「無啦啦多左幾個家姐同細妹 Season 2」: 愧疚

送走咗阿惠之後我就自己一個行返學校，仲差D遲到。

因為咁，我都無時間去搵Sarah又或者Ellie去問佢地Kathy點睇。

返到課室門口，就咁岩遇到Kathy。

佢一見到我就匆匆忙忙咁行入課室，好似見鬼咁。

會唔會係Sarah佢地嚇親Kathy呢？你知喇Sarah佢有時會好直接，好容易會嚇親人架嘛。

直至放學，我都無同Kathy講過任何一句野。

反而，我同阿希黑仔就好多野講喇，大家都係度傾緊陸運會既野，尤其係個接力，講足成個下晝堂，連放個小息阿希都捉住我地傾。

阿希：「喂，不如放學去運動場練跑囉？順便可以練下交棒你地話好唔好？」

我：「吓，大佬我今日無著運動服喎點練。

」

阿希：「妖，返屋企換完再出黎咪得囉on9仔，咁都要人教。

」

屌你都唔知我屋企有幾遠先講得咁輕鬆…一來一回差唔多要成兩個鐘架…

Cody：「喂你地三個，我想問你地一樣野。

」

就係我差D想屌鳩阿希係咪on9既時候，Cody突然加把口埋黎。

黑仔：「咩事呢Cody姐，有乜可以幫到你？

」

屌你黑仔D語氣十足十D接待處既姐姐咁。

Cody：「無呀，聽你地傾足成個下晝傾得咁開心，其實你地三個同邊個一齊參加？點解唔叫埋佢一齊傾既？

」

佢咁講一講，又好似真係未真正決定好第四個係邊個喎…

我地三個都答唔到Cody既問題，淨係識得eh…同埋你眼望我眼。

Eh咗差唔多成分鐘，阿希先至應Cody。

阿希：「咪Kathy囉哈哈，你唔知咩哈哈哈哈，我而家就過去叫佢過黎一齊傾吖。

」

喂…！

我想叫佢都叫唔住，佢已經好似小明咁快行咗去Kathy個邊了。

如果Kathy話唔好既話咁真係柒到無朋友喇今次…再講吖，佢都好似真係無應承實我會一齊玩…

我唔敢面對呢個結果，驚到用手掩住自己塊臉。

Kathy：「點呀有咩想傾？

」

咦Kathy把聲？

我拎走隻手，就見到Kathy笑笑口咁企係我地面前。見到佢咁高興企係我面前，我一時間都唔知點比反應，淨係識o嘴。

黑仔既反應同我都差唔多，我地兩個傻咗咁望住Kathy，完全係「唔撚係掛.jpg」。

阿希：「無呀，我地傾緊想練下跑同交棒咋嘛，你今日放學有無時間吖？我地打算去附近既運動場練。」

Kathy：「但係我今日無帶運動服喎，我諗今日同唔到你地練喇。」

阿希：「唔緊要，咁我地各自各練囉，之後再約個時間練交棒咪可以囉~」

吖屌你頭先又叫我返屋企換衫再出黎仲鬧鳩我，而家Kathy話無帶你又可以有另一套講法仲要咁好態度，公平咩。

Kathy：「可以吖咁我地不如約聽日練？三日後就係，好似已經無乜時間練，要把握時間。

」

阿希：「講得岩呀，就約聽日喇，地點就附近個運動場啦。」

喂喂等陣先，你地有無問下我同黑仔架，我地未必得閒架喎！

Kathy：「咁…無野傾既話我就…

」

阿希：「無架喇無架喇，多謝你肯同我地癲呀。

」

Kathy：「邊係呢，我都係日化soc既一份子黎架嘛，出一分力好應該既。

」

Kathy講完就走咗，返去自己位執野。

阿希：「嗱睇到未呀，我地有四個人架。

」

阿希用個好得戚既樣同Cody講野，好似想證明比Cody睇我地係夠人跑咁。

Cody：「痴線幾時有話過你地唔夠人，我只係好奇係邊個肯同你地三個傻仔癲咋嘛。廢事同你地講。

」

Cody一邊講一邊起身，最後仲行出咗班房。

睇到Cody走咗同Kathy無望住我地呢邊既阿希即刻捉住我同黑仔，好細聲又好激動咁講密計。

阿希：「嘩屌你今日真係大奇跡日呀，Kathy唔只返咗黎上堂仲應承同我地跑soc接，哇我好興奮呀~！

」

阿sir，傻人發現䅁呀。

阿希激動成咁我都可以理解既，話哂呢D都係佢一直期待既野，願望成真當然特別開心。

我：「屌你喇問都無問我地兩個意見就約定聽日，一定得閒架而家？仲有呀，頭先我話無帶運動服你就惡到仆街，Kathy話無你就好聲好氣算點先？

」

阿希：「哈哈，唔知如果我今日同佢表白佢會唔會受溝呢哈哈哈。

」

仆你個臭街，完全無聽我講野。

因為Kathy約聽日練習，所以今日我就唔洗同阿希佢地練，可以返屋企練，好似上年咁。

正因為咁，我放學之後就即刻即刻去接佢地幾個，第一個梗係去接Anna喇。

我又跪又拜咁求佢陪我練跑，佢先「哼」一聲應承我，面色仲係相當難睇，唉我真係咁唔值得原諒咩仲要嬲我咁耐。

之後我好快接埋Sarah佢地，難得Ellen同Yui今日都得閒，我地終於又可以六個人一齊返屋企lu~

不過，當我地出到學校門口既時候，居然咁岩遇上Kathy，仲要有一個其他學校既男仔纏住佢，佢表現得相當唔愉快，好似想走但走唔到咁。

阿惠叫我係學校幫佢好好睇住Kathy…唉兄弟叫到，唯有上喇。

我除低書包，交比Sarah保管之後就走咗埋黎，分開Kathy同個個男仔。

咦，係附近學校既學生喎，點解會…

男：「喂矮仔你做乜撚野呀而家。

」

叫我矮仔！？你高過我咩而家！？

我：「走喇柒頭，咪搞我個friend。

」

男：「friend咋？friend就死開啦阻住哂。

」

屌你老味推鳩我！？

喂屌還屌，唔好用手撩喇大哥，大家斯文人黎架嘛。

不過既然你郁手先，我都唔洗咁斯文喇係咪先。

就係佢推開我行過我身邊個一下，我一下就捉住佢膊頭，唔比佢再走埋去Kathy度。

佢想一手撥開我，但我用盡全身既力捉住佢，佢又邊有咁容易可以掙脫吖。

而家既我，唔再係識捱打架喇。

男：「喂你想點呀，咪阻住我喇好無。我只係想要同呢位小姐好好傾下，加深下了解啫。」

嘩咁唔要臉既說話你都可以咁理直氣壯講出黎既，你知唔知醜字點寫架大哥。

我始終都無放手，只係默默用一個不屑既眼神望住佢。

佢終於都忍唔住，一拳打埋黎。我就係等呢個喇。正當既反撃理由係相當重要既。

睇過晨哥打咁多次交，自己又比人打過咁多次，應該要點打我而家都掌握到唔少理論喇。

我係佢既拳仲未到之前就先攻佢既下盤，整一下掃堂腳，一腳了低佢！

嘩屌！真係work！！條友真係成個訓低咗！！

嘩即時勁有成功感呀我，我今次好似係第一次打交打贏人？值得慶祝呀真係。

呢招掃堂腳就當係我既必殺技啦以後。

Anna：「喂睇住呀傻仔！

」

嗯？睇咩呀？嘩大鑊！

一時掛住自high，無留意到友添！避唔切喇今次！

我個肚食住條友一拳，但又無想象中咁痛，同Anna既飛膝撞比簡直就係碎料。

原來平時比Anna打都唔係完全係壞事喎哈哈，幫我練成咗一個不壞之軀。

好喇，黎一場無悔既決鬥啦，今次我一定唔會輸，至少唔會輸得咁難睇架喇。

正當我同條友都擺好姿態，準備真正開打既時候，遠處就傳黎一把女聲。

「喂你係人地學校門口打交，你無病呀？

」

我同條友都即刻望過去聲音傳黎既方向，見到有一個女仔嬲爆爆咁走緊埋黎，個feel好似發緊火既Anna咁。

佢同條友都係著住同一間學校既校服，即係兩個係同學？

男：「點解你會係度既子琪姐…