每個人，都試過鍾意一個讀VA既女仔: 第二十一章

這個問題我也有問過cynthia，但她實牙實齒地說她不會收兵。再者，她也從不叫我做任何事，所有事都只不過是我自己主動幫她。
 
為什麼？
 
無他，只是想多見她幾面，以及與她交流。
 
這個星期是我們紅社啦啦隊的訓練，隊員則是中一級的學生。基本上也不到他們說同意不同意，因為這是學校的傳統，所有中一學生都必須參與。
 
而早前我向kitty提出負責啦啦隊，也正是幫助教授中一學生，構思一些新口號和動作。
 




也即是說，由這星期開始，我天天都能夠與cynthia一同共事，相處。
 
「點解啲中一冇個準時架？」CYNTHIA一肚子氣地的坐在教師桌上。
 
「都唔係第一日既事嚟啦，咪等吓囉。」
 
的確，基本上除了第一天之外，每天來的中一學生都只有小貓三四隻，眼見還有數星期便要比賽，CYNTHIA自然急得直跺著腳。
 
「講好咗就要嚟架啦﹗仲有呀，呢個啦啦隊係冇得佢地唔參加，年年既中一都要幫手嗌﹗」我想她和我的共通點，便是大家都把承諾看得很重。
 




「話唔定佢地真係有野做呢，可能佢地去晒補課都唔定。」肥正也一同幫口說道。
 
「中一補乜野課呀？如果真係嚟唔到既話，大可以過嚟請假﹗一啲責任心都冇。」
 
看來，我和肥正都無法撲滅CYNTHIA的怒火。
 
「咁……你有咩打算？」
 
「呢班人，唔發一次火都唔得。」
 




意思是……要狠狠地罵他們一次嗎？
 
「會唔會唔係幾好呀……KITTY話要同佢打好關係，唔鬧得喎。」肥正皺著眉，不同意CYNTHIA所說。
 
「唔係點呀？到時比賽既時候一個口號都嗌唔出？定係剩係我地啲組員出去嗌？」
 
「話唔定仲有其他方法呢，你咁樣都唔見得佢地會聽呀﹗」肥正依舊堅決反對此意見。
 
「我唔洗佢地聽，我剩係要佢地出現同埋嗌﹗軟既佢地唔受，咁用硬方法囉，有咩問題？」
 
「麥俊傑，你支持邊個？」
 
好啦，我依家身處響一個兩難既局面。
 
一邊是我結識多年的朋友，亦一邊則是我想追求的對象。我不想得罪兩邊任何一邊，更不想與一方有任何爭吵。




 
「我……冇意見。」
 
因此，我決定了不表態。
 
「唔得，你一定要揀一邊。」
 
「喂，咁我真係冇意見……」我見兩位都同時用上厲眼盯著我，我也只好開口說﹕「咁……我都覺得依家啲中一仔唔係好鬧得既……」
 
先說明了，我絕對是對事不對人﹗
 
「咁啫係點？去到依家都仲好聲好氣咁同佢地講道理？」CYNTHIA聽到我的評論後更為生氣。
 
「你冷靜啲先啦，唔好成日都帶埋自己啲負面情緒去人地到啦。」 須知道，若跟一個正氣得出煙的人著她冷靜點，無疑是火上加油。
 




特別係……我仲要唔小心講埋後面嗰句心底話。
 
「所以係我錯？好囉，咁你地自己搞埋佢啦。」CYNTHIA拾起自己的個人物品，正向門口離去。
 
而我，也總算是意識了剛剛的我失言了。
 
「喂，我唔係咁既意思呀……」
 
沒有用的。
 
她現在的她，不管是誰也聽不進耳。
 
藝術家性格﹕只要情緒化既時候，無論邊個，講乜野都好，都唔會聽得入耳。
 
「咁點呀依家？」你說我的春天……是不是快要失去了？




 
「算你都仲叫似返個人，唔係啲咩重色輕友，如果唔係依家走嗰個係我呀﹗」
 
其實……我寧願走嗰個係你。