《我係窮郵差，專門幫陰陽相隔嘅親人送信》（書局上架中）: 142

 
喵。
 
 
一隻黑貓由我身邊走過。
 
 
 
我只係感到全身麻痺。
 


 
意識慢慢返嚟，鼻塞不已。
 
 
一秒後，我先發現好濃烈嘅鐵銹味。
 
 
血味。
 
 


原來係血，成身成口同個鼻都係血⋯⋯
 
 
我想郁⋯⋯但成身都刺痛不已。
 
 
係⋯⋯我係山谷底。
 
 
一個無地方。


 
 
我想起身，但動彈不能，每一下都會傳嚟撕心裂肺嘅痛。
 
 
我⋯⋯我會死喺哩度？
 
 
直到一個女聲嘅出現。
 
 
正當我以為自己會死喺哩度時，佢就出現。
 
 
陽間人如果喺陰間死去，意識停留喺哩度，現實會變成植物人。


 
 
我全身都痛到郁唔到，只係感覺到畀人拉住、一直咁拉。
 
 
感覺上佢唔大力，只係就住我嚟拖，盡量想唔整痛我。
 
 
拉到唔知去到邊度⋯⋯
 
 
隱隱約約感覺到，我嘅傷口畀水沖洗，我痛到忍唔住嗚咗一聲。
 
 
之後就係清洗⋯⋯包紥。


 
 
「多謝⋯⋯」
 
 
我諗我應該細聲到無人聽到。