「無啦啦多左幾個家姐同細妹 Season 2」: 因緣
聽到佢咁講，我好出奇咁望返過去佢個邊。
我無諗過佢會主動提返，不過既然人地都開到聲，咁做人都要大方D。
我：「其實都係岩岩先發現到，所以除左我之外應該無人知，如果本身係無其他人知的話…」
Cody：「可唔可以幫我保守呢個秘密？」
我：「當然可以。」
Cody：「其實我以為呢個秘密會守到去我畢業都無人知，無諗過會比你…」
「登登登登~」
啊，放學喇。
Cody：「睇黎今日唔係一個適當時候講，有機會再講啦都係。」
講完之後佢就起身拎書包走，速度快得驚人。
我諗佢其實都做好心理準備話我知…
我估而家應該唔再需要哂時間查佢啦，都係專心起左…
Kathy:「阿明~你見好返D未呀？」
佢底先喇…
好煩呀佢…好似故意接近我咁。
我：「好返d啦有心，我今日有事做，走先喇，聽日見喇都係。」
Kathy：「但係我地想傾下學會既野喎，你知唔知呀，我地已經收左十個新會員啦。」
我：「哦咁快，咁真係可喜可賀喎。」
阿希：「多得Kathy周圍去宣傳咋，我地學會肯定會變到全校第一大soc！」
我：「一齊努力啦咁。我要行架啦。」
浩賢：「聽日見喇阿明。」
浩賢舉起個拳頭，我都好快反應，同佢黎個撃拳。
男人之間咁做真係好型。
我之後就離開左班房，原本想話去接埋Sarah佢地，但點知行哂咁多間班房，只係搵到Sarah。
我：「佢地呢？」
Sarah：「Anna有事做走左，Ellen就去左傾學生會，Ellie就陪Ellen。」
我：「咁Yui呢？Yui去左邊？」
Sarah：「Yui而家join左烹飪學會呀你唔知咩？」
我：「吓！？真係架我完全唔知喎！今日食lunch佢都無提過！」
Sarah：「咁可能佢想俾驚喜你咯，你當無聽過啦哈哈。」
估唔到Yui已經活躍到主動去參加學會，真係好呢。
我：「咁即係今日得我同你返屋企咯？」
Sarah：「係吖，咁不如我地去行下先？反正咁早返到去屋企又無野做，好似呢區有趣好多。」
我：「咁一如咁話啦，去食燒賣好無？」
Sarah：「吓兩個人去飲茶…？」
我：「哈哈唔係個d燒賣呀傻，你仲未去過小食部？」
Sarah：「未呀，小食部成日都咁多人，我又唔想迫，所以到而家都無去到。」
我：「咁等我帶你去試下啦~」
於是我地兩個開開心心咁一齊行出校門，卻遇上一個不速之客。
阿惠。
阿惠：「好耐無見啦老友，上車啦。
」 阿惠居然會係度出現！？我：「係咪有乜事呀，你居然會專登走黎呢度。
」阿惠：「想見下朋友，所以咪黎。Anna哥呢？其他人呢？點解得你兩個既？
」我：「佢地而家各自各精彩啦，無人care我架喇。
」Sarah：「咩啫，我而家咪係你身邊。
」我：「哈哈，多謝你囉。
」阿惠：「阻住兩位打情罵悄唔好意思，我地不如上車再講？」
我：「係喎，你想同我去邊？」
阿惠：「返聖所羅王。」
我：「做乜無啦啦搞咁多野黎請我返去？我地想返去自己會返去架啦。
」阿惠無答我，只係默默咁點左幾下頭。
我唔知點解對呢幾下點頭好敏感，直覺話我知有D事發生左。
阿惠既感覺唔同左，好似無以前咁多野講，無左種活力咁。
我：「上車啦Sarah。」
Sarah：「吓但你唔係話要同我去食野咩？」
我：「下次先啦，乖。」
我甚至打開左道車門，想Sarah即刻上車。
好彩佢善解人意，無再問長問短，乖乖咁上車。
我好溫柔咁閂埋道門，再望一望阿惠。
阿惠：「多謝你，兄弟。」
我：「小事，有乜一陣再講。」
我一邊講一邊搭阿惠膊頭，仲好似Winter Soilder咁搓左兩下，之後就同阿惠一齊上車，去聖所羅王。
途中我有send msg去個group度，希望佢地幾個做完自己野會黎join我地。
好快，我地就到左聖所羅王書院。
好似都仲係無乜變化咁…不過又係既，我走得個幾個月，邊有可能有乜大變化。
阿惠：「入去啦，佢地都等緊你。」
佢地？
阿惠懶係神秘咁，咩都無講，只係一味帶我地去學生會。佢地唔通係指Ash佢地？
我估既果然無錯，係學生會室等緊我地既真係Ash佢地。
Alex係第一個發現我地黎左既人，佢開心到即刻放低手上既工作，走埋黎迎接我地三個。
Alex：「好耐無見啦阿明！最近幾好嘛？」
我：「幾好呀，你地呢？」
Alex：「如你所見，忙到嘔咁濟囉，呢排仲要準備年度報告，更加忙。」
佢指指身後個堆文件，嘩堆到山咁高都有既。
係喎而家學生會得返佢地三個…
我：「真係辛苦你地三個啦，對唔住呀將個重擔拋比你地…」
Alex：「哦咁又唔洗道歉既，到而家我都好支持你呢個決定架。」
「而且，我地而家唔只三個人架，我地有唔少幫手。」
我：「幫手？邊個？」
阿惠：「你記唔記得收過ABC三條𡃁呀。」
我：「ABC？哦…講明先呀，我無收佢地做𡃁架，佢地點解會幫手既。」
Alex：「有一日Ash係學校拎住一大箱野跌親，佢地三個咁岩經過見到咪幫手，之後我地傾落，佢地就開始幫我地手，仲叫左唔少人黎幫。」
我：「咁好呀佢地，我都想見下佢地添，佢地走左未？」
Ash：「應該走左…佢地岩岩幫我地拎水返黎，我仲聽到佢地話要去補習，所以應該走左。」
噢，實在太可惜喇。
聽到Ash把聲之後，一直企係門口悶悶不樂既Sarah先精神返，走左埋去搵Ash傾計。
Alex：「Ash，不如你帶Sarah去睇下個新花園？」
Sarah：「新花園？咩黎架？」
Ash：「我帶你去睇下吖，跟我黎。」
Sarah：「好呀好呀，咁我地一陣見啦阿明！」
就係咁，兩個女仔就開開心心咁走左，留低我地三個。
我知道Alex係有心洗駛開佢地兩個。
我：「點呀，大費周章咁叫我返黎做乜？唔會係單純想搵我敘舊掛？」
阿惠：「我前兩日去睇過阿威，佢講左d野令我好在意，我覺得一定要話你知。」阿威呀…？
一提起佢，我就忍唔住開始係間房周圍行。
我唔係因為嬲所以咁，岩岩相反，我咁做係懷緬緊我地幾個既過去。
我係知道一切既個日真係好嬲佢，好想打死佢。
但到而家，我已經無左呢種感覺，而家提起佢，我第一時間都只會諗起以前大家一齊既開心事。
不過算啦，我同佢永遠都唔會再係朋友架啦。
我望住部籃球機，個部佢成日玩既籃球機，深深咁嘆左一口氣。
我：「佢講左D乜。」
阿惠：「佢話有人去搵過佢，打聽左好多有關你同七星既野，仲有…」
我：「唔怕講喎。」
阿惠：「問佢有無興趣一齊報仇。」
報仇…講到咁嚴重？我都只係一個學生啫，唔洗咁呀？
不過我估呢個人就係之前李生同愛麗絲話既個個人，應該係同一個人。
我：「佢有無話係咩人？」
阿惠：「佢無直接講條友係邊個，但佢講左一句「估唔到會係佢，世事真係神奇」，所以我諗條友應該係同你或者我地有D關係。」
「你估會唔會係阿偉？」
我：「唔會，李生已經將佢送到外國，而且而家既佢根本搞唔出D咩野。」
Alex：「咁會唔會係阿傑？」
我：「應該都唔會…佢應該都無能力做呢d野…」
阿惠：「其實阿明你係咪一早知道呢件事？我見你既反應好似好平淡，好似一早知道會有呢d野咁。」
我：「其實我早排知道左有人查緊我，但會搵到去阿威度我就真係始料未及。」
阿惠：「咁你有無乜野要我地幫手？你即管開聲，我一定盡做。」
我：「無啦，可以做既我都已經做左，無野需要麻煩到你地，你地話呢個消息比我知已經幫左我好多。」
阿惠：「咁Anna哥佢地…」
我：「得Ellie知道呢件事，所以你地千其唔好講出去，你知道Anna同Ellen性格架啦。」
阿惠：「放心，唔會講，應承你。」
我：「好兄弟。」
我同佢地兩個黎一個擊拳，以證我地既友誼。
其實我應該都要多謝埋阿威，佢既情報好有用。
拎住呢d線索比愛麗絲去查，應該好快就知道對方到底係咩人。
但願對方唔會傷害我啦。
