《我係窮郵差，專門幫陰陽相隔嘅親人送信》（書局上架中）: 139

 
「我就好？」
 
 
「生日快樂，同埋恭喜你哋⋯⋯」
 
 
「多謝。」我同蓳萓都笑咗一笑。
 
 


「你哋咁開心，仲喺埋一齊，我怕會覺得你哋拋棄我。」阿龍笑住咁講。
 
 
「你又亂講嘢啦。」佟蓳萓話佢。
 
 
佢用好細聲嘅聲音，輕輕咁講咗一句：「我怕我係講真。」
 
 
只有我聽到。


 
 
唔可以拋棄我⋯⋯
 
 
我哋漫步喺河邊，慢慢就走到山上，沿山直上，就係我第一次遇到阿龍嘅地方。
 
 
應該係話⋯⋯重遇佢嘅地方。
 


 
「你點會一啲都唔記得㗎，而家個頭撞到之後仲有無啲痛？」阿龍關心問道。
 
 
「我都唔知自己發生過咩事，但記憶⋯⋯好似慢慢咁返翻嚟。」我摸一摸自己後腦講。
 
 
重捨記憶嘅感覺，真係好奇怪，好似本身一啲唔屬於你嘅嘢，重新植入你身體咁樣。
 
 
只不過，我仲係未記起，到底同佟蓳萓之後點樣。
 
 
「對唔住阿龍，我竟然唔記得咗你哋。」
 


 
明明佢哋就係我嘅最好朋友，但唔知點解忘記咗佢哋，內心都有啲愧疚。
 
 
「唔緊要。」
 
 
「同埋上次⋯⋯真係好多謝你。」
 
 
「朋友之間需要講哩啲㗎咩？」阿龍話。
 
 
「係嘅⋯⋯」
 


 
「咁作為朋友，你會唔會留喺哩度陪我？」
 
 
我笑一笑咁話：「我會經常嚟㗎。」