每個人，都試過鍾意一個讀VA既女仔: 第二十五章

「好啦。」
 
「yeah﹗」我高舉著牙刷盡情歡呼著﹕「咁我響你樓下隔離間小學門口到等你啦﹗」
 
我懷住極為興奮的心情換好衣服準備出門，值得高興的並不是cynthia願意讓我到她家附近等待她，而是她對我那句「想見多你一陣」並無反感之意。
 
在通往cynthia家的地鐵車程之中，我腦裡只出現我和cynthia一起交往的日子，我們一起行街睇戲食飯曬月光，坐在公園裡認真地為著我們的下一代取名字……
 
「你咁早到既？」
 




Cynthia著上一件裇衫，下身則是一條在膝蓋破了一個洞的深藍色牛仔褲。儘管她身穿是多麼的平凡，不知為何也令我極為之著迷。
 
「做咩係咁望住我呀？係咪有咩問題……」cynthia立馬檢察自己的衣著。
 
「唔係呀，冇問題呀﹗」我回過神來﹕「你今日著得好靚。」
 
「傻既，我邊日唔靚架？」cynthia淘氣地笑著﹕「你成日都咁樣識女仔架？」
 
「唔係呀唔係呀﹗」我急忙辯護著。
 




「係啦……如果我話呢……其實我唔係話好肚餓，想話不如睇完戲先食野，好唔好？」
 
吓？唔係你話不如食埋野先去睇戲咩？唔係我地做咩約早咗出嚟？
 
但以上的只屬個人想法，我未有把它道出，只是微微一笑回答﹕「好呀，反正我都唔係好肚餓。」
 
「咁就行啦。」
 
藝術家性格﹕永遠都唔會有真正既答案，因為佢既答案會跟隨住佢當下既諗法而有所變動。
 




「好心你就唔好成日都口花花啦，冇女仔會鍾意架。」上到列車後，cynthia便一屁股坐下來。
 
「我邊有成日喎……」我坐在她的身旁耳語﹕「剩係對你姐。」
 
話說回來，我也不知道當時我為什麼有這份勇氣說這番話出來，現在回想起也覺得自己有失身份，當時的我鐵實活像一個痴漢。
 
「你睇吓你，又嚟啦。」cynthia沒好氣地說﹕「唔得，我決定我要同你約法三章。」
 
「約法三章？」
 
「第一﹕你要無條件地幫我做功課。」
 
「第二﹕你要同我睇晒以後戲院出映既鬼片。」
 
「第三，你唔可以鍾意我。」




 
這個……這個到底是什麼來的？仔細想一下，第一項當然沒什麼問題，我也十分樂意幫忙。而第二項更是好得再也不過。但是第三項……
 
唔通佢真係好似雞脾姐咁講，已經知咗我鍾意佢？
 
「唔出聲當你應承，三二一﹗」cynthia一口氣地說出這句話，正當我還未反應過來時已經太遲了。
 
「吓？」
 
「冇啦，太遲啦。」只見cynthia向我擺出一副鬼臉。
 
「喂，你數得咁快，我邊到停得切你……」我無奈地扁嘴抗議道。
 
「你地打機嗰啲唔係成日都話可以訓練到反應咩？」cynthia無視我的要求，稚氣地笑著。
 




「係啦係啦……幫你做功課啦……」我嘗試淡化隨後兩項要求。「喂，傑哥仔……」隔天星期日，我立馬相約肥正和加拿大仔二人於樓下的M記進行賽後報告﹕「其實如果你叫得我地咁急就係講埋晒啲咁既野既話，其實我想返去打陣機。」
 
「雖然肥正咁講係有少少唔講義氣……」加拿大仔啜了 一口可樂﹕「但係我又唔反對喎。」
 
「咁你地想聽啲咩呢？」
 
「你睇戲既時候，有冇用到我之前教你嗰招先？」肥正的眼神突然變得十分邪惡。
 
「邊招呀？」加拿大仔不解問道。
 
「有呀……仲好成功……」我帶著些少丟架的感覺回答這問題。