「無啦啦多左幾個家姐同細妹 Season 2」: 道歉

「又做餌？次次我都係做餌，有無其他野可以做呀。

」

「吓咁次次都係因為你惹返黎既禍，你做餌引對方出黎等我地可以解決件事都係好正常既做法啫。

」

「又係你話要保護屋企人，而家要做鉺又唔高興啦？」

屌，真係駁唔到添。

我：「咁具體黎講我應該要點做？係咪呢排要大搖大擺咁出街，高調D？」

二家姐：「啊咁又唔洗，你做返自己就可以喇，我準備緊一個合適既時間地點，應該可以順利咁引到佢。」

「呢排我都會留係呢度，盡可能拖住佢吞併我地公司既速度，係準備好之後我就會通知你。」

屌…咪即係咩都唔做，又係死等囉…

二家姐：「先返去專心溫書考試先，條友應該長期都睇住你，如果佢見到你仲係生活得咁開心自在，可能會嬲到自投羅網呢。

」

滿有道理既說話，但真係唔想跟。

二家姐：「重要既係結果，唔係個過程，而家唔係俾你滿足你既中二病既時候，一時既衝動，可能會釀成大錯。

」

的確係…之前都有咁既經驗…個時比佢地鬧到傻…

我：「我明白喇，我忍喇。咁Sarah佢地呢？今次話唔話比佢地知好？」

臨走前我問埋二家姐最後一個問題，一個我都唔知應該點處理既問題。

「你自己揀啦。」

呢句係二家姐俾既答案。

返到去屋企，見到佢地五個一齊溫緊書，我又開始諗呢個問題。

之前都係唔一開始就講，等去到某一個位先講，但今次…

Anna：「嗯？阿明？係咪有乜事？

」

Anna已經睇穿左我！？

我成個人即刻嚇到彈起，令佢地五個都望住我。

Yui：「係咪邊度唔舒服？」

Sarah：「定係有邊度唔識唔明？可以開聲問我地架喎~

」

吖…點開口好呢…真係有D尷尬添又要同佢地講呢D野，明明以前話要平平凡凡過生活，但我總係一次又一次咁…

Ellie：「定係你有其他野想同我地講？」

Ellie總係快人一步睇穿一切，佢好似靠對眼就已經可以讀到我諗緊乜咁。

如果佢係火影入面的話，大概就係鼬既Level啦我諗。

不過講開真係奇怪，同佢對望左一下之後D緊張感居然無哂喎，會唔會係因為佢對我落左幻術呢？

唉唔好講D無謂野啦，都係快D講返正題先。

我先合埋眼，再深呼吸左一下，好似想放豪火球咁。

屌，我今日做乜係咁諗火影。

我：「係，我其實有野想同你地講，唔係關我身體又或者讀書既事。」

「對唔住。」

我先拋出呢三個字，想睇下佢地既反應。

如我所料，我突然間道歉令到佢地不知所措，你眼望我眼，唯獨Ellie一個，輕輕咁嘆左一口氣。睇黎佢已經估到我想講乜喇。

我：「我呢，又被捲入一D麻煩事喇。對方唔知咩原因追住我而黎，仲攻擊Uncle既公司，情況非常唔樂觀。」

「原本我有諗過同唔同你地講，但都係老實同你地交代好，免得你地亂諗野。」

「明明係我話要同你地過D普通既生活，但我居然成日都惹麻煩返黎，上次就係Kathy，今次又係一個唔知身份既人，我呢份人真係垃圾…累人累物…