每個人，都試過鍾意一個讀VA既女仔: 第三十章

「你……講咩呀？」到底發生什麼事，為何她會突然問這條問題？

「我同你係兩個唔同世界既人，一齊都唔會有好結果架啦。」

「你又知？」

「……」CYNTHIA彷彿不有預料到被我這問，一時未有答話。

「我係一個好獨立既人，特別係因為佢，令到我更加獨立……比起兩個人，我更加鍾意自己一個人咁生活。」





「你呢句係……出至真心？」

「之前既我都有嚮往過嗰啲好童話式好浪漫既愛情故事，但係依家人大咗，諗既野又唔一樣。」也許，她所說的話，我永遠也不會明白，亦不能體會得到。

照這樣來說，她算不算是我表白之前已經拒絕了我？

「我約咗人呀，走先啦。」

食罷，我和她便在附近的地鐵站分道揚鑣。





咁……我依家算係點樣呢？

打了電話給加拿大仔和肥正，但他們都有事在忙而未能出現。此時，心中突然浮現出一位沒有太深交情既人。

「點呀？佢拒絕咗你？」KITTY聽到我來電後，沒多說什麼便約在海旁相見。

我把CYNTHIA的話全告訴給KITTY，她卻微微一笑﹕「我一早就講過佢唔係咁易追架啦，咁你依家想點？」

「我都唔知……」清勁的海風打至我臉，令我精神為之一振，一時忘了現在還是炎熱的九月。





「我剩係想響中學生涯拍到一次拖，好似你同肥正咁……」

「我同佢？哈，乜佢冇同你講我地最近發生咩事咩？」

「吓，你們發生咩事呀？」回想起來，近幾天，課室的確少了KITTY的身影，而肥正又好像比以前更有空，除了今次之外，基本上也算是隨傳隨到。

「冇啲咩既，咪又係熱戀期過咗之後，大家感情開始變淡嗰啲囉。」

「有冇咩我可以幫到手？」

KITTY只是坐在海旁的長椅上，呆望著大海未有回答。

「有啲野，唔係外人可以解決得到，就算係我，都冇可能完全明白佢諗咩……」這句話不難聽出她內心雖有傷心，但又極為無奈。

「講返你嗰邊啦，其實你最想點呢？」





「我剩係想同佢……有進一步既關係囉。」海浪拍打著岸邊，顯得氣氛格外的清靜。

「咁就不如唔好理咁多，跟住自己個心而行動一次。」KITTY乾脆脫了平頭鞋，盤腳而坐﹕「反正你個心一早就有咗答案，你搵我都只不過係想我講你心中既答案出嚟姐。」

「你既意思係……」

「去馬啦，唔去你就會後悔一世。就算失敗都好，起馬無悔先啦﹗」KITTY拍拍我的肩膀﹕「我同肥正一定會支持你架﹗」

「嗯﹗」

其實KITTY講得啱，我約佢出嚟根本唔係諗住聽佢分析。我剩係想從佢口中得到肯定。

「話說你同肥正嗰到……」解決了我那方面之後，是時候關心一下她的近況﹕「淡咗咪見多啲囉，冇問題架。」





「唔係咁簡單架……好多野淡咗就係淡咗，見幾多都冇用。俾你見到佢個人又點喎，佢個心都唔係諗緊你。」

「你唔明架啦，等你同CYNTHIA拍返兩三年拖先啦，到時你又會明。」此時，我看不清到底KITTY臉上的笑容是扮裝出來還是出至真心。

但不明瞭也罷，反正今天之約已經足以令我有了決心行動。

雖說行動，但實情我也不知該如何實行，只好暫時作罷，畢竟今天都已經是星期天，但手頭上的功課可是一份也沒做過。

「屎忽﹗」

？

正當我努力把手機裡頭肥正給予我的功課答案搬字過紙時，CYNTHIA突然傳來一個WHATSAPP。