車剎得唔夠好，我又撻咗係度。
我大字型咁訓係跑道，望住個天不斷喘氣。
唔知點解，呢一刻我唔記得咗勝負。
我只係覺得好撚攰。
好想訓覺。
到我再擘大眼既時候，我人已經唔係運動場，而係自己張床上面。
發生咩事！？點解我會係自己張床上面？？比賽呢？場100米點呀？？
我到底係贏咗定輸咗？有無人可以話我知？
正當我想落床去搵人問下到底發生咩事既時候，我就突然feel到全身都有好強烈既痛楚。
種痛楚係由骨入面傳黎，好撚痛，痛到想講粗口都無力。
唔通我比人活摘器官？唔係玩呢D野呀話？
我忍住痛楚，坐返直個人，摸下自己個身，所有野都係齊度，仲無傷口，即係無事啦。
不過對腳真係好攰，坐多陣先出去問下到底發生咩事先。
出面個天已經黑齊，而家到底幾點？嘩原來已經差唔多十點？唔通我訓咗差唔多六個鐘？
就係我用緊電話，上Facebook睇下自己miss咗D乜既時候，Sarah就開門入黎
Sarah：「咦，醒咗嗱你？肚餓嘛？要唔要食D野？」
我：「呃…好啊唔該。」
Sarah：「咁你等陣喇，我去拎野食比你吖。
」佢講完就又出返去，留低我一個係房。
佢反應咁正常，咁即係我應該無發生乜意外？
啊啊好想知場100米既結果啊，到底我係贏定輸呀？
仲有我係跑完之後到底發生咗咩事，點解一起身就會係自己房？
呢一切，好快就可以得到解答，因為佢地所有人都一齊入咗黎我房睇我。
其實都唔可以話所有人既，Anna都唔係度。
Yui捧咗一盤野食去到我臉前，碟碟賣相都好靚，好似好好食咁。
Yui：「食咗野先喇阿明，你一定好肚餓架啦。」
我：「嗯…唔該你…」
講係咁講，但當我拎起餐具，望住眼前碟碟既佳餚，我居然突然無食慾，仲連餐具都放低咗。
Yui：「做乜啊阿明？你係咪唔舒服？不如我餵你？
」我：「唔洗喇我自己可以，只係而家唔係好想食啫，係呢點解我會係屋企既？陸運會點？我應該岩岩跑完100米架。」
Sarah：「你真係唔記得自己跑完之後既事？
」我：「eh…我記得自己大字型訓咗係賽道囉，結果我成績係咩呀？贏定輸呀？」
我咁問完之後佢地幾個都你眼望我眼，就係無人答我既問題。
我：「唔怕老實講喎，我又唔係未輸過。
」Ellen：「eh…呢個問題呢…Ellie你話點好？
」Ellie：「呃…不如等佢答你啦都係。
」佢？邊個佢？
Ellie講完之後就有一個人行咗入黎，就係晨哥。
佢仲掛住一個金牌係頸度。
晨：「終於醒嗱？不過講開又講場100米真係好精彩，我諗係我中學生涯頭三刺激既比賽。
」佢掛住個牌講呢D野…唔通到最後都係…
晨：「啊係喎，呢個比返你先，袋好啦知無？
」！？佢將個金牌除落黎拋比我…？
晨：「唔係好多人可以有贏藍洛晨而得黎既金牌架，好有紀念價值架呢個金牌。
」我：「咁即係話…
」晨：「嗯，你贏咗呀。
」我贏咗藍洛晨!!!????
我開心到想嗌出黎，不過我無咁做，因為又有人走咗入黎，呢個人令到我唔敢表現得太開心。
呢個人就係Anna。
Anna：「你拎唔到全場總冠軍比我喎。
」仆街了…
仲以為佢會係咁意慰問下我先去講呢件事，點估到佢一黎就講。
大家都即時收起笑容，個個都打量緊我同Anna之間既眼神交流。
我就當然唔敢直視佢，話哂我始終都兌現唔到承諾，仲點好意思面對佢。
Anna：「喂，你記唔記得之前你應承過我D乜。講好既全場總冠軍呢？」
我「我…拎唔到。
」其實我記得我無應承佢，只係佢單方面要我咁做…
不過呢D說話我又點敢直接講出黎，仲嫌佢未夠嬲咩。
我甚至講到dup低頭，望住張被。
Anna：「咁我係咪唔應該原諒你？你自己話啦。」
我：「唔應該…」
媽呀，唔好咁對我啦，我已經好盡力架啦…100米我都贏咗佢啦…
我真係每一場比賽都出盡比全力更多既努力架啦…你仲想我點啫…就黎喊出黎啦我…
Anna：「喂陳煒明，抬起頭睇下呢個係咩黎。」
事到如今我都只可以乖乖聽佢吩咐任佢舞，所以我乖乖咁照做，抬起頭。
抬頭只見佢拎住個獎盃，表情仲相當得戚。
Anna：「呢個係全場總冠軍既獎盃，我既~
」我見到佢有呢個盃並唔感覺意外，女子個應該仲無乜邊個可以贏到佢。
不過佢咁樣show我睇…只係令我感到更加難受。
感覺好似就係你做唔到既野，人地就做到，仲係你面前show比你睇。
我：「唉。
」忍唔住嘆咗一口氣。
Anna：「借比你睇下喇，嗱揸穩啦。
」我傻傻咁接過佢個獎盃，完全唔知發生咩事。
大家好似去動物園睇動物咁望住我拎住個盃，差在未有餵食。
Anna：「睇完未？睇完就比我喇。
」我又傻頭傻腦咁交返個獎盃比佢，完全唔知佢想點。
佢而家咁好笑容望住我，搞到我更加驚，唔知佢到底想點處置我。
晨：「啊呢？而家阿明咁樣算唔算拎咗個全場總冠軍俾Anna妹妹呢？
」吓？講咩呀晨哥？
大家聽到佢咁樣都開始議論紛紛，唯獨我一個擘大個口得個窿。
我拎咗個全場總冠軍俾Anna？咁兒戲Anna受唔受呀？
Anna「咁呀…算晨哥講得通，今次原諒你喇陳煒明。
」吓？？？
我都未load到而家發生乜事，Sarah佢地全部人就已經係度歡呼，仲衝上去攬住企我旁邊既Anna。
開頭Anna都只係微笑，但比Sarah Ellen佢地搖咗陣都忍唔住笑埋一份。
十萬個問號而家同時出現係我腦入面，好想搵人解答下我既問題，但每個人都係度唔知為乜慶祝，根本無人理我。
晨：「啊~終於唔洗扮奸角啦~~原來做奸角咁攰，下次都係唔好搞我。
」Anna：「辛苦你喇晨哥，唔好意思呀要你陪我地胡鬧。」
晨：「無事無事~幾好玩吖，同阿明跑個場100米我都好開心，幾有意思。無乜野既話我走先喇。陪下女友啦阿明。
」講完佢就走咗，大家姐同二家姐都跟埋一齊出去。
即係話，而家房入面得返我地六個人。
Anna坐低咗係我床邊，摸摸我個頭。
Anna：「係咪完全唔知發生咩事呢？
」我：「嗯…」
的確，一D都唔知。
Anna：「由一開始我就無嬲你喇，只係我地五個想俾場大整蠱你啫。
」「同埋見你呢半年好似都無乜操體能，想借呢個機會逼下你啫。」
「不過見到你咁落力同搏命，真係乜都抵，見到你場100米我真係好開心架，贏到晨哥真係好勁。」
「我無嬲架啦，唔洗再咁驚。
」佢講完呢句就突然錫咗我臉一下，殺我一個措手不及。
Anna：「傻仔明~
」