「無啦啦多左幾個家姐同細妹 Season 2」: 危機

大鑊啦大鑊啦，今次真係大件事啦。

應該無乜可能可以同佢地五個去埋同一個地方架喎，我地始終都分散係五班。

我：「知唔知同一個地方最多可以俾幾多班去？」

Cody：「好似係三班，學校話唔想阻到其他人使用場地，所以好似最多俾三班去同一個地方。」

仆街喇咁，佢地會唔會嘈到耳膜穿架。

Cody：「做乜咁問？啊你兩個女朋友係唔同班，咁真係麻煩囉。

」

佢字裏行間充滿了譏諷既味道，但問題係…

我係有五個女朋友…

點算呢…

最慘係我地今日唔一齊食lunch，佢地各自有自己節目，無得睇佢地眉頭眼額。

行錯一步的話，佢地可能有排嬲。

阿希：「喂阿明你搞乜，碗麵凍哂啦仲唔食。」

我：「哦係喎，唔該。」

多得阿希既提醒，我先記得食碗麵，但可惜已經凍左，唔好食了。

黑仔：「喂我諗我地差唔多都係時候搞下活動？收左會費唔做野會唔會俾人屌架。」

阿希：「咁呀？搞囉，搞個播映會？播未聞花名？」

我：「隨便啦，但淨睇咁on9？

」

阿希：「屌，細節遲D再搞啦，份財政報告呢話時話？搞活動又要mark低D支出。」

黑仔：「之前係Kathy負責處理，不過佢最近都無返學。

」

阿希：「直頭變左失蹤人口添啦，佢咁靚，會唔會被人捉左去禁室培育呢可？

」

我：「屌，講野唔好咁衰啦。

」

唔知係咪因為知道左Kathy係阿樂個妹，聽到阿希佢地咁講佢個心硬係有小小唔舒服。

阿希：「咁幫住人，對人有意思呀你？想同我爭？

」

我：「屌，講呢D。

」

黑仔：「你爭乜鳩吖，之前Kathy都特別留意阿明架啦，你邊夠…」

「阿明！！

」

就係黑仔講野講到一半既時候，有把非常熟悉既女聲突然傳入耳中。

係Sarah。

佢突然出現係我地soc房門口，仲喊哂口咁跑埋黎。

咁身為佢男朋友既我，當然係第一時間安慰佢同關心一下佢到底發生左d咩事。

個一下，我直頭唔記得左阿希佢地都係度。

我：「做咩事呀！？

」

Sarah：「頭先…頭先有人同我表白呀！

」表白！？邊個咁大膽同我女朋友表白！？

不過我都未黎得切問到底對方係咩人，我身後就已經傳黎人聲。

阿希：「喂阿明，佢咪係…

」

唉呀，今次大鑊啦，無諗過會係呢D情況之下俾佢地知道添。

Sarah：「阿明，佢地係你既朋友？

」

Sarah聽到佢地把聲之後終於發現左原來呢度係有其他人係度既。

我：「eh…係呀…佢地係…」

阿希：「係吖係吖！你好呀Sarah！我地兩個都係阿明既朋友黎架！我叫阿希，佢叫黑仔！

」

我都未諗好點樣介紹佢地，佢地就已經自己介紹左自己。

Sarah：「哦哦…你地好…我叫Sarah，我係阿明既…」

講到最後個句個陣，Sarah望一望我，應該係想問我應該點解釋我地既關係好。

我咩都無講，只係點一點頭。

都已經差唔多十一月啦，唔洗再隱瞞啦我估。

Sarah：「我係阿明既三家姐，亦係佢既女朋友。

」
阿希：「咩話！？我有無聽錯呀！？

」

佢叫得好撚大聲，我肯定全層樓都聽到咁濟。黑仔都應該係咁諗，因為我見到佢即時掩住阿希把口。

阿希表情好鬼死激動，仲係咁掙扎，最後黑仔都係放返開佢。

阿希：「又家姐又女朋友，你地亂倫喎師兄！

」

阿希既語氣雖然仍然係好激動，但係聲線比起頭先已經明顯降低左好多，睇黎佢都知自己太大聲。

Sarah：「我同阿明唔係親生姊弟，所以其實唔太算係亂倫。

」

黑仔：「係喎，阿明係姓陳，Sarah係姓曹架喎。

」

阿希：「但係佢地又話係姊弟，咁應該…屌媽我好亂呀。

」

我：「其實呢，同我一齊轉校入黎既五個女仔…」

「都係我女朋友。

」

我終於都講左出黎。

咦…但係點解…佢兩個無反應既。

哦屌。

原來佢兩個已經對住我舉起左隻中指。

阿希：「FF少陣啦撚樣。

」

黑仔：「你不如話全校D女都係你條女啦。

」

我：「呃你做乜，你地唔信咪問下佢囉。

」

所謂既佢，梗係指Sarah啦。

Sarah：「係呀，我啦，Anna啦，Yui仲有Ellen同Ellie都係阿明既女朋友。

」

聽到Sarah好開心咁講呢句說話，阿希佢地當場崩潰。

阿希：「痴線架！咩世界！

」

佢用個哭腔一邊講一邊跑左出去，黑仔笑笑口咁跟住佢出去。

黑仔：「好啦你地慢慢傾，一陣見啦阿明。

」

就係咁，間房就得返我同Sarah兩個。

我：「係喎，你頭先話有人同你表白架？

」

Sarah：「呀！係吖！差D唔記得左！我岩岩食完lunch返黎，有個男仔突然走出黎，話好鐘意我，叫我俾個機會佢喎。

」

一提返起表白件事，佢就開始激動起黎，眼淚好似就流出黎咁。

我：「乖，唔好喊住，咁個個男仔你識唔識架？係咪你D同班同學？」

Sarah：「唔識架…我印象中係第一次見佢，佢咁突然搞到我好驚…

」

我：「唔洗驚，因為你太靚啫，我而家送你返班房先，放學再去接你好無？

」

Sarah：「咁如果佢一陣又出現係我面前既話咁點算好…？」

我：「你頭先係咪嚇到即刻走左？」

Sarah：「係呀…驚吖嘛…

」

我：「咁你其實已經叫做俾左一個非正式既答案人啦，無事既，返去先啦。」

我搭住佢膊頭，開始帶佢離開。

一路上，我都無鬆開自己隻手，繼續搭住佢既膊頭，沿途都引黎不少目光。

其實都係我做得唔好，如果我唔將我地既關係收收埋埋，就唔會搞成咁。

唉，要佢受驚了。

好快，我地就到佢既班房門口，入面既人都望住我地，仲指哂手劃哂腳咁。

我：「好啦，入去啦乖，一陣再黎接你。