每個人，都試過鍾意一個讀VA既女仔: 第二十二章

「唉，不過依家得幾條友又教唔到佢地啲咩，不如取消算啦。」肥正打著呵欠，滿面疲憊的樣子。
 
「尋日做咩嚟呀你？」
 
「你話呢？佢冇啦啦話訓唔著，叫我陪佢傾電話喎……一傾就傾到見到個太陽啦。」其實回想起，肥正對朋友和另一半，就算沒有一百分也離不遠。
 
「但係……我地會唔會趕唔切架……」
 
「依家得我地兩個，眼前又得五個中一仔，你話點練啦？我就返上去訓返陣，你就諗吓點樣搞返掂你女神啦。」
 




係喎﹗
 
如果以我和其他人吵架，大多數都會等他主動和好，但這次情況不同。
 
因為我冒不起這風險。
 
我怕這次一吵，以後見面也會尷尬。
 
「你對住部電話，又唔係睇緊野喎，做咩呀？」加拿大仔見我神色不對便上前問候。
 




「我好似……得罪咗CYNTHIA。」當時的語氣，就活像是患了絕症的病人。
 
「咩事呀，講俾哥哥聽吓。」
 
我無奈地，把剛剛所發生的事給說了一遍。
 
「如果你就膽死笑既話，我會亳不留情咁一野拍落你個頭到。」太遲了，加拿大仔笑得忍不住拭著淚。
 
「你為咗條肥野，連自己女神就夠膽得罪，做兄弟都算唔話得。」
 




「咁我又唔係為咗肥正先咁…我只係對事不對人啫。」
 
「特別係你嗰句，咩唔好成日都帶埋自己啲負面情緒去人地到，直頭係畫龍點睛，俾著係我，我聽到呢句之後就會即刻走。」
 
加拿大仔的奚落功力，是不可忽視。
 
「我都知自己講錯野呀……咁我依家可以點呀？」我腦中拚命想什麼開場白來，但卻一片空白。
 
「不過講真嗰句呀，好小事啫。我諗佢都係一時無名火起，如果佢真係因為咁小事而嬲你幾日既，呢啲女人不要也罷。」加拿大仔還是給予了一點評價。
 
「佢講得啱呀，做男人就俾啲骨氣自己，吓吓都認錯點得架？」肥正突然坐直腰板，一面正經地說。
 
「咦？你唔係訓咗架咩？」
 
「頭先有個好兄弟咁支持我，老虎蟹都出聲支援你啦﹗」




 
「哈……」其實，我真的很想反駁……
 
我真係唔係為咗你先咁講架﹗
 
回到家後，本想專心地把功課做好，然後與友人打打電動。但心中卻有事而儘管舉筆卻無法寫出一字來。
 
CYNTHIA……
 
雖說左手持著圓珠筆，但右手不停地更新著電話，看看她有沒有找我。
 
最後，我停在與她的對話頁，上方寫著「在線上。」
 
此時，我又回想起肥正今早對我說的話 ﹕「做男人就俾啲骨氣自己，吓吓都認錯點得架？」
 




但就因為這該死的骨氣而斷送了自己一生的幸福，這代價恐怕我也是無法承受得起。
 
「喂……」
 
「？」
 
「你呢……嬲完未呀？」我是一頭認錯的小狗，正乞求同情和原諒。
 
「嗯。」這倒是不難解理，反正她現在也只不過是說著反話對吧﹗
 
佢仲未嬲完……
 
「其實我都覺得班中一好衰架，但係鬧佢地咪只會令佢地更加唔想嚟。」我到底是發了什麼神經才會說這番話。
 
「所以？」




 
「所以……最多咁啦，如果佢地仲係唔聽話既話，我就幫你鬧爆佢地﹗」
 
「唔洗啦，你地覺得你地嗰套方法係啱呀嘛，繼續囉。」
 
「在線上」這三次再沒有出現在電話之上。
 
大獲啦，佢真係好嬲，點算？