每個人，都試過鍾意一個讀VA既女仔: 第十章

談著談著，突然胃裡又是一痛，害得我不得不放下手機，摀住肚子彎下腰。說來奇怪，我一直也沒有胃痛，但自從結識了Cynthia過後，就算是躺著什麼都不做，胃裡依舊能夠給我來個翻天覆地。
 
「明明有食早餐，點解都可以胃痛……」
 
「你見點呀？點解你好似成日都胃痛咁既？」想不到她也有關心住我，不知在她心中，我是有著一個怎樣的位子？
 
「我都唔知點解，明明之前都冇事，係近呢幾日都時不時就痛一陣。」我一邊回覆著她，一邊卻是盡量把頭抬起，好讓老師未有發現。
 
「做咩唔睇醫生呀？」
 


「小小事，唔洗睇啦。」但當一位殺人犯被警察懷疑的時候，唯一會做的事就是假裝冷靜以及無辜，正好和我現時所有的事不謀而合。
 
「麥俊傑，你嚟講吓呢條數應該點做。」
 
大獲﹗
 
雖然就算沒跟Cynthia聊天，我也根壓兒不會懂得如何計算，但現在卻是身處於特別關頭，絕不能答錯﹗
 
讓我先想想最近數學是在教什麼……是三角函數……吧。
 


不要緊，就算不懂還有第二個方法。正所謂在家靠父母，出門靠朋友。在這時刻，就是要投靠身後的肥正。
 
「抵你死啦，我都未同Kitty傾到好似你咁離譜﹗」我只不過轉過頭望向他，他已看穿了我心底裡。
 
係你迫我出絕招架﹗
 
「英雄聯盟，一個造型。」
 
「打橫加條線，之後上面用sin，下面用cos。」果然是肥正﹗要是我的數理天份有他的一半便好了……
 


「算你啦，下次唔好俾我發現你響下面唔知做啲咩呀﹗」老師滿意地點了點頭，並開始派發工作紙。
 
呼，又逃過了一場劫難。
 
「喂，我話要最貴嗰隻造型，你唔會介意架呵？」肥正居然敢給我試探著。
 
「傻啦，記住以後唔好咁易就信人啦。」
 
「你咁講係咩意思呀，冇我既話，你部電話唔知幾時先拎得返呀﹗」肥正的聲線開始因焦急而漸大。
 
對喔，我都忘了查看Cynthia回覆了些什麼﹗
 
「造型就冇啦，俾住份工作紙你先，唔啱既話可以做埋我嗰份。」我隨勢把手頭上的工作報紙全交給他。
 
「你信唔信我報你串呀嗱﹗」


 
「得啦得啦，遲吓清明拜山既時候再燒俾你啦。」傻瓜，我過了海可就是神仙﹗
 
「你條屎忽鬼，鬼唔望你呢世都溝唔到佢。」
 
「屎忽鬼係你嗌架咩？快啲做工作紙啦。」我頭也懶得轉向後頭，急不可待的打開手話看著與她的對話最底一行。
 
「聽日，訓醒打電話俾你。」
 
？
 
這是什麼意思？她要陪我去看醫生嗎？
 
我隨即詢問鄰坐的同學﹕「今日星期幾呀？」
 


星期五。
 
也即是說……她願意周末外出陪伴我嗎？
 
「喂喂喂，佢話要同我睇醫生，我應該點覆佢好呀？」面對著這記問題，我這個戀愛新手可是被難倒了。
 
因此我也只能再次投靠肥正……這位自稱愛情專家，在愛河裡暢泳的男子。

「冇啦啦睇咩醫生？佢終於知你個腦有事啦咩？」這次換來是他沒正視住我，反倒專注於工作紙之上。
 
「我最近胃痛呀嘛，大佬你教吓小弟啦﹗」若果現正是轉堂時份，我想我早已跪在地上與肥正對話。
 
「你同佢講﹕八婆，我做野洗你教？」
 
「唔好咁啦……最多你想要邊個造型，我放學就買俾你﹗」要把這句話說出，其實還真是有點難為情。


 
誰不知肥正竟然模仿著我剛剛的口吻﹕「傻啦，記住以後唔好咁易就信人啦。」
 
「大佬我真係知道錯啦﹗」我把整個身子都伏在他桌上。
 
「麥俊傑你響做乜野？」也對，老師見我姿勢如此不正常，懷疑也是合理。