夾錢中左六合彩頭獎, 但keep飛果個唔見左...: (26)

紅棍既劍, 快到離撚哂譜。 

只見佢係半空中挽一挽劍花, 個鬼佬連把槍都未舉起就俾佢割傷左手腕。 

望住跌落地面既手槍, 鬼佬個表情彷彿唔相信呢個世界上有啲咁鬼神莫測既武功。 

紅棍用劍指住鬼佬既咽喉道:「You are disqualified 」 

見鬼佬塊臉有一道Z型既疤痕，紅棍問道：「Mr. Z?」 





個鬼佬反問佢：”Jacky Chan?” 

「No. He is ing outdated.」紅棍好有型咁撤開把劍，然後chok左個cool樣, 道：「 I am Stick, Red Stick.」 

Mr. Z 咬一咬牙道：”I will be back!” 

之後就好似狗咁跑走左。 

紅棍用褲腳擦一擦劍上的血跡, 道:「死洋鬼子, 不堪一擊。」 





我地三個同時企左起身, 拍爛手掌。 

呀伯讚嘆道:「估唔到老夫有生之年仲可以見到獨孤九劍既傳人, 真可謂死而無憾。」 

「係咩, 咁即係你依家可以去死啦。」發仔道。 

「車, 早知你撚劍咁犀利, 我地就唔使咁狼狽啦。」我笑道。 

紅棍自豪道:「使mud講, 正所謂一劍在我紅棍手, 坦克車都要掉頭走。」 





「咁依家呢…?」發仔神色倉皇咁指住紅棍身後道。 

紅棍轉過身, 就見到Mr Z 企左係門口, 於是道「唔係掛, 使唔使咁快番來啊, 無煮你飯喎。」

Mr Z 露出邪惡既笑容, 大嗌: “Hey! Red Stick! Eat This!!! You Motherfucker!!!” 

噠噠噠噠噠噠!!!!!! 

「出到機關槍咁茅?!」紅棍一個半月形既後空翻, 就跳番入櫃檯後面。 

「喂! 獨孤九劍唔係有破槍式既咩, 仲唔快啲出去做瓜佢!」發仔喊道。 

「破槍式破既係長槍, 唔係機關槍呀, 戇鳩!」紅棍將自己縮埋一舊。 

「咁落去唔掂喎! 個櫃檯頂唔得幾耐家喳!」我嗌道。 





「咁你就錯啦, 呢個櫃檯係用古墓寒玉所造成, 好撚硬淨, 有興趣開個價呀。」呀伯係呢個時候都仲要sell野。 

好在Mr Z始終都有啲忌諱紅棍既劍法, 唔係既話佢一早入左來射瓜哂我地。 

「喂! 發仔你係度做咩呀?」紅棍詫異問道。 

只見發仔係褲袋攞左盒避孕套出來, 然後又搬開左兜煮到淋哂既麻油麵。 

「搞mud春呀你, 呢個時候先來食麵?!」我叫道。 

「咪撚嘈啦, 我要將啲煤氣泵入啲condom入面呀。」發仔一講完, 就將其中一個避孕套笠左落個爐條煤氣喉度。

「嗚呀! 你個fd痴撚左線呀…!」呀伯攬住我哭道。 





發仔手上個套此時好似氣球咁吹漲左。 

望住個粉紅色既波, 我問:「係幾得意既, 之但係有咩用呢?」 

「mud你地無睇李燦森好多年前拍果套戇鳩喪屍片既咩, 呢樣野可以用來做手榴彈家!」發仔幫個「氣球」打左個結。 

「得唔得家?」紅棍懷疑道。 

「撚知咩, 試下咪知咯!」發仔一邊將個波向後掟出, 一邊大嗌: 

「炸你老母仆街含家鏟!!!」