夾錢中左六合彩頭獎, 但keep飛果個唔見左...: (25)

「FOOK?!」我燥狂道: 「呀伯你係咪玩鳩我呀!」 

呀伯道:「小兄弟稍安勿燥, 如今霉氣盡散, 自必一帆風順。」 

「順你老母, 我條氣就真係唔順啦!」我用手係咁抺個後腦, 但係呀伯都唔知用既係咩顏料, 啲紅字卒極都唔甩。 

「相由心生, 福從頭起, 一切皆有法, 若然小兄弟參悟不透, 本道亦無計可施。」呀伯行返去櫃檯後面就無再理我。 

「食屎啦! 原本個FUCK字都幾型既, 依家咁都唔知似mud!」我咆哮道。 





發仔仲係笑過唔停, 道:「唔係呀, 幾cute吖, Phoenix 妳話係咪喇?」 

「咦? Phoenix呢?」紅棍問道。 

「唔撚理呀! 呀叔我要發爛喳!」我氣沖沖行去一個古董花樽隔離, 諗住將佢打爛洩忿。 

點知我未旭手, 個花樽就「砰瑯」一聲自動爆開左! 

「嗱…你地見到啦, 唔關我事家。」我舉起雙手以示清白。 





焦! 焦! 焦! 

「唔撚係呀, 又殺到來?!」發仔第一時間跳左去櫃檯後面。 

「咪住, Phoenix去左邊呀?!」我四圍望都搵唔到佢既踪影。 

焦! 焦! 焦! 

門口既玻璃此時全被射爛。 





「唔好理住啦! 喱左入來先啦!」發仔向我揚手道。 

風頭火勢, 我唯有跟埋紅棍一齊伏左係發仔隔離。 

「好香喎?!」紅棍道。 

原來呀伯偷偷地係檯底set個爐, 一直係度煮緊出前一丁麻油麵。 

只見呀伯仍然泰然自若地負手站於槍林彈雨之中。 

對於佢泰山崩於前而色不變既氣魄, 我由衷感到欽佩, 於是抱歉道:「呀伯, 好對唔住, 之前仲誤會你無料到…」 

「咦, 點解佢腳邊有灘黃水?」紅棍問。 

發仔聞左一聞, 即時大叫:「屌! 仲以為佢咁撚型, 原來條友嚇到瀨尿啊!」

呀伯淆到連把聲都震埋, 道:「咁多位大佬, 最多我俾番錢你地吖, 唔..唔好殺我啊…」 

「咦? 你頭先啲文彩去哂邊？」發仔道。 

「都係搵啖飯食者…」呀伯慚愧道。 

「屌你個岳不群！仲想食飯既就趴低啦!」發仔扯左呀伯落來。 

呀伯一趴低, 就有人行左入鋪頭。 

聽腳步聲, 對方只有一個人。 





“You bitches better come out!” 那人叫道。 

“Fuck you! Fuck you very much!” 發仔嗌返出去。 

“Wow, somebody got nuts” 那人道。 

「奇怪, 點解佢會知我有帶花生?」發仔問我地。 

「真係俾你吹鳩漲, 你喺直升機上面啲英文唔係好好既咩，仲知道Mr. Z講乜家。」紅棍問。 

「車, 我果時都係用呢個Apps來翻譯喳嘛。」發仔攞左部i phone出來。 

“Holy shit” 我鄙視發仔道。 

只見i phone既螢光幕上即時顯示:「神聖的屎」

「唉，你地啲後生成日靠埋哂呢啲濕鳩app, 好心就進修下英文啦。」呀伯搭嘴道。 

「Shut the fuck up啦! Old seafood! 好過你成日係度知乎者也呃鳩人啦！」發仔反駁道。 

“I am gonna count to three”出面那人道。 

「呢鋪仆街喇! 人地有槍，我地又無架撐, 點同佢鬥?」 我急到全身出哂汗。 

“One…” 

「咁又未必。」紅棍一個打滾碌左向右, 將掛係櫃邊既一把劍拆左落來。 

「千祈唔好呀! 呢把龍葵實屬不祥之劍，用者必死於非命。」呀伯慌張道。 





「紅棍你唔好信佢，我見到劍尾個價錢牌寫住要成廿萬一把，咁貴一定係好野！ 」發仔眼利道。 

紅棍一拔劍鞘, 全屋登時寒氣大盛。 

“Two…” 

「果然係好劍!」紅棍一握劍, 就同我揸起軩盤一樣, 成個人唔同哂。 

“Three! Time's Up!” 

「PUT DOWN YOUR GUN!!!」紅棍大喝一聲，然後用劍向地面一撐, 成個人就螺旋型咁轉住出去。 

「盪劍式?!」呀伯驚訝道，地板灘水變得更大。 

「正，又有戲睇。」發仔又攞左包花生出來剝。