每個人，都試過鍾意一個讀VA既女仔: 第九章

「認真呀，你係咪唔夠錢買機票返加拿大啫，唔啱我借住啲俾你先？」這臭小子，一定是因為也是A0，所以眼紅﹗
 
「我又洗乜要妒忌呢？依家我冇咩？」說罷，Kitty也正好出現在眾人眼前。
 
「你唔洗返課室上堂架咩？」五個上學天之中，她大概會有兩至三天出現於我們班中。
 
「遲吓先返上去冇乜關係啫，你地傾緊啲咩呀？」
 
「我地既傑仔終於有出頭天啦﹗」肥正逗著我的下巴，弄得我有點發癢。
 




「點解咁講呢？」
 
「仲唔快啲俾人睇吓你同你女神尋日既Whatsapp對話﹗」加拿大仔放下吉他正準備一同觀賞。
 
「原來Cynthia尋晚就係同你Whatsapp所以先冇理到我……等我仲諗住問吓佢通識份Powerpoint做成點。」等等先……你講乜話？
 
原來Cynthia口中的仆街隊友，其中一員竟然就是Kitty？
 
「就係你，搞到我咁晏先有得訓﹗」
 




昨天，我差不多三點才可以再次回到床舖上。也許在埋首於螢幕的你們會認為﹕三點？算得係啲咩？
 
但對不起，我的生理時鐘告訴我，若是我每天都三點才睡覺的話，恐怕這部作品還未見世，我早已於家中暴斃。
 
「你講咩呀……」
 
算﹗在這時勢也無謂與她有什麼衝突。因為一來，過去就是過去，反正事情都已給解決，無需再次翻開事件簿算帳。
 
二來，亦是重點所在﹕因為我仲需要佢既幫助。
 




她與Cynthia是朋友，是作為線人的不二人選﹗那麼我還不能得罪她，反倒甚至要給阿諛奉承。
 
你好野，等我得米之後就同你秋後算帳﹗
 
「咁快就打鐘啦，咁我返上去先啦，你今日放咗學上嚟搵我啦。」別傻了，Kitty這番話當然是跟肥正講。只見肥正默默的點頭示意，Kitty也從後門離開。
 
「其實……佢都唔係想像中咁難相處啫。」腦海中，再三重現她的聲線，以及她那簡單一個表情符號。
 
閉上眼，她的臉孔又浮現出來。這次，她更是模仿著那個表情符號般，噘起嘴正等待著什麼……
 
是我嗎？
 
場景一轉，是在一間電影院裡，只有我和Cynthia兩人。而她，則繼續維持住那個表情……
 
剛剛那道問題，看來是有答案了。




 
戲院播放著什麼電影？我未有為這而加以想像。反正主角也不是那套電影，就算是播著家有喜事也好，這情景依然浪漫。
 
我倆四目交投，臉頰也因而發紅，靦腆一臉。
 
這種，是否就稱之為「愛情」？
 
「大佬呀，發情期就死埋一二邊啦。」肥正再也忍不住我那墮入愛河的神情，直接舉手問道﹕「老師我可唔可以坐第二個位？」
 
睇嚟，我啱啱幻想既時候，個樣都應該好撚樣衰吓。
 
不過雖然Cynthia看似努力的讀書，但實情還不是和我一樣，整天望著抽屜裡頭的手話，沒與站在黑版前的老師對上眼來。
 
我點知？
 




睇佢最後上線時間咪知囉﹗
 
「喂，同邊個咁好傾呀？唔好成日玩電話啦。」雖是和她有著一層之隔，但在電話中，我倆的隔膜就只有那麼一個細小的螢幕。
 
「你咪又係咁﹗」儘管是不難相處，但有時我倒是不懂她在想著什麼。
 
「上緊咩堂呀？」
 
「中文，個呀sir講書悶到傻。剩係跟住本書嚟講有Q用咩？我自己響屋企都識得睇啦﹗」如無意思的話，她應該是被出了名沉悶的老師教授中文。
 
那位老師，可是有著「全班三十位學生當中有二十五位同時在中文堂睡覺」的紀錄，風頭也是一時無兩。