「無啦啦多左幾個家姐同細妹 Season 2」: 現身

晨：「總知而家除左等查到個女仔身份之外我地就無野做到啦係咪。」

「啊，或者搵到個隻鬼出黎都得。哈哈。」

晨哥呢d咁輕鬆既態度，反而令我更驚。

愛麗絲：「的確，無乜野可以做，我都係第一次同死人交手，唉真頭痛。」

晨：「咁解散啦，我返去訓覺先。」

愛麗絲：「喂咪走，我有其他野要同你講。」

晨：「咁麻煩架，唉去你房再傾，我記得你間房有張大梳化？」

愛麗絲：「你夠膽整污糟張梳化我就殺左你。」

晨：「哈哈，好得人驚咁喎。」

佢兩個係度談笑風生，好似完全唔記得左我同阿惠仲係度咁。

我：「我想問…」

愛麗絲：「啊你地兩個可以返去架啦，呢排自己要小心D，原因你地自己知架？」

我：「哦唔該，喂走啦阿惠。」

惠：「走得嗱..？」

睇佢個樣相當疲倦，睇黎佢悶到就黎顛。

之後我就同阿惠去左附近既餐廳食小小野，順便再傾下阿樂既事。

我同佢都認為就算阿樂真係未死，佢都無可能會做D咁既野，肯定係有人用佢個名去搞咁多事出黎。

而且個個人肯定係好了解阿樂，如果唔係肯定唔會識得搵到去我地度。

點樣諗最後既答案都係得一個人最有可疑，阿威。

不過佢應該無辦法搞咁多野，唉屌真係好煩，諗到頭都爆。

阿惠勸我唔好諗咁多，如果唔係盞會比Anna佢地發現，因為我份人咩事都會放哂上塊臉度。

無辦法，就暫時將呢件事放係心度先啦，講開又講，件事好似差唔多兩個月了。

真係想快D搞掂件事呀…我好似仲未過到我想要既學校生活咁。

之後，我就扮到若無其事咁返到屋企，發現佢地五個都係哂度，地下仲有好多紙。

我：「嘩搞乜咁亂呀？」

Ellen：「下個星期就係學生會選舉啦，我地係度傾緊有關拉票同辯論既野囉。」

我：「係喎原來下星期就係…咦點解你唔叫我幫你助選既？」

Ellen：「見你呢排好似有野煩緊咁，所以我咪廢事煩你囉，自己同Anna佢地搞掂就算~」10真係俾佢地發現到，算喇再瞞落去只會令自己辛苦。

我：「我有野想同你地五個講…」

我之後就將呢兩個月既事一五一十全部講哂出黎，就連我比人襲擊我都坦坦白白咁講埋出黎。

出符我意料，佢地幾個聽到之後居然無乜特別反應，只係聽到我比人打個part緊張左一下。

只有Yui同Anna個樣睇得出比較擔心。

我：「點解你地好似無乜感覺既哈哈。」

Sarah：「因為我地大概都估到係咁既事囉，係你的話，會惹呢D事返黎都唔出奇。」

Anna：「你呢份人真係…點解你永遠都咁易吸到仇恨返黎架…」

Anna講完即衝左埋黎，狠狠咁打左我個肚一拳，搞到我成個人失平衡，向前跌。

不過我並無跌到落地，Anna接住左我，仲將我緊緊咁抱住。

Anna：「下次要一早同我地講呀傻仔明。」

我：「仲有下次？唔好喇掛。

」

Ellen：「呀Anna好奸呀！我又要抱！」

Sarah：「我又要！」

我又變左一隻毛公仔咁俾三位女士爭奪，手腳都就快被扯斷。

不過，講完之後成個人好似輕鬆左好多。

之後我就坐左埋一邊，睇佢地五個繼續忙呢樣忙個樣。

感覺好似返返去上年大家一齊搞學生會既時候，個陣忙到死，但真係好開心。

個陣大家都好有目標去做好一件事，就係消除階級制度，雖然幾經波折，但我地最後都做到。

不過如果有人早幾年就咁做，阿樂就可能唔洗…

如果阿樂睇到而家既聖所羅王，佢會唔會好開心呢？

其實佢以前係聖所羅王個陣又係以咩心情過日子架呢？

Ellie：「諗緊咩啊你。」

我：「無，只係有d攰啫。」

Ellie：「但係你隻眼濕哂喎。」

我：「唔好踢爆我啦Ellie。」

無錯，我其實不知不覺咁喊緊。

而家提返起阿樂令我好想比佢睇到而家既聖所羅王同我，兩者都有好大既變化。

學校變好左，我係學校亦識到好多朋友。

如果佢可以見到呢一切就好…

Ellen：「弊啦，唔記得去拎之前交俾鋪頭印野添。」

Yui：「你係話準備聽朝派俾全校個D？」

Ellen：「係吖，慘啦慘啦，再唔派可能會比其餘兩個閣截糊架~~