每個人，都試過鍾意一個讀VA既女仔: 第二十七章

「套戲好唔好睇呀？」待我們步出戲院後，cynthia的手依舊挽著我的手臂，而我也樂得被她挽著一輩子。

「吓……好睇，好睇呀﹗」事實上，戲院中的我根本害怕得不敢張開眼睛，因此實情是，我連電影的主要情節也未必說得出。

「屎忽你係咪男人嚟架﹗」cynthia忽然鬆開了我的手，害我不禁止住了步伐。

你……問我係唔係男人？





「咁……人地真係好驚呀嘛……」嗯，在這情境之下，我不是男人。

「套戲一啲都唔驚囉好冇，我以前睇嗰套……」cynthia沒再把話說下去。而我也突然回想起，在cynthia給予我的票尾之中，有一套也是鬼片。

「……」

「你唔係話睇完戲之後食野咩？我地行啦。」我嘗試打開話匣子。

「嗯，好呀，我地行啦……」但明顯地，cynthia的心情早已減退了不少。





今次……大獲了……

「唔好唔開心啦……」這句話，應該是天下間最無聊的廢話。

「冇，我冇唔開心呀。」cynthia強顏歡笑著。

我知道，我該做些什麼，可是……我不敢。

「真係咁鍾意佢？」





「唔係呀，我一啲都唔鍾意佢，我好憎佢呀﹗」但cynthia的眼睛已經出賣了她，早已泛起了淚光。

「如果唔介意既話……」我的手臂傳來一陣疼痛感，cynthia再也忍不住，哭了。

「唔好望過嚟。」

「吓？」我連忙掏出紙巾給她，但她依舊像上次般未有接過。

但是今天，我卻明白她為何如此。

「其實點解你要人前人後都忍住自己情緒？」

藝術家性格﹕唔會輕易對人面前展現出自己最真實既情感。

「俾人知完，咁又點？」cynthia輕拭眼淚，裝出堅強的樣子﹕「反正冇人會幫到你，條路都係要自己一個行。」





「係……但係呢條路既中段，係可以有人陪你一齊行架。」我步進譚仔並坐在二人座位。

「以後，我都會響你隔離，所以你大可以將你既情緒發洩響我身上架。」

「咁我應該會日日打到你不似人形。」cynthia終於被我這句話弄出一個真心的笑容來。

但係呢句……係我既心聲嚟。

「冇問題﹗我好捱得架﹗」

「係咩……」cynthia沒正視我的話，反倒對我之前說的話感興趣﹕「你啱啱問我介唔介意啲咩呀？」

「吓？冇野呀。」





「講啦。」

「係囉，講啦。」肥正再次不耐煩地問道。

「啱啱唔係話聽唔聽都冇所謂咩？做咩依家又咁心急呀？」我把最後一條薯條放進口中，再用紙巾拭嘴。

「得，冇人想知，講咗死全家。」

「唔係喎，我想知喎……」加拿大仔靠近我問道﹕「咁你到底講咗咩呀？」

「我咪話……如果你唔介意既話，我可以用佢既代替品囉……」頓時，我直情覺得自己極為無地自容。

「嘩……肥正，佢直頭係青出於藍勝於藍呀。」加拿大仔拍手叫好。

「原來你都有返上下招數架喎，幾時同我交流吓先？」





「交你個死人頭，我只不過係將我既心聲講晒出嚟姐。」我總是認為，二人相處之道就是以心會友，別老是想著什麼招數。

「不過講開又講，做咩突然之間變到咁大膽架？之前唔係好驚架咩？」肥正不解地問道。

「我都唔知點解……但係我又覺得如果我唔講既話，我會後悔一世。」我也不知道為什麼當時的我的態度會有如此大的變化。

「雖然唔知應該讚你蠢定係可愛好，不過條女點樣答你先係重點。」肥正拍拍大腿示意想起身走走，我和加拿大仔也合拍地步出M記。

「佢呀……我都唔知佢個答覆係咩意思……」我想起她那模稜兩可的答案，還真的猜不透。