每個人，都試過鍾意一個讀VA既女仔: 第六章

 
「係啦，你地理嗰邊點呀？你地個老師都幾惡頂吓架喎。」我們就在放學時回了她樓下的M記食住薯條隨便的談著。
 
「咪又係咁…我本身英文就唔係叻，地理又鬼死咁多野要串喎，我都幾後悔自己點解唔揀間中文中學嚟讀。」
 
過了那天過後，我倆的關係一時之間踏勘了一大步，也可稱得上為「朋友」。
 
「地理唔係剩係死串字就得架……你等我一陣啦。」Cynthia掏出電話，不知打給誰人。但過了一會兒後，一位女孩走近向她並交了一個文件夾。
 
「你拎住啦。」只見她從裡頭拿出一份筆記給我，便把文件夾遞回給耶位女孩並打發她離去﹕「佢係我呀妹。」




 
「喔……你好……」我還未來得切反應，她的妹妹早已離開我視線之內。
 
「呢份野係問題既關鍵字，當你睇到有呢個字既話，就跟住下面咁樣答就得架啦。」她指著那份筆記細地講解住，但很明顯的，我的目光完全未有跟隨著她的手指指向的方向。
 
佢……真係好有氣質。
 
「嗱，那份野就送俾你啦，你記得讀好啲書呀。」說罷食罷，我便作出我那餘下的男性風度﹕送佢返屋企。
 
其實最大既原因只係因為，我想見多佢一陣，即使佢屋企離M記大約只有五分鐘既路程。




 
「讀好啲書……有咩用呀？」
 
「返學就為咗讀書架啦，唔係做咩要返學呀？」看來肥正說得一點都沒有錯，Cynthia真的喜歡擁有上進心的人，皆因她也是極有上進心﹕「一個學生既任務就係要讀好啲書。」
 
說完這句話之後，我們便到達了她的住所……是一楝居屋。
 
「好啦，咁……我唔阻你啦，聽日見啦﹗」
 
「嗯，再見。」




 
回家過後，我立馬極速梳洗，隨後便Whatsapp肥正的女友Kitty。
 
「喂，你可唔可以俾Cynthia個電話……」的確，我總不可能這樣問她吧﹗我這樣不就等於直接問跟Kitty說﹕「我想溝你個朋友呀，可唔可以俾佢個電話我呀？」
 
我倒躺在床舖上，盤算著該怎麼開口會更好。
 
「Kitty，不如你開個Whatsapp，之後加埋我地紅社嗰人入去，咁樣有咩事都唔洗一個個咁搵佢地呀嘛。」我錄完音也不禁自誇了數遍。
 
麥俊傑你真係幾聰明，咁都俾你諗到﹗
 
在等待Kitty的回覆之時，不如看看Cynthia給予我的筆記吧﹗
 
翻閱首頁之時，注目在Cynthia所寫著的寫，不知是否真為一個VA人，就連字體也有點藝術氣息。
 




也許是我多心吧，總覺得筆記上存有她的餘溫。儘管理性一早已告訴我這只不過是自己的溫度，但我還是把臉頰貼上那張寫滿她的字的紙上。
 
點解……有種微微既幽香既？俾我有種優雅大方既感覺……到底係咪我既錯覺？
 
我都幾肯定係。
 
翻至內頁，滿滿也是劃過的螢光筆筆跡，把筆記中的重點字句一字不差的劃上顏色，給予人井井有條的印象。
 
藝術家性格：絕大部份既野都想力盡完美，唔容許有半點既瑕疵。
 
用上鑑賞的眼光欣賞過那份我鐵實會珍而重之的筆記後，手機也順勢抖動了一下。
 
是Kitty。
 
她回覆了一個okay手勢後，數分鐘後便成立了一個群組。




 
「話說你個名點串？」這句話作為開場白，我也不知有否不妥。
 
但係我都係照send咗俾Cynthia。
 
未幾，她便回覆了我一句：「你知嚟做乜？」
 
「咁我都要save你個電話號碼落我手機到架，一係你話俾我知你想我入你個名做咩啦。」
 
在線上，但是未有回覆。可能……是正在思考該如何回應我吧……
 
「美麗宜人活潑動人的Cynthia。」
 
……