「無啦啦多左幾個家姐同細妹 Season 2」: 拒絕
岩哂啦！！今鋪真係遇見神！！
我：「岩哂啦晨哥！！幫下我好無？」
晨：「嗯？發生左咩事呀講黎聽下？
」我：「係咁既，岩岩Sarah話有人同佢表白…」
我一氣呵成咁將所有野全部講哂俾晨哥知，但奇怪既係，晨哥居然一邊聽一邊笑。
我：「晨哥？點解你會一邊聽一邊笑？
」晨：「噢，唔好意思失禮哂，我只係覺得歷史總係驚人地相似啫。
」「一年前，我都見過類似既事哈哈。你想我點幫你？」
我：「你覺得我應該點做？」
晨：「咁其實呢家野黎黎去去都係得個兩招架啫…你兩個話係咪？
」晨哥講完就望左去浩賢個邊，問佢地意見。
浩賢：「一係由女既去拒絕，一係就由男朋友去宣示主權。」
「我記得上次轟動全校既係由個男既去宣示主權…
」企係浩賢旁邊既女仔接住浩賢既說話繼續講落去。
我：「eh…呢位係…
」浩賢：「啊你地係第一次見面啊可，佢係我女朋友，Elaine。」
Elaine：「阿明你好，我係讀A班既，我叫葉傲雪，你可以叫我Elaine。
」我：「哦哦…你好…咦你都係讀A班？
」晨：「無錯，係Sarah個班架。咁阿明你而家又打算點做？前者定後者？」
我：「我諗…我應該會揀後者既，我都唔想Sarah難做，但我怕就怕對方死纏爛打…」
「如果真係變到咁，晨哥你可唔可以幫我搞搞佢？等佢知難而退？
」晨：「好遺憾，我唔可以幫你，我覺得自己唔應該插手人地既感情問題。
」晨哥居然會拒絕我…
「登登登登~~」
晨：「打鐘啦，返去上堂啦你地。」
晨哥講完就自己一個行左去同我地相反既方向，不過佢行左就停低左，仲擰轉身。
「你煩係呢D事上面，唔知點解我有D開心。
」佢講完呢句就走左，留低我地三個。結果，我得到既建議係我心入面一直諗既野。
宣示主權呀…唯有咁啦。
阿豪：「好啦大家，好似今朝講既咁，係投旅行地點既時候啦。」
係喎，今日咁多事發生搞到我都唔記得左旅行既事添。
我擰轉身，望下坐我後面既阿希，佢好似一條死屍咁攤左係度。
我：「喂點呀，你想去邊度旅行呀？」
阿希：「是但啦…咩都無所謂啦…反正…嗚…
」痴線佬。洗唔洗咁大打撃呀。
Cody：「嘩佢搞乜黎，我記得佢食lunch之前仲好地地架。」
黑仔：「哦無，只係阿明講左D好有刺激性既野比佢知啫。
」Cody：「刺激性？你講左D乜？」
我：「哦…我只係話左我有幾個女朋友啫。」
Cody：「哦呢件事，咁第一次聽到係會幾shock既，我上次知道都忍唔住大叫左出黎。」
「都唔明點解你女朋友可以忍到要同另一個人分，因為係孖生姊妹？
」屌，再講落好似會出事。
黑仔：「咩同另一個呀，阿明頭先話今年Form5既插班生都係佢女朋友喎。」
Cody：「咩話！？全部！？
」同上次一樣，佢又突然嗌左出黎。全班人都望住佢，黑仔同我兩條友忍笑忍得好辛苦。
佢好快就意識到自己又再一次犯下同一個錯誤，即時伏低。
Cody：「I hate you…
」痴線架，賴我。
之後大家都開始投票，結果都非常大路，揀左去個郊野公園，不過個名我就未聽過，咩船灣。
諗開又係，如果我地各自去唔同既地方，會唔會反而係一個解決方案？
咁大家就唔會嘈啦，係喎點解我咁蠢，咁都諗唔到？
阿豪：「旅行地點就決定左啦，麻煩大家自己分組啦，照慣例八個人一組啦都係。」
「呀仲有第一個班際比賽都就快到，有無手足有興趣玩閃避球？有就同我講啦。無乜野的話大家就閃人吧，聽日見。」
阿豪佢講完就第一個走左去，班房入面既其他人都無佢咁快手，大家都留低係度傾分組既野。
黑仔：「點？阿明同唔同我地一組？」
我：「好呀，仲有邊個？」
黑仔：「加埋浩賢，阿希同諾賢都係五個咋。」
我：「喂咁剩低三個你搞掂埋佢啦，我今日有d野做，你明架啦，走先啦。
」黑仔：「得啦聽日見。
」我同黑仔道別完之後就起勢咁跑向Sarah班房，希望係最短時間內接到佢。
不過，當我經過B班班房既時候，Anna咁岩就行左出黎。
Anna：「喂傻仔明，咁急去邊。
」我：「去接Sarah…同你囉，你行得未？」
Anna：「今日唔同得你地返去喇，我要練習。
」我：「咁…我行先喇。
」Anna：「走啦，我一早知道左發生咩事啦，我同你一齊去。
」屌你幾驚你會嬲我大細超…
之後，我就同Anna一齊去到Sarah班房，但一去到我就已經見到有個男仔同緊Sarah講野，Sarah神情仲要有D唔開心。
Anna：「會唔會就係呢個男仔？仲等乜呀你，快D入去吧喇。
」個男仔好似好大隻下喎…我夠唔夠佢打架…唉唔理啦，我仲有得揀咩而家。
我鼓起勇氣，走入去班房，大大聲咁講左句野。
「離我女朋友遠D！
」聽到我咁講，全個班房既人都望住我，包括Sarah。但只有個個纏住Sarah既男仔無望過黎，繼續望住Sarah。
豈有此理當我無到！
我把心一橫，走埋去一下拖走Sarah，就好似當日係潮特既咁。
Sarah既反應亦都同上次一樣，先係驚訝左一下，但好快就配合我，跟住我走。
只不過我地兩個行到去黑板個陣，我突然feel到有股阻力扯住我。
我擰轉臉一睇，果然係佢拉住我。
我：「放手。」
男：「你識唔識禮貌？我同佢講緊野，你就咁拉佢走？」
我：「因為佢係我女朋友，明未？講多次，放手。」
男：「你係Sarah男朋友？就憑你？會唔會太自以為是？」
吖…屌你你咩態度…
我：「我…」
Sarah：「事實上佢就係我既男朋友，所以我唔可以接受你呢位初次見面既人既表白，麻煩你放開你隻手！
」Sarah小有地激動，我自己都嚇左一跳。
聽到Sarah佢咁講，個男仔都稍為鬆開佢隻手，不過當我打算缩手個陣，佢居然又再捉實我。
男：「你同我鬥波！你輸左Sarah就要做我女朋友！而家就同我去學生會申請！
」痴線架你邊個會同你玩，喂喂喂拉我去邊！放手呀喂！！
佢好大力咁拖我出走㾿，隻手好似就快比佢扯斷咁。
我無其他辦法，唯有一啖咬落去。
果然，牙咬幾時都咁有用，佢痛到即時縮手。
我無放過呢個大好機會，即時調整好自己既姿態，企返起身。
屌，隻手紅哂添比佢搞到。
我：「新校規唔係比你咁用囉好無？仲有你當人地係咩？係件物品？輸左就比你拎走？你無野呀？
」 聽到我咁講，走㾿上既人都開始注意到我地，包括Anna，大家都開始議論紛紛。
面對群眾既壓力，條友都開始縮，最後一支箭咁走左去。
主角一走，圍觀既人都開始散去，最後只係得返我，Sarah同Anna係度。
我：「搞掂，走囉。」
我只係dup低頭拍拍身上既灰塵啫，佢兩個就已經攬住左我。
兩個都傻傻地。